لو سمحتوا بغيت طريقة عمل صب الكفشة ضروري...الله يجزيكم خير
هلا حبيبتي ... تفضلي طريقة الاخت أم عزيزان
المقادير :

2 كاس طحين ابيض

1 كاس طحين نخي(حمص)

4 بيض

نص كاس زيت

1 كاس حليب سائل دافي

1 م ط خميره

هيل وزعفران

واشوي خل ابيض حق ريحة البيض



الطريقه :

نحط المقادير الناشفه مع بعض ونخلطها جيدا بالملعقه

وبعدها نخلط المقادير السائله جيدا ونضيفها على مقدار الطحين حتى تتجانس جيدا وراح تكون عندي عجينه لزجه

نتركها حتى تختمر تقريبا ساعه وربع او ساعه ونص حسب المكان (راح تشوفينها انتفخت)

تصب بالملعقه في زيت ساخن على نار هادئه حتى تتحمر من الجانبين (الزيت يكون وسط وليس غزير )

نصفيها اشوي عن الزيت ثم نضعها بالشيره لمدة خمس دقايق

ثم نقدمها بالطبق بعد ما نصفيها من الشيره

----------------------------------
أنا جربتها و طلعت حلوة ..يدي و يدتي حتى خوالي دوم يطلبون مني اسويها
ما قصرت بنت امها وابوها

وهذا رابطها بالصور تشهي اكثر وتشجع اكثر هههههههه

http://www.hawaaworld.net/showthread.php?t=377864

وتسلم ايدينج وعليكم بالعافيه


انستغرام: q8crochet
بارك الله فيكي اختي بنت أمها وأبوها

بارك الله فيكي أختي أم عزيزان على صب الفقشة وعلى ثوب الصلاة مرة حلو والله ودي اني اسوي واحد مثله لي مو لبنتي بس الماكينة حقتي خربانة الله لايعوقني من شر وأكيد يوم من الايام أسويه بإذن لله تعالى













مشكورة اختي بنت امها وابوها. ...ومشكورة يا أم عزيزان...

ام عزيزان انا قريت مرة طريقة لصب القفشة يحطون فيها تمر..ماأدري تطلع حلوة والا لا؟؟

اختي مزاج شكرا على المرور


الساعة الآن 09:15 .