اختي شكرا على الفكرة لانها بجد ممتازة لكن ياترى عندك تخطيط كيف ممكن تتنفذ. اقصد ياليت زيادة تفاصيل مثلا انا منسقة حفلات وبالاصل بداياتي كاني مصصممة صواني حفلات . كيف اقدر استفيد من مهارات البنات الي بالمنتدى. انا مثلا محتاجة مجموعة بالرياض تساعدني وممكن بجدة انا بالشرقية وكمان محتاجة لان الجهد كبير ومحتاجة لتجديد الافكار بمجموعة جديدة . لكن كيف وبصراحة كل العرب كل وحدة تبي تصير مديرة او شريكة. ولو كانت موظفة ماراح تبدع او بعد ماتتعلم منك شي قليل تطلع وتشوف غير والمصيبة الالتزاااااااااااااااااااااام.
بنات ياليت الي عندها دراسة وافية ومفيدة لتكوين هلمجموعات وكيفيكة عرض الاعمال تقول.
وانا مستعدة.
03-04-1427 هـ, 11:48 مساءً
 
بنات انتم مو بس تكتبون هوايتكم وتطلعون تنتظرون
تصفحوا الموضوع من الأول وشوفوا اذا لكم بنات من نفس الهوايه راسلوهم وشوفوا
أفكارهم ووزعوا المهام بينكم

هلا أميرة الضباب في بعض البنات ماعندها مواصلات ممكن تلاقي في المجموعه وحده عندها
وفي مشاريع صغيره مايبيلها ممول كبير تتقاسم المجموعه التكلفة
لاتصيرين تشاؤمية ما تبدا المشاريع بالنظره هذي

الخزامى والفل كل وحدة تكتب هوايتها يمكن تجي ثانيه تكون من نفس الهواية ولها دراسة وافيه وتتواصل معك
04-04-1427 هـ, 09:19 صباحاً
 
الاخت اميرة الضباب كلامها صحيح.

انا هواياتى اللى اجيدها فعلا : اعشق تصميم الازياء و التطريز و الجنط وهذى ابدعت فيها كثير و بعت منها و الحمد لله استفدت ماديا رغم ما عندى معارف و لا عندى صديقات لكن اروح المجمعات مالت الاقمشة و اتعرف و ابيع هناك من غير ما يكون لى محل و بعدين اعشق الرياضة و الرقص. بالنسبة لتصميم الأزياء مش سهل لانه بيغى لها دراسة اقل شي سنة و بدروس مكثفة و مش كل واحدة ركبت لها لونين او خامين و قالت انا مصممة المصممة الشاطرة و المحترفة هى اللى تعرف تصمم على طريقة المولاج و المانيكان يعنى تفصل و تركب اقل شيء ثلاث خامات بعدين الخام الرابع فوق المانيكان و حسابات و تخريج الألوان عن طريق الكمبيوتر و تصنيع الموديل النهائى عن طريق الكمبيوتر يعنى لازم تتعلمون هذا الشي برا الخليج و هنى بالكويت ما لقيت معهد يعلم لكن بالمغرب بلدى فى معاهد قوية و بها مدرسون خريجى فرنسا. السنة الماضية زرت المغرب و رحت أكبر معهد لتصميم الازياء و قابلت المدرسة قلت لها ممكن اتعلم التصميم بخلال شهر قالت لى تبغينى اخذ فلوسك و اضحك عليكى مستحيل هذا علم قائم بذاته زى اى علوم تدرسينها يبغى لها تفرغ و متابعة و همة و ارادة اول شيء لازم تتعلمين كيف ترسمسن الموديل بطريقة محترفة و مقاسات و تتعلمين كيف تأخدين المقاس على الزبونة وتركيب الالوان و تصميم البروفة على المانيكان اولا و ليس على الزبونة و وووو
وقالت اشايء كثيرة مانى حافظتها وورتنى اجهزة التعليم باقسام كثيرة بعدين قالت لى اقل شي 6 شهور من باب العلم بالمجال.
فخاب املى لانى متزوجة هنى بالكويت و زوجى ما يخلينى اقعد الا شهر او 20 يوم
04-04-1427 هـ, 12:04 مساءً
 
طيبات المصممة السعودية فوزية النافع بدأت بالخياطة في بيتها في الشرقية وشوفي وين وصلت
وأحسن معلمين الشاورما ما أخذوا دورات من فرنسا
أنا ما أقول ان الشهادة مو مهمه اذا توفرت زياادة في الخير بس الشهادة من غير موهبه أو حب للعمل مااا تنفع
أهم شي الطموح وتطوير الشغل بالوسايل المتوفره للشخص شوي شوي لين يقدر يتخصص في الشغل
05-04-1427 هـ, 07:47 صباحاً
 
مساء الخير
انا من الرياض واشتغل بالتصميم والازياء من سنه وحابه اعرف بنات من الرياض ولهم نفس الميول او لهم علم بالخياطه لاني مااعرف اخيط بس كنت اتعاون مع خياطات اللي تحب تشتغل معاي بنفس المجال تراسلني
05-04-1427 هـ, 02:11 مساءً
 


الساعة الآن 09:22 .