السلام عليكم بنات
أبغي رايكم في موضوع محتارة فيه ،،
أنا في ملجتي زوجي قدم لي طقم الملجة وشكله ما كان حلو <<<< ذوقه مب لهناك في هالسوالف
وأنا ما لبسته أبداًً،، ولما يسألني أنحرج منه وأتعتذر بعدة أعذار ،،
والحين خذ لي طقم العرس ،، هو حجمه صغير (عشان ظروفه المادية) ،، هو الطقم شكله زين يعني لا بأس فيه ،، وأنا الصراحة محتارة ،، لأني مابا أكسر بخاطره للمرة الثانية وأقول له مب حلو ،، وما ودي ألبسه في العرس عشانه وااايد صغير (يعني صغير لعروس) لو ما كنت عروس جان عادي حلو بيكون ،، وعلى فكرة هو صح صغير بس شكله على اللبس حلو والله مرتب ظاهر ،، وفي نفس الوقت هو طقم العرس وما اروم أقوله بدله بواحد أكبر انتوا تعرفون ان شعر الذهب غالي الحين!!
شو رايكم انتوا؟؟؟؟
شوروا علي ارفعوا معنوياتي دخيلكم ...
قصة @ks_1
عضوة نشيطة
..برااايي اذاا كاان الموضوع الطقم يضاايقه البسيه والحمد الله صغير بنظررك بس كبير بنظره
بس الأهم انك تبسطين زوجك....وحبيبتي انتي اشترريلك طقم على ذوقك وبعد البسيه وانبسطي فيه
وقوولي العرروس لازم تلبس طقم ثاااني وابددددد لاتقووليله طقمك مااعجبني لان هااذي الايااام ابد
مااتنسي بحلوهاا ومررهاااا...وربي يووفقكم انشااء الله...