Analysis Services
السلام عليكم ورحمة الله وبركاته

اخواتي تاجرات المنتدى سؤال لو سمحتن وماعليكم أمر
انا عندي بضاعه وودي في مندوبات
بس ماني عارفه كيف اعين المندوبه وكيف يكون التعامل هل اعطيها البضاعه واستنى بعد كذا المبلغ؟؟؟ ولا كيف تكون الشغله بالضبط؟؟
ياليت ماتبخلون علي بالرد
03-04-1427 هـ, 07:59 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الغاليه راسليني على الخاص و بفهمج .... موفقه الغاليه
03-04-1427 هـ, 08:23 صباحاً
 
sparkel صندوق الرسائل عندك ممتلئه
03-04-1427 هـ, 08:34 صباحاً
 
السلام عليكم ورحمة الله ..

أولا بالنسبه للشغل لو كنتي انتي اللي تمشين شغلج بنفسج بكون وايد أفضل،
خصوصا الحين فيه انترنت وايميل، وتعددت المنتديات اللي فيها اقسام تجاريه ..
فلو اديرين شغلج بنفسج بكون أفضل، وأرخص لزباينج....
هذا في حالة كانت بضاعتج قليله وتقدرين تبيعين وتمشين الشغل بروحج

أما لو كنتي ما تقدرين وعندج التزامات تخليج تضطرين انج تحطين مندوبه ..
إما تتفقين معاها على نسبه معينه ...
فالعاده نسبه المندوبة تكون 10% أو 15% أو 20% ..
وتحسب بالطريقه التالية : سعر البضاعه*(10÷100)
فلو كان سعر البضاعه = 300
المبلغ اللي تاخذه المندوبه= 300*10÷100 = 30 درهم ..

أو تتفقين معاها على سعر ثابت تزيده على سعر البضاعه لها ..
يعني 50 درهم أو 60 درهم ...

أو تبيعينها البضاعه وتسلمج المبلغ وعقب ترد هي تبيعه بالسعر اللي تبيه ..

الأفضل بالنسبه للمندوبات انج تختارين ناس انتي عارفتهم ومئتمنه لهم ..
لو عندج حد من أهلج أو مثلا فالتجمعات الأهليه توصين وحده تعرفينها
توديلج البضاعه وتعرضها ..

أو لو كنتي حابه من المنتدى بعد في بنات ما شالله عليهم دين وأخلاق
وعندهم اسلوب فالتعامل مع الزباين وايد حلو ..

بالنسبه للدفع:
الأفضل يكون مبدأ سلم واستلم .. إذا عندج صور للبضاعه طرشيها لمندوبتج
وخليها تعرضها في حال تم الطلب، يتم دفع المبلغ كامل، وعقب اطرشين البضاعه

أو تقوم المندوبه بدفع التكاليف كامله، واطرشيلها البضاعه، وبعد جي هي تبيعها وتستلم
لأنج استلمتي من البدايه ..


وعشان الله يوفقج ... طلعي من كل شي تبيعينه صدقه .. وصدقيني بتربحين


الله يسرلج أمرج
03-04-1427 هـ, 12:40 مساءً
 
وييسرلك امرك قولي آمين
الله يجزاكي خير حبيبتي كفيتي ووفيتي وماقصرتي
وان شاءالله تكون في ميزان حسناتك
03-04-1427 هـ, 12:50 مساءً
 


الساعة الآن 08:54 .