بسم الله الرحمن الرحيم

كيف يمكن أن أجعل شعري يبدو مستقيماً دون وجود أي تموجات أو تعرجات ،
علما بأن شعري ناعم وطويل جدا لكن ليس كثيفا جدا .
أعلم بأن الطريقة المثلى لتسريح الشعر هي بعد غسله ، لكن أريد طريقة
لتسريح الشعر تجعلة مستقيما بدون وجع للرأس وتعب لليدين ، فهل هذا مستحيل ؟

أرجو الرد شاكرة .

سبحان الله و الحمد لله و لا إله إلاّ الله و الله أكبر


والله اللي فهته انكِ تبيه يكون كانه مستشور بس بدون ماتستشوريه اذا كذا سوي اللي بقول لكِ عليه :

بعد ماتغسلي شعرك نشفيه شوي وطلعي الغصه اللي قدام ( الغره ) بعدين مشطي شعركِ الى جنبكِ اليمين او اليسار لنفرض اليسار ، بعد ماتجيبي شعركِ كله لليسار اربطيه باي شيء عندكِ وارجعي للغره ومشطيها من اليسار الى اليمين بعدين ارجعي للشعر ولفيه على راسكِ من اليسار الى اليمين واضيفيه للغره وثبتيه حولين راسكِ بالبنس وخليه اللين ينشف وعلشان مايبقى اثر الربطه في شعرك قبل لاينشف بشوي افتحي شعركِ وحوليه للجنب اليمين واعملي نفس الطريق ولمى ينشف فكيه وبتشوفي شعركِ كيف بيصير ، انا اتبع هذة الطريقه دائما وكل من يشوفني يفكرني مستشورة شعري ،

والله يوفقكِ

الـــــــــــــــينا / ام ساره
شكرا على هذه النصيحةأختي الينا، كلامك هذا يشبه كلام وحدة قالت لي أسوي نفس الطريقة و لكن المشكلة هي ايش بقول أفراد العائلة عني إذا شافوا شعري مسرح بالهشكل خاصة إني بعد ما أغسل شعري ما أقدر أتخبى عنهم حتى أسوي هالطريقة وينشف شعري .
أنا فكرت إني أغسل شعري بعد ما ينام الكل في البيت و أسوي الطريقة ولكن كيف انام وأنا شكلي كذا ؟
حبيبتي المسئله سهله

بعد ماتلفيه غطيه بمنديل او طرحه بس بطريقه حلوة وانيقه وبهذا الشكل بيكون شكلك حلو والنتيجه بتكون احسن بعد ، انتي توكلي على الله وجربي
انا بعد اسوي هالطريقه ... بس قبل لا أسويها أرطب شعري وهو مبلول بأي كريم مرطب ... وأسويها قبل لا أنام .... وعادي يكون ... يعني حاولي لا تتقلبين وايد لما تنامين....


الساعة الآن 07:53 .