ضربت معاي :)

مرحبا بنات

صار لي زمان ما شاركت في المنتدى

أدري اني مقصرة

بس مشاغل والله

بصراحة مرت علي فترة كرهت العناية بشعري وتعقدت :09:
لسبب واحد اكتشفته بعدين
اني حاطه شعري تحت المجهر

يعني اراقبه ليل مع نهار

اشوف اشكثر طال


وفوق كل هذا وذاك اني ما اعرف اي زيت استخدم بالرغم ان زيت النارجيل هو الزينت الوحيد اللي احس انه يعطي الحيوية لشعري

وتركت كل الزيوت اللي كنت استخدمها ورحت البقالة اللي جنب البيت واشتريت زيت C.B.C وقمت استخدمه

وبعدين رحت المكتبة كنت ادور على كتاب معين وطاحت عيني على كتاب للدكتور ايمن الحسيني

وتصفحته سريعا في المكتبة
شفت مكتوب داخله عن الشعر والبشرة والجمال فأخذته

ولما رحت البيت

قعدت أقراه وفي وصفات كثيرة كثيرة

لكن من بين الوصفات اللي حسيت انها مفيدة هي الوصفة اللي راح اكتبها لكم

بس والله لما استخدمتها ان شعري تغير وطبيعته تغيرت

خلوني اقولكم اياهاوبعدين اكمل لكم النتايج :::

تأخذين 8 فصوص ثوم او 6 وتهرسينهم تماما
الدكتور قال زيت الخروع لكن انا ما استخدمت الخروع لكن استعملت نارجيل + زيت عباد الشمس << عافية >> :28:
سخنت الزيتين بعد ما خلطتهم شويه

وأضفت لهم الثوم المهروس وتخلينهم مع بعض في زجاجة او علبة بلاستيك لمدة 36 ساعة يعني يوم ونصف
وبعد المدة المحددة تصفي الزيت وتستعمليه على راحتك

لما جيت استعمله سخنت الزيت شوي ودفيته

ودهنت شعري طبعا الله يعينكم على الريحة لكن انا استحملت وقلت يالله كل شيء جربته خليني اجرب الثوم

ودلكت شعري تماما بالزيت بما معناه اني دهنته بسخاء اكرمته بالزيت

وتميت ادلك فيه وادلك وادلك

وبعد كذا غطيت شعري بقبعة بلاستيك علشان الريحة فاحت وخليته ساعتين في شعري

وغسلته

وقلت بخاطري ما راح استعمل حمام زيت علشان اشوف النتيجة بدون الحمام الزيت

وخليت شعري ينشف

تريدوا الصراحة انا خفت قلت يمكن شعري بيطيح او انه يتساقط

ونمت بعدها وقلت الله يستر
بكرة الصباح :eek:

ولما قمت الصبح بروح الدوام عاد

مشطت شعري

والله انه الملمس ناعم لا واللمعة اللي فيه غير طبيعية

بصراحة انا كنت اسمع ان الثوم يسوي العجب في الشعر بس ما كنت مطمئنة اني استعمله كنت متخوفة من الريحة :12:

لكن بعد اللي شفته قلت خلاص اخيرا استقريت على الزيت اللي يناسبني

وخاصة ان زيت النارجيل يوالم شعري كثير :32:


في الختام هذه كانت تجربتي

واللي تحب تجربها ياليت تقولي النتيحة بعد التجربة علشان اعرف ان الطريقة فعالة
بالفعل

وصدقوني بستمر عليها

لان الثوم يطول الشعر


والسلام خير ختام :27: