مرحبا بطباخاتنا الماهرات
حبيباتي أنا محتاجة مساعدتكم خويتكم جديدة في مجال الطبخ وما تعرف شو تسوي
عندي روبيان الخاص بالطبخ مو القلي وعندي خضار مجمدة حابة اسوي منهم عشا بشو تنصحوني
الله يخليكم محتاجة فزعتكم بسرعة ضرووووووووري

أختكم
ستروبري

الظاهر اني كنت اتأمل انه بنات حوااااااااء هم اللي بيفزون لي ويساعدووووووني ولكني كنت غلطانة

والله انه حز في خاطري انه 14 وحدة دشت ولا كتبوا شي حتى لو يقولون ما نعرف
انا مب طباخة ماهرة بس حبيبتي جوفي وصفات البنات و ان شالله تحصلين الوصفة اللي تبينها
سورري والله يالغلااااااااا
للأسف ماأحب الربيااان ولا اطبخه ^_^

بس إن شااء الله البنات رااح يفيدوووك
وأنتي الله يهدييك لا تستعجلينننننننننننننننننن ننن وأصبرري ^_^
وبالتوفيييق ...





هلا حبيبتي ..
با النسبه للروبيان خليه كشنه فوق الرز وتراي انا مجربته لذذذذذذذذيذ وحبوه اعيالي وابوهم ..

طريقته ..
اول شئ اسلقي الرز عاااادي واذا شرب مويته قصري عليه النار ..

اما الروبيان ..
قطعي بصل شرايح وفلفل رومي شرايح .. واحمسيهم مع شوي زيت ..
واذا ذبل البصل والفلفل الرومي ..
حطي الروبيااااان فوق البصل وحركيه كويس ..
بعدين حطي بهاراتك وملعقه ص كركم .. وحركيه زين ..
ويلا افتحي قدر الرز وحطي الكشنه فوقها وخليه بس من خمس الى عشر دقاايق ..
وقدمميه .. بانك تحطين الرز تحت وكشنة الروبيان فووووووق ..

اتمنى اني ساعدتك ولو بشئ بسيط ..


اما الخضار المجمده ..
طريقتها سهله ..
قطعي بصل واحمسيه مع زيت وحطي ثوم واحمسي
في الخلاط .
حطي طماطتين واعصريها ..
وكبيها فوق البصل .. وخليه شوي يطبخ بعدين حطي ملعقة صلصه ومكعب ماجي وبهاراتك ..
وخليها تطبخ شوي .. بعدين حطي الخضااااااار ..
عاد تبينها متسبكه لاتزودينها ماء .. واذا تبين مرقها كثير زودي بس كاس ماء

لاان اصلن الخضار المجمده مستوووووووويه فما يبيلها ماء كثيرررررر ..
استغفروالله العظيم من كل ذنب عظيم
استغفروالله العظيم من كل ذنب عظيم
استغفروالله العظيم من كل ذنب عظيم





الساعة الآن 10:38 .