السلام عليكم يا خواتي
عندي ملاحظه على المبيعات في المنتدى

اول شي اسعار البضاعه حلوه وفي متناول الجميع والكل يحصلها فرصه انه يشتري صح ؟
ثاني شي اتي عشان تحول الملبغ اللي اشتريت به يطلع عليه زياده مثل انك يوم تحول بالعادري 25 درهم انزيين
واذا حولت بالويسترن 55درهم
يعني اذا اشترينا حاجه 50 درهم + 25 الشحن + 25 التحويل = 100 درهم
عيل بسير المحلات وباخذها ب 65 او 70 واوفر على عمري باجي المصاريف
ياليت يا خواتيالتاجرات اتشوفون لكم طريقه اما اللي يوصل الاغراض تتعاقدين وياه ييب لج فلوسج والا طريقه ثانيه
مثل الاخت اميره البحر الله يجزيها خير
توصل الطلبيه مع الشحن وندفع لهم
فيه حد ماعنده من يركض له لين الصراف يحول الفلوس عيل ليش نشتري من النت اريح لنا

مثلي انا ماعندي بصراحه حد يركض لي لين الصراف عقب الزور اقدر اسير
ياليت ياخواتي تسهلون لنا طريقه الدفع ومحد بياكل حق حد والحمد لله نحنا في امان في بلادنا والخير عامنا من اولها الى اخرها

ياليت الكل يشارك ويعطينا رايه لانه صدق مشكله وزياده في المصاريف
ماشاء الله كم وحده دخلت ولا تعليق
محد عنده حل والا اقتراح

على العموم مشكورين انكم قريتوا الموضوع
هلا اختي ..موضوعج حلو وانطرح من قبل بس ما احد لقا حل ..المشكله ان اصابع ايدج مو كلها وحده...ممكن تطلبين كميه وتدفعين شحن وتحويل وبعدين تقولج ما ابى او ما ترد عليج وتطيح البضاعه بجبدج...برأي ان الوحده الي ما تروم تروح الصراف او منطقتها بعيده توكل وحده من الأخوات تتكفل بهالشيء وتكون طبعا بنفس امارتها وثقه عشان ما تتوهق....وبعدين توصل لها الطلبيه بمعرفتها.
عزيزتي للاسف بعض التاجرات اتنصب عليهم بهالطريقه
يرسلون طلبيات للزبونات ويرفضون استلامهم بعدين تطيح البضاعه بجبد التاجرة
وغير انها تدفع قيمة الشحن والترجيع مالج الا تشترين من المندوبات
ان كانوا قريبين من منطقتك.. والله يعين

سبحان الله وبحمده
اللهم اغننا بحلالك عن حرامك وبفضلك عمن سواك
وبطاعتك عن معصيتك وبرضاك عن سخطك
وبالثبات عند سؤالك
لا اله الا انت
سبحانك اني كنت من الظالمين



صحيحي انتوا تتكلمون عن فئه ماعندها ضمير
بالنسبه للناس اللي تعرف مابتسوي جذيه
الله يعين التاجرات ويعين المشتريات

لكن بعد اكيد فيه حل تخفيض يتفقون ويا الشركات اللي تعاملون معهاهم ويخفضون التكاليف لهم


الساعة الآن 02:50 .