السلام عليكم ورحمه الله وبركاته

الله يعطيكم العافيه و جزاكم الله كل خير على جهودكم الواضحه ...

شفت في قناه الاسره والطفل برنامج طبخ ( من كل بلد أكله ) الشيف حسن ..

وعجبتني طريقته وايد ..يعني فيه اشياء لو تشوفين الطريقه غير عن لما تقرأينها ...

اقتراحي :-

ليش ما تحطون لنا موضوع عن برامج الطبخ على كل القنوات التلفزيونيه . اقصد طبعا اسم البرنامج

وموعد العرض فقط ..مو الوصفات اللي فيهم ...

والله تاخذون أجر فينا !! ...يعني انا ما احب التلفزيون وعيالي اصلا ما يعطوني فرصه اشوف شي.

لكن اذا بالصدفه شفت برنامج طبخ ..هم خلاص يدرون اني لازم اشوفه ويجهزون الدفتر والقلم لي ..

اللي عرفته بالصدفه هذا البرنامج ..وموعد عرضه كالتالي :

الجمعه 3 ظهرا توقيت القاهره ويعاد الساعه 6 مساء.

وكذلك يعاد يوم الاحد نفس الوقت ..

وتذكرت بعد برنامج ( أطايب ) على قناه المجد الساعه 10 صباحا توقيت الكويت ..


يا ليت تلبون طلبي واعتقد مو بس انا .. أكيد وايدين مثلي ..

جزاكم الله كل خير يارب ....
أفا ..ما كان العشم تنطنشوني !!

اذا الاقتراح مو عاجب مشرفاتنا العزيزات ...اعتبروه مسحوب !!

بس حتى العضوات العزيزات ما رديتوا ..الظاهر وأكيد انه مو عاجبكم ..

أمري لله ...
حبيبتي .. زهرة النوير

طلبك كان موجه للمشرفات .. لذلك أنا عن نفسي ما رديت
و لكن لو موجه أيضا للعضوات .. سوف تجدين ردود كثيرة .. إن شاء الله

أنا أتابع برنامج ( مع أسامة أطيب ) و هو يذاع كل يوم من السبت للخميس .. ما عدا يوم الجمعة .. على قناة دبي

الساعة 00 :1 بعد الظهر بتوقيت دبي

و جزاكي الله خيرا
أم
هلا عيونى زهرة النوير الله يعطيك العااااااااافيه

وبخصوص اقتراحك يعنى لو البنات اساعدوك ويكون فى صفحتك هذه مش مشكله

لان تعرفين مشاغلنا كثيره فى المنتدى والله يكون فى االعون وما نقدر نتابع كل القنوات

حتى نعرف متى يعرض كل برنامج هذا غير مشاغلنا الشخصيه يا قلبى لكن مثل ما قلت لك حبيبتى

ممكن البنات كل واحده تشوف برنامج تذكره هنا وجزاك الله خير وبنات عالم حواء كلهم
الله يجبر بخاطركم ..العزيزه ام العلاء ..ومشرفتنا العزيزه ..ام علاء

صح كلامكم انا غلطت بعنوان الموضوع لاني وجهته للمشرفات فقط ..والله كان قصدي انه يكون
موضوع مثبت ..لاني لو طلبته لنفسي بس راح يضيع وسط الردود ..
والله من وراء القصد ..
المهم ما قصرتوا والله يعطيكم العافيه ....


الساعة الآن 07:29 .