أيش حل الحبوب اللي تطلع في الظهر والكتوف بعد فترة من شيل بحلاوة ..؟؟

السلام عليكم ورحمة الله وبركاته ...

مساكم الله بالخير يالغاليات ... كيفكم إن شاءالله يارب كلكم بخير ...

خواتي ابي أسألكم .. إذا شلتوا جسمكم كله بحلاوة وخااااااااااااااااصة ً من العضد الين الكتف والظهر نصف الظهر بعد اسبوع او اسبوعين تطلع حبوب كثيييييييييرة في نصف الظهر والكتوف الين نصف العضد أما باقي الجسم مايكون فيه حبوب ولا شيء ... ايش الحل لهالمشكلة انا وقريباتي وصديقاتي كل ماشلنا بحلاوة هالمناطق لازم تطلع فيها حبوب كثيرة وشديده وماتروح الا بعد شهور وتحك ... ما طلع مباشره بعد شيل الحلاوة لا اذا مرة اسبوعين او اكثر شوي يعني فترة ظهور الشعر وتراني اذا شلت بحلاوة افرك جسمي بليمونه كل المناطق اللي اشيلهم بس هالمنطقه تطلع فيها حبوب ...

ايش الحل من تعرف حل هالمشكله قسم بالله كل ماجيت اشيل هذي المنطقة اللي هي نصف الظهر والعضد والكتوف اتنكد مع اني شعري خففففففففيييييييف مره اللي بجسمي مو باين ابد بس ابي نعومه واشيل الجلد الميت ...؟؟؟:09:
انا ما اشيل دايم جسمي بحلاوة بس وحده من صديقاتي شالت ونتثر في ظهرها وكتوفها حبوب كثيرة .. يوم شفتها تذكرت معاناتي واني راح اضطر اني اشيله بيوم من الايام بحلاوة وراح تجيني نفس كذا .. صديقتي تبي حل لهالمشكله تقول انها يوجعها ... صادقه يااااااااااااااهوووووو يوجع :22:
واللي تقولي بشرتي حساسه للعلم بشرتي مو حساااسه ابدن ياااااااااااااااارب لك الحمد بشرتي دهنيه اكسر كبرا شركات الدهون وزيوت ودك طبيعي :hahaha:
بس الحمدلله مع صابونة البابايا جففت الوجه :eek:
وش جاب وجهي لموضوع الحبوب .........:22:
جزاااااااااااااااااكم الله يااااااااااااااااارب كل خيرررررررررررر دنيا وآخره يارب .. . صديقتي على وش قوازه .. ولو تدري ان هذي الحبوب يبيلها شهر وتروح كااااااااااان تنجلط ... الله يفرج همها وهمومكم يارب .. واللي تدخل وماعندها لخلفيه .. الله يوفقها ويسعدها أهم شيء جبرت بخاطري ودخلت وقرت الموضوع وإن شاءالله بعد تستفيد ...:42:

وقبل لا اروح ادعي لكم من قلبي (( الله يوفقكم ويرزقكم كل خير تتمنونه في الدنيا والآخره .. ويفرج همومكم ومشاكلكم ويسعدكم ويجعل الجنه مثواكم .. اللهم آمين اللهم أستجب دعائي في هذا اليوم المبارك يوم الجمعه)) لكل وحده تفيد غيرها .. (( من كان يؤمن بالله واليوم الأخر فليحب لأخيه مايحب لنفسه )) وهذا شعار بنات حواء داااااائما ً يساعدون أخواتهم في الله سبحان الله .. لاني كل ماسألت القاء الاجابه مو وحده ولا ثنتين الكثير وربي ... الحمدلله على نعمة الاخوة في الله ...

انتظركم ياربعات :26: