السلام عليكم ورحمة الله وبركاته

خواتي وغالياتي بنات حواء

أحب أشكركن .. لأنيه بتوفيق الله سبحانه وتعالى وبفضل تشجعيكن لي

قدرت أتشجع وأتعلم كيفية التعامل ويا الناس من خلال النت

وبعد قدرت آخذ ليه أشياء حلوة وبأسعار أحلى


اليوم ومن خلال هالموضوع

حابة أشكر كل وحدة تعاملت وياها وخذت من عندها

ويشهد الرحمن أنيه راضية على كل شي خذته .. وبالعكس يشرفنيه التعامل الدايم وياكن إن شاء الله

وإذا وحدة من الخوات اللي تعاملت وياها ما ذكرت اسمها

فهالشي أكيد مب مقصود .. بس تذكرنيه من خلال ردها أنيه خذت من عندها شي معين

وإن شاء الله فالها طيب

بس صدقونيه حاولت أتذكر كل أسماء كل الخوات اللي تعاملت وياهن


نبتدي بسم الله

++ الأخت الغالية توته الحلوه ++

أول وحدة تعاملت وياها من خلال هالصرح الرائع

خذت من عندها أنواع مختلفة من العود والدخون والمخلطات وعطور الفراش والمخمرية

ورجعت تعاملت وياها كذا مرة .. وبعدنيه بتعامل وياها على طول إن شاء الله

لأنها صدق صدق فوق معاملتها وأخلاقها الحلوة .. ماشاء الله عليها توفر لج كل شي حلو

الله يحفظها لي يا رب

+++++++++++++++++++++

++ الأخت الغالية ومشرفتنا الفاضلة فتون الإمارات ++

خذت من عندها مجموعة حلوة من العطور والعود

وأكيد بعض الخوات شافن المندوس الفخم اللي عدلته لي

يعل ايدينها تنلف بحرير على إبداعاتها الحلوة والرااائعة

+++++++++++++++++++++

++ الأخت الغالية اسبرانسا ++

خذت من عندها مجموعة من ميك أب كريولان

وما تندمت أبداً أنيه تعاملت وياها أو خذت من عندها

والسبب ذوقها وأخلاقها اللي كل الخوات اللي تعاملن وياها يشهدن لها بهالشي

ربي يوفقها ويرزقها من فضله

+++++++++++++++++++++

++ الأخت الغالية haidi1000++

الأخت أم أحمد ربي يوفقها .. أخت عزيزة وغالية

وهي من الخوات اللي صدق أعتز بمعرفتهن

وللي بغت تعرف شو ممكن تاخذ من عند الأخت أم أحمد

فهي توفر أنواع كثييييرة من الدخون والعود والمخلطات والعطور و .. و .. و .. و

بس وينها؟؟؟ قطعت المنتدى

+++++++++++++++++++++

++ الأخت الغالية ms_safar ++

تعاملت وياها أكثر من مرة

وإن شاء الله التعامل وياها بيكون مستمر

يكفي فوق ذوقها وأخلاقها

تتعب وتوفر لنا العطور الأصلية بأسعار أرخص بوااااايد عن الموجود في السوق

ربي يجازيها كل خير

+++++++++++++++++++++

++ الأخت الغالية مراكش ++

شو بقول عن هالإنسانة الرائعة اللي هي صدق مثال على معنى الأخوة في الله

أنا خذت من عندها وحدة من مغربياتها الراااائعة اللي تبدعهن بأناملها الذهبية

بس رغم هالشي

هي بالفعل أخت لي ما يابتها أمي

لأنها تسأل عنيه باستمرار وتراسلنيه وتتطمن علي

ربي يحفظها يا رب ويخلي لها عيالها وأبوهم ويخليها لهم

+++++++++++++++++++++

++ الأخت الغالية بدرية1 ++

أخت أعتز بمعرفتها والتعامل معاها

يعني أنا اقترحت عليها أكون مندوبتها لبنات الإمارات

ومن خلال التعامل وياها لمست رقة مشاعرها أخلاقها العالية

ربي يحفظها لهلها ويحفظهم لها

+++++++++++++++++++++

++ الأخت الغالية *الجوهرة* ++

خذت من عندها دخون ياس السائل

وماشاء الله عليها .. تمت متواصلة ويايه عشان تسهل علي كيفية الاستلام

ربي يحقق لج كل شي في خاطرج يالغالية

+++++++++++++++++++++

++ الأخت الغالية ~ pinkberry ~ ++

أكيد أغلب الخوات يعرفن المنتجات الحلوة اللي توفرها لنا الغالية ~ pinkberry ~

وبأحلى الأسعار

تعاملت وياها كذا مرة .. وخذت من عندها كريمات ومنتجات حلوة

وإن شاء الله ناوية أتعامل وياها على طول

تعيبني وااااايد .. لأنها تحسسج من خلال تواصلها وياج أنها تعرفج من زمان

+++++++++++++++++++++

++ الأخت الغالية صبح وليل ++

صوابينها المعطرة رووووووعة

والأحلى أسعارهن

وأنا أتواصل وياها باستمرار

والله يديمنا خوات يا رب

+++++++++++++++++++++

++ الأخت الغالية طاسة خبز ++

أم عبدالله .. شقول بس عن هالإنسانة؟؟؟

خذت من عندها البزار البحريني

بس صدق صدق .. حبيتها من الخاطر

طيبة .. ذوق .. أخلاق .. معاملة حلوة .. لسان حلو .. وأي وصف حلو موجود فيها

يعني مهما بوصفها ما بوفيها حقها

ربي يجازيها كل خير .. ويوفقها في كل خطوة تخطيها

+++++++++++++++++++++

++ الأخت الغالية فراولة سويت ++

ربي يحقق لها كل اللي في خاطرها

طبعاً الكل يعرف أنها توفر اللعبة الزوجية بحبات الكريستال وبودرة (روعة)

