المقادير:
علبة كيك جاهزة بنكهة الشوكولاته
كيس شوكولاته هيرشي اللي تستخدم بالكيك
كيس بندق مو محمص
علبة ايس كريم فانيليا
علبة كريم اللي يكون نفس الحليب السائل ولما تخفقينه يصير كريم
10 شوكولاته جلاكسي
3 شوكولاته فليك للتزيين
علبة قشطة
نص كاسة حليب
وطبعا علشان الكيكة لازم 3 بيضات وثلث كوب زيت وكوب وربع ماء

الطريقة :
اول شي تخفقين الزيت مع البيض وتحطين عليهم خليط الكيك الجاهز وبعدين تحطين الماي لين مايصير خليط الكيك جاهز..
تدهنين الصينية البايركس زبدة او زيت وتحطين عليها طحين علشان لايلصق
وتصبين خليط الكيك في داخل الصينية وبعدين تحطين قطع من شوكولاته الهيرشي وقطع من البندق سواء تبينه مطحون او كامل في داخل الكيكة اللي للحين ماحطيتيها بالفرن
حطيها بالفرن حسب المدة المطلوبة
واللحين نجهز الأييييييييييييش؟؟ صلصة الجالكسي >>>>>>يم يم يمييييييييي
اول شي لو تبين تذوبين الشوكولاته الجلاكسي في حمام ماي حار انتي حرة بس انا على طوووووووول في الجدر اذوبها وماتتكتل ولاتحترق اول شي بحط نص كاسة الحليب..ولما تصير حارة شوي بكسر الجالكسي وبحطه فوقها واحركه لين يذووووووب وبعدين احط فوقه القشطة وبيصير كنه كريمة شوكولاته يم تشهيييييييي مرة مرة مرة ..ولاتتخرعين ان تكتل بس حركيه على النار لين يذوب كله..
بعدين سوي الكريمة عادي صبيها في الجهاز اللي يخلط وبعدين اخلطيها لين ماتصير كريمة كثيفة ..
طبعا عندك اللحين الكيكة جاهزة بس انتظريها لين تبرد..وبعدين تحطين عليها ايس كريم الفانيليا وبقية قطع الهيرشي والبندق وبعدين تصبين الكريم وبعدين تحطين صلصة الجالكسي على الكريم...
وآخر شي تزينينها بالفليك المطحون..
<<<<< ادري الكلام كثير لكن التطبيق سهل مرة ..وبعدين حطوها بالثلاجة وقدموها باردة


واللي تجربها تقولي رايها؟؟؟
12-04-1427 هـ, 10:04 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كلامك 100% صح
الكيكه هذي انا مجربتها والله خياااااااااااااااااااااااااال
يسلموووووووووووو يا قلبي
12-04-1427 هـ, 10:10 مساءً
 
تسلم يدك
13-04-1427 هـ, 02:09 صباحاً
 
حفظتها بالجهاز وراح اجربها باقرب وقت ان شاء الله
مشكورررررره يالغاليه
13-04-1427 هـ, 02:48 صباحاً
 
اقتباس مشاركة  (الدكتورة لمياء)
حفظتها بالجهاز وراح اجربها باقرب وقت ان شاء الله
مشكورررررره يالغاليه
13-04-1427 هـ, 04:22 صباحاً
 


الساعة الآن 12:47 .