السلام عليكم

شلونكم يا قمورات

انا بصراحة فكرت بتجارة نستفيد كلنا منها ولقيت ان تصميم الأزياء اهي الهواية المحببة عندي

والدارجة عند الكل فطرت علي فكرة نتشارك فيها كلنا وكلنا راح نستفيد باذن الله

واهي كالتالي :

كل بنت عندها وقفة تخص هالتجارة سواء كانت تبيع خامات او عندها هواية التصميم او حابة تساعد
مادياً بيكون لها دور وطبعاً الأرباح راح تتقسّم ... مثلاً اللي عندها خامات للبيع تطرحهم علي بهالموضوع لأني محتاجة خامات للتصميم ويريت يكون السعر معقول وراح اقولها محتاجة الخامات لأي نوع من الأزياء طبعاً

واللي عندها السيولة بس مو عارفة اتجار فيهم او تنمّيهم تشارك معانا بمبلغ صغير مهما كان وراح تكون الأرباح مقسومه عالكل

وكذالك بالنسبة للي حاسة عندها موهبة التصميم

اهو عموماً انا اصمم من قبل وعندي سيولة كافية و****الله من باجر راح اروح ادوّر الخامات المحتاجتها بس فكرت ان تكون التجارة جماعية علشان كلنا نستفيد بوقت واحد

اتمنى الاقي صدى لهالشي

وتسلمووووووولي يا عسل

معلومة مفيدة : انا من الكويت

عزيزتي فكره حلوه

وانا ممكن اساعدج انا من الكويت واقدر اساعدج بالتصاميم

وهم بالخامات وبالكلف

بس ممكن تفاصيل اكثر
عن المكان الي بينعرضون فيه
وتفصيل شنو بالضبط

تحياتي
بنت الكويت
السلام عليكم الغالية

للأسف انا من الامارات بس عندي هواية في تصميم الازياء فهل تريديني مثلا ارسلج بعض من تصاميمي علشان تشوفينها والا شو

وتسلمين الغالية على فكرتج اللي من زمان وانا افكر فيها بس العائق الوحيد اللي كان عندي هو المادة للأسف

والله يوفقج اختيه ويسر امورج وينولج اللي في بالج ان شا الله

@ اختكم في الله @
هلا اختي موووضوع حلو انا بعد عندي هوايه التصميم وكنت اصمم واحط بمحلي لكن اللحين صارت لي ظروف وسكرت محلي اقدر اوفر لج خاما ت غريبه وحلو ولا خامات الساري الهندي المشكوك واشياء غريبه وانا من قطر وياليت التفاصيل على الخاص
تسلموووووووولي كلكم والله فرّحتوا قلبي بردودكم

خلونا ناخذها خطوة خطوة علشان يكون كل شي مرتب تقريباً نقول الحين كلنا عندنا هواية وحدة وجم بنت منكم عندها الخامات

اوكي انا بصراحة في البداية كنت اصمم فساتين سهرة وجلابيات (دراريع) بس بما انها تكلّف وايد من ناحية الاكسسوارات والشغل اللي فيها واحنا باديين اصلاً من الصفر فكّرت في أزياء المحجّبات ومن ناحيتي اكثر شي اتقنه القطع اللي فوق البلايز وغيره وطبعاً الأفكار متشاركه بينا اقترحوا معاي

ويريت للي عندها انواع خام تنفع لملابس الطلعة توريني منهم وتقولي اسعارهم اتمنى اتمنى يكون السعر مقبول

بنوتات اللي قالت عندها هواية التصميم يريت بس تقولي شنو تحب او تعرف تصمم بالضبط وبعدها ننطر لين تصير عندنا مجموعة خامات حلوة نقدر نشترك كلنا بتصميمها

احلى كويتية انا مالي مشغل كنت اعرض بشقتي عن طريق اعلانات الجرايد واذا امكن احتمال اقدر اسويها خدمة توصيل للي حاب يشوف التصاميم اييبهم لعنوانه ويريييت توريني الخامات اللي عندج

نجمة اذا قدرنا نوفّر المادة والخامات المطلوبة وبدينا نصمم سوى ومشى سوقنا راح تكون مشكلتنا الوحيدة النقل علشان اطرّشلج الأرباح وما تدرين يمكن بعدها راح نوسّع تجارتنا عندي وعندج فيريت اذا تعرفين احد يتعامل مع شركة معينة لأني بصراحة ما اعرف شي عن هالموضوع كلش وانا ناطرة ردج وحبيت اقولج اني ماعندي محل ولا مشغل انا مثلي مثلج هاويات تصميم فمايحتاج توريني يكفي انج تعرفين تصممين

ام الهنوف لج نفس الكلام حبيبتي اللي قلته لنجمة اذا تعرفين طريقة الشحن علميني واذا اوكي انحلت المشكلة راح اقدر اشوف الخامات اللي عندج علشان تقدرين تدزينهم لي وانشاالله كل شي بثمنه

وبنات بليييييييز محتاجين دعم أكبر للي يقرا الموضوع


الساعة الآن 11:12 .