السلام عليكم ورحمة الله وبركاته

بنات جده الله يسعدكم



ابسالكم عن حلى قد ذقته في مطعم هندي عندكم في جده اسم المطعم تاج محل
والحلى شكله زي البيض وهو عباره عن جوز هند على مااعتقد وسميد ومدري وش مخلوطين معه ...
الزبده اني من ذقت هالحلى وانا ادور طريقته او اسمه او صورته وما حصلت حتى في مطاعم الرياض سالت ولا احد عطاني خبر

تكفوووووووووون الله يسعدكم دنيا واخره ابي اسمه وان حصل مقاديره اكون شاكره ومقدره لكم ...

طلبتكم لاتردوني ...
راسملاي ((حلى هندي)) من مطبخ منال
هذا حلى هندي من مطبخ منال اللي يعرض بقناه mbc
لمحبي الاطباق الهنديه
المقادير:
4كاس حليب سائل
نصف كاس سكر
ملعقه كبيره ماء ورد
رشه هيل
تخلط المقادير وتترك على النار حتى يغلي
------------------------------------------------------
في هالاثناء نحضر كرات الراسملاي عباره عن:
كاس حليب بودره
بيضه
ملعقه صغيره بكينج بودر
تعجن وتكور كرات صغيره ثم تسقط بالحليب اللي على النار وتحرك بخفه جدا حتى لاتتفح تلاحظين انها تكبر وتنتفخ قليلا
ترفعي القدر من على النار وتتركيه لما يبرد بنفس القدر
((لا تسكبيه بصحن اخر وهو حار حتى لا يتفتت))
ثم ادخليه الثلاجه حتى يبرد تماما طبعا بنفس القدر
عند التقديم تضعين كرات الراسملاي وقليل من الحليب اذا اردتي تضعين عليه خيوط من الزعفران ورشيه بلوز وفستق مجروشين
وصحتين وهنا

ما ادري هذا الللي تقصديه
جزاك الله خير ياكمكوم وبارك الله فيك ماقصرتي ..
لكن الحلى لما ذقته كان ساخن مو بارد ولونه ابيض ومعه جوز هند ويمكن سميد ...
ياليت اذا عندك صوره للحلى تحطينها ولا عليك امر ...


ومره ثانيه جزاك الله خير
مادري اذا كان الحلى اللي تقصديه والا لا
وخسارة ما عندي صورته


الساعة الآن 09:48 .