وماشاء الله الاقبال عليهن كبير

الله يرزقها من فضله

+++++++++++++++++++++

++ الأخت الغالية أم زايد1 ++

خذت من عند الأخت أم زايد الدقوس اللي توفره

نكهة جوز الهند ونكهة التمر الهندي

وماشاء الله غير تعاملها الحلو

سريعة في توصيل الطلبية

وصلت ليه طلبيتيه لييين المكان اللي قلت لها عنه

ربي يوفقها ويحفظها

+++++++++++++++++++++

++ الأخت الغالية ودي احبك ++

أنا وياها الحمدلله أكثر من خوات

رغم الفترة البسيطة اللي أعرفها فيها

أكيد تبن تعرفن شو خذت من عندها

خذت من عندها

شوفن الرابط وبتعرفن


رابط الموضوع


بس صدق صدق .. مثل ما وصفته الأخت ( ودي احبك ) وأكثر

+++++++++++++++++++++

++ الأخت الغالية sparkel ++

ربي يرزقها كل شي في خاطرها

من زود حبي للروايح الحلوة

أول ما شفت موضوعها طرشت لها أطلب طلبيتيه من البودرة

وفديتها ما قصرت

وفرت ليه طلبيتيه على طول .. ووياهن عينات

وبغيتن الصدق؟؟ أنصحكن تجربن الروايح اللي عندها

وأشكرها على الهدية الحلوة اللي طرشتها ويا طلبيتيه

فديتها .. رغم أنيه أول مرة أتعامل وياها .. لكنها صدق أحرجتني بكرمها وسمو أخلاقها

بالنسبة لي .. أنا ناوية أتعامل وياها على طول إن شاء الله

+++++++++++++++++++++

++ الأخت الغالية والفجر.. ++

أخت عزيزة وغالية

ويشرفنيه التعامل وياها

وأنا أتريا أشوف شو بتوفر قريب إن شاء الله

وناوية آخذ من عندها بإذن الرحمن



مرة ثانية أكرر

إذا أي أخت سبق وتعاملت وياها ونسيت أذكرها في الموضوع

فربي يشهد أنيه ما قصدت هالشي

وإن شاء الله ربي يكتب لي وأتعامل وياكن أكثر وأكثر يالغاليات


وربي يوفقنا جميع



لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اختي رومانوف الله يسعدج بكل اللي خذتيه وتتهنين يارب فيهن فلة انا اول وحدة ترد

عندي ملاحظة ملقوفة اغلب طلبياتج عطورات ودخون! جني بج اشم ريحتج من هنيه الله يسعدج ويوفقج بزواجج يارب.. وفعلا موضوعج يدل على ذوقج واخلاقج العالية على شكر الناس اللي تعاملتي معاهم الله يوفقهم هم بعد




لا إله إلله وحده لا شريك له.. له الملك وله الحمد وهو على كل شيء قدير..
مبروكين عليكِ الاغراض
ويا ربي يوفقك ويرزق البنات الطيبات والتاجرات الامينات امثالهن
يا عسى ربي يوفقك ويوفقهن

على قولة اختنا الغالية ما شاء الله تبارك الله صفحتك تفوح بالعطر والمسك من طلبيات العطور

سبحان الله دايما الانسان له شيء معين يحب يقتنيه اكثر من غيره

الف تحيه حبوبه
مرحبا Romanove تسلمين الغاليه على هالأسلوب الراقي ... بصراحه انا عجبني تعاملج ... و الأنسان مثل ما قلتلج يكسب اخت مش زبونه ... و ان شاء الله ما بقصر وياج في اي شي تبينه ... اعرفج تحبين الدخون و العطورات و البودره ... و فاااااااااااااااااااااااااالج طيب ... ان شاء الله نكون على تواصل دايم ... تسلمين الغاليه و الله ايوفقج حبوبه

مندوبتي في السعوديه لبخاخ السيقان ام الطموح
حبيبتي الغالية رومانوف
جزاك الله خيرا دائما تثبثي لنا عن صدقك و حبك الكبير لأخواتك في المنتدى
جد أثر فية أسلوبك الراقي و أخلاقك الكريمة و نبلك الكبير
و أنا فعلا جد محظوظة لكوني كسبت أخت مثلك
لا يسعني أن أقول بارك الله لك و و فقك و أسعدك في حياتك و اخرتك
و وفق الله لما يحبه و يرضاه كل أخواتنا الرائعات و أدام الله بيننا هذا الحب الكبير و هذا التواصل الجميل
تحياتي العطرة
نعمة


الساعة الآن 06:31 .