Analysis Services
السلام عليكم ورحمه الله وبركاته

اشلونكم يا غاليات ..مشكلتي اني ما احب ابخل عليكم باي وصفه تعجبني .. ومرات اقول لا ما ابي اشارك بموضوع جديد وما اقدر بعدين ارد عليكم ..المهم احط لكم الموضوع وسامحوني على القصور ..

الطبقين سويتهم حق ابو العيال ..حق ديوانيته ..ومسحوهم مسح !! وكنت مسويه بعد
( بريوش المشروم ) ! غثيتهم فيه بس يحبونه وسهل !! و( شاورما دجاج )


الطبق المالح ( اصابع التوست والتونه ) : -

كيس توست ابيض -2 علبه تونه صغيره - بصله مقطعه شرايح - فلفل اخضر شرايح -طماطم شرايح ملح وفلفل اسود ...مايونيز

يقطع اطراف التوست ثم يفرد ..
يحمس البصل بالزيت ويضاف له الفلفل والطماط ثم التونه بعد تصفيتها من الزيت وتتبل بالملح والفلفل .
يحشى التوست ويلف ثم يسكر الطرف بالمايونيز .
يقلي بالزيت ويترك على ورق نشاف , يقدم ساخنا





صج الصوره ما تشجع بس والله لذيذه والاهم عجب العيال ..


الطبق الحالي ( كيكه الجزر المبتكره )

مقاديرها تشبه كيكه الكراميل مع بعض التعديل ... اشرايكم احط التعديل بس ؟ او المقادير كلها ؟؟

الافضل احط المقادير :

4 بيضات - 1 كوب سكر - فانيليا وهيل ناعم - نص قالب زبده 113.5جرام او ربع كوب زيت -

1 قيمر كي دي دي صغير - 2 كوب الا ربع توست مطحون - 1 ملعقه كبيره بيكنج بودر -

نص ملعقه صغيره دارسين ناعم - 1 كوب جزر مبشور - 1 كوب جوز مكسر صغير ..

ملاحظه مهمه : الافضل ان يكون البيض + القيمر بحراره المطبخ .

الطريقه : ( يسخن الفرن مسبقا )
تسيح الزبده على النار وتترك لتبرد .
يخلط البيض والسكر + الفانيليا والهيل بخلاط العصير جيدا 5 دقائق .
يضاف الزبده والقيمر ويخلط جيدا
يضاف التوست المخلوط مع البيكنج بودر والدارسين بالتدريج مع استمرار الخلط ( يعني تفتح الغطاء ونحط شويه شويه ) ونخلط جيدا .
يصب الخليط في وعاء ويضاف له الجزر والجوز ويخلط بالملعقه .
يوضع في قالب بايركس مستدير كبير مدهون ومرشوش بالطحين .
يدخل الفرن نص ساعه حتى يستوي ثم يقطع .

ملاحظه هامه : ( يخلط الجوز مع شويه طحين حتى يغطيه بس ..وما يهبط بعد ما تخبزين الكيكه )

والله انه طلع عجيب ..وزوجي تعجب من طعمه ..







وتبون الصراحه ؟؟ ...انا ما حطيت توست مطحون .. طحنت أطراف التوست ,والصمون اللي فرغته
من البريوش ....شفتوا اشلون !!!
10-04-1427 هـ, 12:20 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تسسسسسسسلم ايدينج

روعه يالنويره

واشتقنا لاطبااااقج المميزه

اتصدقين مادري ليش ما اجرب التونه مع اني اشوف لها اطباق لذيذه

شجعتيني اجربها الطبق سهله

والكيكه بعد طالعه حلوووووووه

ويعطيج العافيه حبيبتي

10-04-1427 هـ, 12:35 مساءً
 
يسلموا ايديكي بالعكس الصور مرتبه والاكلات ماشاءالله بتشهي
الله يعطيكي العافيه
10-04-1427 هـ, 12:44 مساءً
 
تسلم ايدينج ياقلبي ، والله يعطيج العافية حبيبتي..

الصور روووووووووعة ما شاء الله وانت الله يهداج تقولين ما تشجع صج بالنسبة لفنانة مثلج يمكن بس عندي انا هذا التطبيق رووووووووووووووووووعة لا والمنه على اهلي لاني اسويلهم بعد ..
10-04-1427 هـ, 12:46 مساءً
 
السلام عليكم
ياهلا وغلا باغاليه زهرة والله مشتاقين من زمان عنج طبقج روعه بس هنوووووو تبى طلب ابى طريقه بريوش المشروم لانه غرامى يريت تعطينى الطريقه واكون شاكرة لج
10-04-1427 هـ, 01:06 مساءً
 


الساعة الآن 06:16 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