يابنات حواء ابي طريقه الكباب الي فيه الطحين الحمص والناس اتسميه الطحين كباب والطحين نخي ابي طريقه بسرعه

السلام عليكم

تفضلي اختي

المقادير:
ثلاثة ارباع كيس طحين حمص
حبة طماطم كبيره مقطعه مربعات صغيره
بصله كبيره مقطعه مربعات صغيره
ثوم 3 فصوص مدقوق مع شوية سنوت ويليلان
شبنت و حشيش مفروم
ملح بزار حسب الرغبه
ماء حسب العجين
ملعقة بيكنج بودر كبيره

الطريقه :

اخلطي جميع المقادير مع بعض بالاخير ضيفي الماء للخليط ولا حظي انوما يكون سائل يكون ثقيل شوي

الحين يا حلوه ابدي القلي

حطي كميه من الزيت تقريبا نص انج
وصبي الكباب بالملعقه وعلى كيفك تبغينه سميك او خفيف
واثناء القلي رشي الزيت الحار من المقلاه على وجه الكباب حتى يستوي من الداخل مضبوووووط

وصحتييييييييين وعاااااااافيه

واي سوال تبغينه حاضره
تستطيع تغيير حياتك كلها بتغيير طريقة تفكيرك في الأشياء .
و اذكر دائماً أن الأفكار تتحول إلى حقائق .. !

```````````````````

مشكوره يا نسرينه 1 على الطريقه بس بغيت اسال اسنوت اهو الكمون وشنو يليلان واحط فيه بقدونس ولا كزبره وفلفل حار
صح السنوت هو الكمون واليليلان بهار مدور مو مهم اذا ما عرفتيه

الاحلى الشبنت وبقدونس وممكن بس واحد منهم

والفلفل الحار الاخضر اذا بغيتيه حار واذا ما تبينه لا تحطينه
تستطيع تغيير حياتك كلها بتغيير طريقة تفكيرك في الأشياء .
و اذكر دائماً أن الأفكار تتحول إلى حقائق .. !



الساعة الآن 06:21 .