مرحبا

اول شي السموحه على العنوان بس بغيت افرحكم علشان تتشجعون للفكرة

جاتني فكرة هاليومين وقلت اخبركن عنها هي مش فكرة جديدة انما اشوف بنات الامارات وخصوصاً اللي من العين متفقين مع مندوب يوصل طلبياتهن للبنات بسعر مرة حلو فقلت ليش مااقترح عليكم ندور مندوب للشرقية
انا مثلاً تجيني طلبات كثيرة من بنات في الدمام والخبر والجبيل والاحساء ورأس تنورة وكلها مناطق بعيدة عن الثانية وخصوصاً ان ماعندي سواق فصعبة جداً اروح للبنات وأسهل حل التقي معاهم بمكان عام في الدمام لكن مش كل البنات ظروفهم تلائم بعض فاليوم الاقي بنت يوم ثاني تتصل فيني وحده تبي تلاقيني وبكذا صعبة جننت زوجي هالشهر من كثر طلعاتي للبنات وماودي اطفشه اكثر
واكيد فيه تاجرات من الشرقية وزباين يتمنون توصل لهم طلبياتهم للبيت وسلم واستلم اسهل من تحويل البنوك والشحن وعوار الراس
ومثلاً نعطي المندوب على المشوار اذا كان قريب 10 ريال واذا كان بعيد 20 او 30 طبعاً الزبونة هي الا تدفع
وكثير منا عندنا اخوان او اقارب مخلصين دراسة وماعندهم وظيفة او بالإجازة الصيفية مثلاً تقضية وقت ويطلع له كم قرش من ورانا
فأيش رايكم نتفق وندور لنا على مندوب ثقة وأمين ودقيق في المواعيد واهم شي ملتزم
مانبي يسوي لنا مشاكل مع الزبونات
وأي وحده من بنات الشرقية تعرف احد بهذي المواصفات او مثلاً سائق سعودي بدوام صباحي لكن المساء ماعنده شي ومستعد يشتغل معانا تخبرني

انتظر ردودكم واقتراحاتكم لا تطنشووون

تحياتي
08-04-1427 هـ, 10:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
توني منزله الموضوع راح في الصفحة العشر طعش

يالله بنات وينكم ؟؟؟؟؟؟ شجعوني للفكرة انا مستعدة اتبناها واصير البوس

بس وين نحصل المندوب ؟؟

احط اعلان بجريدة الوسيلة والمبوبة ونرشح الاحسن
08-04-1427 هـ, 03:59 مساءً
 
حلوه الفكره مره
لكن انا اشوف ان تاجرات بنات الشرقيه قليل اول شي نسوي تجمع لهم ويعرضون اللي عندهم .
انا عن نفسي ما لقيت الا كم وحده من بنات الشرقيه
08-04-1427 هـ, 04:41 مساءً
 
فكره روعه والله كل مره اقول اطلب منك لاكن اشيل هم المشوار
انا اؤيدك عليها وبقوه واول من يطلب منك انا واذا لقيتي مندوب ردي عليه ضروري
08-04-1427 هـ, 05:14 مساءً
 
وانا معك ....................بس ماعرف احد ............ياليت نتساعد ..........ونفيد ونستفيد
08-04-1427 هـ, 05:26 مساءً
 


الساعة الآن 09:33 .