خواتي كلكم عزيزات علي ...و اللي يعرفني يعرف اني ما ازعل ....




بس حرام عليكم .....


مب عليكم كلكم بس على البنات اللي يطلبن الاغراض و اقوللهم متاكدين ؟؟؟ يقولون اكيد...



اطرش الاغراض مع شركة التوصيل و الدفع اخليه عند الاستلام و اتغاضى على انهم يوم ياخذون الفلوس من البنات يذلوني لين ما ايبوون لي اياهم ...(آخر مرة مطرشة اغراض تاريخ 12 و استلمت الفلوس تاريخ 25 و مب كل الفلوس يقولون مرة ثانية بنييبهم )

و آخرتها لا اترد البنت على شركة التوصيل ولا حتى على مسج مطرشتنه على تليفونها ولا على مسج من المنتدى؟؟؟؟؟؟


يعني عيب ...ما عندج تدفعين قولي وعادي ما فيه اشكال باتريا لين يكون عندج فلوس...كنسلتي بعد ردي عااادي ومب مشكلة ...بس انج تحقريني ؟؟؟؟عيب


انا تراني ادفع لشركة التوصيل قبل لا يطلعون عن السيرة و الردة ...يعني اذا ما ردت البنت انا في النهاية الخسرانة...


و انا عسب تشذي قررت اللي بتطلي مني.....اسمحولي اتحولون المبلغ و بعدين اطرش الطلبية ...و ارجو من اي وحدة تبغي تطلب مني اتكون جادة ...و اذا غيرت رايها مب مشكلة بس مب يوم اكون انا طرشت الاغراض!!!!

و اسمحولي على الاطالة بس والله شي يقهر و انا كنت ابغي اني ابرر موقفي
29-03-1427 هـ, 10:58 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
صاجه الله يعينج مفروض تاخذين فلوسج من البدايه عشان الجاده بتدفع لكن الغير جاده شي بيعي مابتدفع الا لو حصل لها ظروف تكنسل الطلب هذا شي ثاني
29-03-1427 هـ, 11:38 مساءً
 
فديتج كم انا تشكيت من الحاله هذي ......!! بس شو نسوي الله كريم
29-03-1427 هـ, 11:41 مساءً
 
انا كمان حصلت معي هالحركات عدة مرات و خسروني الله يسامحهم
29-03-1427 هـ, 11:43 مساءً
 
الله ايييعيييني عيل انا كنت بتبع الشي عسب اسهل عالبنات اخاف يصير لي نفس الشي ...!!!!
30-03-1427 هـ, 12:10 صباحاً
 


الساعة الآن 07:29 .