السلام عليكم ورحمه الله وبركاته

اختي انا الغلا كله
ربي يوفقني واخدمج
رديت على رسالتج
نتواصل بأذن الله بالمعلومات اليديده
وأن شاء الله خير

ربي يشافي بنتج ويعافيها ويشافي جميع مرضى المسلمين يارب

سامحيني اختي على القصور
ام حسين
02-04-1427 هـ, 04:37 مساءً
 
دخيييييييييييييلكم أنا اللي محتاجة الساعة مالت السكر ... أنا راس مالي هالولدين اللي عندي واحد عمره 6 سنين والثاني عمره 4 سنين ياهم المرض يوم هم صغار وأصيبوا به في نفس الإسبوع والصراحة الله يعلم بحالي كيف أنا تعبانه وياهم... قاطعت الناس والطلعات والعزايم بس علشان أتم عندهم في الفترة اللي يكونون فيها رقود ..أرجوكم ساعدوني في إيجاد من يقدر يوفر لنا هاي الساعة لأن عيالي يا ما تشنجوا وهم رقود لأن السكر يوصل أحيانا عندهم 35 و 40 وهم مب حاسين.. تخيلوا أنا ما أذوق لذة النوم في الليل طول الوقت أراقب نفسهم وتحركاتهم والمشكلة إني أداوم وأسير الدوام وما فيه حيل..... أتمنى من الإخت " أنا الغلا كله " التواصل ويايه علشان نحصل هاي الساعة بأسرع وقت ممكن .. أتمنى من المولى القدير أن لا يريكم مكروه في أهلكم....
03-04-1427 هـ, 04:38 مساءً
 
الأخت " أنا الغلا كله " الساعه اللي ذكرتها الإخت " Malathi " متوفرة مب بس في أمريكا توجد في بريطانيا وأنا دخلت الموقع مال الشركة وبطرشلهم إيميل وبسألهم إذا ممكن يوفرونها لي ويطرشونها الإمارات أو إذا ممكن يطرشونها لي لباريس لأني بسير فرنسا في شهر 7 ... أكيد أقرب لهم أو ممكن إذا حصلت حد من الأهل ممكن يطرشها لنا أو حد من البنات اللي في المنتدى اللي ساكنين في بريطانيا ممكن يساعدونا في هالموضوع وترا اللي يسوي خير الله ما ينساه أبد.....
03-04-1427 هـ, 04:48 مساءً
 
اخواتي العزيزات

الله يشفي ابنائكم من هذا المرض
اعرف زوج صديقتي عنده هذا الجهاز كساعه وسلسله وأظن انها خبرتني موجود فالامارات
ومن فتره وانا قريت ردج يا انا الغلا كله حاولت اتصل عليها لاكن مبايلها مغلق
ان شاءالله من اعرف وين ينباع بخبركم

اختكم في الله سلحوفة
03-04-1427 هـ, 09:21 مساءً
 
السلام عليكم خواتي جيف الحال ؟
السموحة تأخرت بالرد يالغاليات اعذرني ... انشغلت بولادة اختي هاليومين ... فالسموحة من الجميع
الله يشفي عيالكم ياااارب و ما يشوووفون شر يااااربي
بشوف الجهاز هذا و اذا اي وحدة من التاجرات تقدر توفر يزاها الله الف خير ...
و لا يهمكم خواتي بنشوووف الموضوع اذا قدرت باذن الله بيتوفر و اذا لا بنشوف تاجرة ثانية اذا تقدر ...
ربي يشفي عياااالكم يااااارب عاجلا غير اجل يااارب العالمين
03-04-1427 هـ, 10:17 مساءً
 


الساعة الآن 08:05 .