عزيزاتي أعضاء عالم حواء الرائع من زائرات ومشرفات وهلم جرا<<<ماتعرف تكمل الجميل
أما بعد<<<الاخت في أذاعه مدرسيه
هذه أول مشاركه لي في هذه الواحه الغناء
الموووووووهم ندخل في الموضوع ولايكثر بس
حبيت أسولف لكم شوي عن أيام طفولتي <<اللي مال أمها داعي
كنت جالسه بيني وبين هالاب توب<<تتكشخ قدامكم لاحد يدري بس
واقرا هالمواضيع اللي تشرح الخاطر فحبيت أنكم
تشاركوني معناتي قصدي ذكرياتي<<أمحق ذكريات
هيدا ياحبيبات البي يوم كنت في المرحله الابتدائيه كانت عقدتي
((التكارنه))<< لغير الناطقين معناها الافريقيات السود
وبصراحه للحين أخاف منهم بس أسوي نفسي ماأخاف ومن داخلي بتشقق من الخوف
عاد يوم كنت في الصف الأول الابتدائي كان يجلسون جنب المدرسه مجموعه من الافريقيات
ومره من المررررررررات الله لايعيدها كنا ماشين وراجعين للبيت وعلينا أمان الله
أنا وأختين لي وبنت خالي
ومرينا من جنبهم عاااااد يوم مرينا وهم حوالي 7حجات قامت النخوه في اختي الكبيره وقالت لهم:
السلام عليكم<<عشان تبين لهم أنها مسالمه
عاد ((الحجه )) ماصدقت شافت أختي باين أنها طيبه قالت لها:عندك ريال
أختي وبكل براءه قالت :لا
عاد ((الحجه)) وقفت معترضه
وفي هذه الاثناء سيداتي سادتي أنطلق السباق الكبير بين كل من (ص)و(ع)و(ف)و(ط)
وكان سباق مفعم بالحماس والاصرار
((قامت الحجه)) تركض ورانا وحنا نركض ونركض ونركض
وكان عليها سيقان تقول خيزران بصراحه والله لو تشارك في سباق أختراق الضاحيه
لتسدحهم كلهم<<مايمديكم على الهرجه
والمشكله أنا نجري فوق رصيف على الشارع العام يعني فيه سيارات وعالم
بس الناس ماكأنهم يشوفون شي
على بالهم نلعب<<أمحق لعب
ملخص السبـــــــــــــــــــــــــاق
في هذه الاثناء كانت المنافسه بين (ف) و(ع) اللي هم أختي وبنت خالي وكانوا بالصف الثالث
وفي خانه المؤخره (ص)اللي هي أنا و(ط) أختي الكبيره راعيه الواجب اللي صحتهم من قفلتهم وكانت بالصف السادس
المووووووووهم مازلنا في ركضنا الى أن حدث شي لم يكن بالحسبان
تدرون وش صار
v
v
v
v
v
v
من زود الحماس والسرعه الزائده عن الحد
طربااااااااااخ
طاحت (ص)اللي هي أنا على وجهها
وتشلحت جزمتي (وأنتم بالكرامه)
عاد طحت أنا والسباق مازال قائم
واختي وبنت خالي حلفوا مايوقفون <<اللي تطيح تستاهل
عااااااااد أختي الكبيره حنت علي ماتقدر تسيبني <<ماتعبنا الاحنيتها
قامت جرتني من شعري واكملنا السباق
ملاحظه:الحجه لازالت تجري ورانا لاتنسون
وجرينا وجرينا وجرينا<<طيب وبعدين
الى أن دخلنا الحاره حقتنا
وشفنا بنت من نفس مدرستنا وأسمها (ل) عاد لقيناها بالطريق وقلنا لها تعرفين تجرين بسرعه
قالت :أفااااا عليكم أكيد ودخلت معنا بالسباق
ومن حسن حظها بيتها كان قريب فدخلت وقفلت الباب<<شوفوا النذاله نعزمها وتجحدنا
عاد حنا وقفنا عند باب بيتها مدري ايش كنا نبغى<< من زود الدلاخه على بالنا بترجع وتفتح لنا بابهم
عاد اللي ماتتسمى كانت داعسه من قلبها
وفي هذه الاثناء وقفنا السباق ليييييييييييييه؟؟؟
لانها قدرت توقفنا أمام الامر الواقع تقدمت الحجه و طالعت يمين يسار فوق تحت<< بتلعب
وقالت لنفسها:اممممم أفجع مين الأول
عاد جاها الالهام أني أكون ضحيتها الاولى فتقدمت نحوي
وهي رافعه يدها وتضحك هاهاها
وكل شوي تقرب أكثر وتقرب وأنا أرجع لورا والخوف قاضي علي
وهي لسه تقرب
عااااااااد أختكم في الله ربي الهمها أني أصرخ في وجهها لكن قلت لنفسي لو كنت بصرخ
كان من البدايه صرخت ولا أتعب نفسي زي كذا (لاني كنت الوحيده اللي تضررت ))
نرجع ((للحجه)) وهي لسه تقرب مني عاد قلت لنفسي مايبغالها تفكير أصرخي يابنت
وفي هذه الأثناء أنطلقت صرخه مدويه ملئت أرجاء الحاره وصحت اللي مايصحى
صرخت أنادي أختي الكبيره((طااااااااااااااء))
ومع هذه الصرخه أستيقظت أختي الكبيره من حاله السرحان اللي كانت فيه وشافت أختها الصغونه
بظفايرها المجعده وشنطتها اللي أكبر منها ووجها اللي
يقطر أنواع البراءه كلها
عاااااد الحجه يوم شافت أني قويه وأقدر أخوف أنتقلت لاختي الكبيره
ورافعه يديها فوق<<يعني باكلك حبه حبه
أختي انفجعت وش تبي ذي عندي
بس هي أحسن مني تفكيرها سريع
وماسمحت للحجه أنها تتمادى فكرت في صرختي وكيف أنها جابت نتيجه
وبعالي الصوت ((آآآآآآآآه)):11:
عاااااد الحجه قالت لنفسها :بسم الله علينا وش فيهم قلبوا وصاروا قويات
جلست تدور علب بايسون ولا ريد بل
وفي هذه اللحظه طلع لنا عنتر وقيس أخوان ((ل)) اللي هربت لبيتها وتركتنا<<للحين حاقده
وصرخوا فيها :يابنت ال... ياللي... الله... أبعدي عنهم
طلعوا جدعان وحنا ماندري
عاااااد جاء دورها وتهرب وهم وراها<<ايه هين يوم ليك ويوم عليك
أختي وبنت خالي لم يذكروا كثير تدرون ليه لانهم قربوا من نهايه السباق يعني فايزين
لكن يوم هربت الحجه وقفوا وقالوا خلاص نقدر نكمل مشي
بس أنا مايرضيني الكلام ذا
قلت لنفسي واصلي والله معاك واصلي واحنا وراك
وبلمح البرق قدرت اسبقهم من كثر الخوف طبعا
جتني طاقه خياليه عاااااد وأنا في المقدمه واجري من كل قلبي الا واسمع بنت خالي توها تفتكر
تصرخ ((مااااااااااما / باااااااابا)) لكن قلت لنفسي هي تبي تتمسكن حتى تتمكن وتسبقني
وواصلت وقطعت خط النهايه بسلااااااام
نهايه الجزء الاول
والله تعبت بعدين أكمل لكم وكمان عشان لاتطفشون من القراءه
أنتظروا الجزء الثاني قريباً في الاسواق قصدي هنا