السلام عليكم

اخواتي انا عندي سؤال يراودني من فتره بس خايفه اسأل ويفهمني البعض بطرية خاطئة

استفساري بخصوص الاستيراد من الصين

ماشاءالله فيه كثير من الاخوات التاجرات والمميزات في منتدى حواء

حبيت اعرف منهم كيف اقدر استورد من الصين بغض النظر عن البضاعه اللي ابيها

طبعا من غير مااسافر لان ماعندي مجال,, هل فيه مواقع معينه ممكن تفيدني؟

او كيف الطريقه؟

ان شاءالله مااكون ثقلت عليكم بأسئلتي ,, وشكرا للجميع مقدماا

موفقيين يارب

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اهلين حبيبيتي
طبعا انا ماني تاجرة بس موجودة بالمنتدى
في اخت من الاخوات كاتبة موضوع عن طريقة الاستيراد عبر الانترنت والبحث وماشاء الله عليها ماقصرت كفت ووفت.ربي يوفقها شوفي موضوعها وبيفيدك باذن الله اسمها طموحة بوظبي
وبتلاقين موضوعها بالصفحه الاولى
تحياتي
تسلمين ياعمررري وماقصررتي

فعلاا موضوع اختي طموحه واااااااااااافي ونفعني وااايد
هلا اختي الغاليه

بالنسبة لي اول تجربه للاستيراد من الصين هي مره واحده وخلال 10 ايام المفروض استلم طلبيتي وان شاء الله على خير

لكن مشكلة الشركات الصينيه ما تقبل الا اعداد كبيره جدا من البضاعه لانهم عباره عن مصانع مو شركات عاديه يعني لما تطلبي منهم شي يبون يصنعوه هم مثلا يكونوا حاطين لك (عينه) شكل من الشيء فانتِ لما تطلبي يسوون لك مثله عشان كذا يطلبون اعداد كبيره لانه مومعقول يقعدوا يبلشوا عمرهم علشان كم قطعه بنظرهم هذا غير مربح لهم لانه بيشغلون المكاين وغيره وغيره وما بيكون مربح لهم الا اذا كان كميه كبيرة

وقلة جدا المصانع اللي تقبل بعدد معقول وان رضوا يعتبروه (sample) عينه ويلزموك بعدد معين ويكون سعره اغلى بكثير من سعر الـ wholesale او من سعر الكميات الكبيره تفرق جدا

وطريقة هالشي بانك تحددي الشي اللي تبين تبحثين عنه وتكوني عارفه اسمه او المصطلح اللي يتسمى فيه بالتجاره هالشي اللي تبينه وتدخلين مثلا محرك البحث google وتكتبي الشي اللي تبينه وتكتبي جمبه china وبيطلع لك كثير

او مثلا اذا تدورين مصدرين للملابس تكتبي cloths supply china

وفيه كذا موقع مثل alibaba و made in china وغيرهم من المواقع اللي تضم عدد كبير جدا من المصانع اللي تصدر في جميع المجالات

بس مثل ما قلت لك تبقى مشكلة العدد اللي يطلبوه عدد كبير جدا

انا اقعد اراسل مئات الشركات وبالاخير واحده ممكن اللي تضبط معي ويمكن ولا واحده تضبط

يبغالها طولة بال

الف تحيه حبوبه
نفس سؤالي...

بس السؤال الأهم هل أحتاج رخصة استيراد وسجل تجاري ولا لأ؟

وعن طريق مين تنشحن البضاعة...وكيف تتحول الفلوس
يا أهل السعودية الكرام


الساعة الآن 04:15 .