اقتباس مشاركة  (أغاريد بوظبي)
قمر ضاوي الله يبارك لج في رزقج ...
بس علميني شلون تتعاملين عن طريق النت
تراني مافهم في هالسوالف ..

أغاريد نكج حلووووو ما شاء الله ...
بالنسبه للتداول عن طريق النت الحين فيه شركات وساطه ماليه قامت تقدم هالخدمه لزباينها ومن بينهم في الامارات جولدن جيت ومباشر ...
آنا أتداول عن طريق مباشر وشرحت سابقا في أحد المواضيع كيف بديت معاهم وهي انج تفتحين حساب عندهم بشرط يكون عندج رقم مستثمر في احد الاسواق الماليه في الامارات .. وتحطين في حيابج يا فلوس وماعندهم حد أدني ... أو أسهم اذا كنتي تمليكن أسهم لشركات معينه ...
ويعطونج برنامج تنزلينه ع الجهاز سهل وحلووو وواضح ممكن تتعلمينه بسرعه ... ومباشر في نظري احسن من جولدن جيت وغيرهم لأنه عباره عن برنامج مب موقع الموقع ممكن يصير عليه ضغط أو مشاكل بالسيرفر بس البرنامج لا ... ممكن بس يقطع معاج أحيانا بس تردين تفتحينه بسرعه عادي ...
وآنا حاضره لأي استفسار
29-03-1427 هـ, 02:10 مساءً
 

أختي يا هلا فيج ونفس الكلام اللي قلته لأغاريد بيفيدج ان شاء الله وانا في الخدمه
29-03-1427 هـ, 02:12 مساءً
 
اقتباس مشاركة  (دم الغزال)
صح أبغي أسألج الغاليه

شو فايدة المباشر؟؟ يعني كم نسبته

هل أنتي حصلتي 4000 صافي أو هم ياخذون نسبه معينه

من الربح ؟؟ وعلى كل عمليه ياخذون أو مره وحده ؟؟
هلا حبيبتي ربيعتي وأختي يالغلا ... نسبتهم اهي النسبه المصرح فيها للوسطاء عادي ... وياخذون على كل عمليه انتي اذا بغيتي تحطين أمر شراء أو بيع بتشوفين كل شي جدامج على طول يعني من تحطين أمر شراء مثلا وتحددين عدد الأسهم بينكتب لج كم قيمتهم الاجماليه وكم نسبتهم وكم لج بس مب وايد ... أكثر عمليه سويتها خذوا منها 115 درهم تقريبا ...
وال 4000 الصراحه خذتهم لأنني ماطمعت فيه ناس يتمون يقولون لا بيرتفع السهم أكثر اصبروا وفي النهايه ينزل السعر ونفس الشي اذا صار نول وبغيتي تشترين بيقولون اصبري بعد بينزل وتلاقينه ارتفع ... الحمدلله أشاور اللي حواليه وفيه اشخاص ما أنكر استفدت من توصياتهم ... حالة السوق عندنا في الامارات جدا صعبه والهوامير لاعبين لعبتهم وصغار المستثمرين ضحايا لهم بس مانقول غير الحمدلله ...
29-03-1427 هـ, 02:18 مساءً
 
ROSHANA

بنت الامارااااااات

تسلمن خواااااااتي الغاليات وربي يوفقني واياكم لما فيه الخير
29-03-1427 هـ, 02:21 مساءً
 
اقتباس مشاركة  (مثايل777)
مبروك حبوبه

بكم داشه السوق

لاني ناويه اشترك في المباشر
اشتركي فيه نصيحه بي ديري بالج عدل ... لأنه بصراحه يتم احسن من انج تحطين فلوسج عند وسيط وشوفي المذله عشان يردون عليج بالذات اذا كنتي من صغار المستثمرين .....
آنا داشه ب 100 ألف درهم ... وبديت اشتري وابيع بروحي يوم الأحد الماضي يوم الانهيار الكبير والحمدلله شريت ورديت بعت يوم الثلاثاء والأربعاء وطلعت راس المال وفوقه 4000 درهم وشوي ...
29-03-1427 هـ, 02:24 مساءً
 


الساعة الآن 02:23 .