لكثرة الردود في الموضوع السابق

فتحت موضوع جديد خاص بالدخون والمخلطات مع شهادات الخوات العزيزات في حواء اللي جربن من المجموعه


الدخون الملكي ب 100 درهم(في الغرشه 12 كوره مثل اللي موضح في الصوره) والعود المعطر الملكي ب150 درهم(5 تولات)


مميزاتهم ..كل العطورات المستخدمه فيهن من عطورات من الدرجه الاولى
والعود المعطر،، العود المستخدم عود من الدرجه الاولى يصلح لنساء والرجال ,،بالاضافه الى ان العطورات العربيه المستخدمه جميعها من العطورات الممتازه
ومن مميزاته ان ريحتهم تبطي في الثياب ولا من النوع
اللي يشتعل,,,

وبخصوص المخلطات العربيه والفرنسيه +المخمريه وعطورات الفراش



كل المجموعه اللي عندي
اتخلطهم حرمه اماراتيه خبيره في سوالف المخلطات العربيه والفرنسيه
الدخون والعود المعطر وعطورات الفراش والمخمريه..ولها باع طويل في هذا المجال..بمعنى اخر
..ومن مميزات مخلطاتنا انها تبطى في الثياب او من على الجسم ومركزه 100% من دون اضافة الكحول لاي نوع

واغلب العطورات الاساسيه اللي تدخل في مخلطاتنا او الدخون هي عطورات نستوردها من الهند

ونقوم نحن بخلطها مع بعض
ولله الفضل مجموعتنا (العطورات والدخون) نالت على اعجاب الكثير من العضوات في عالم حواء ومن خارج عالم حواء..

بالنسبه للتوصيل
متوفر لكل الامارات مقابل 15 درهم والدفع عند استلام الطلبيه(سلم واستلم)

المخلطات اللي عليها الاقبال الاكبر في نفس هالغراش


مخلط الحجرالاسود بدهن العود ب130 درهم في بخاخ (3 تول ونص) مخلط عربي بدهن العود
المخلط الملكي 100 درهم في بخاخ (3 تول ونص) مخلط عربي
مخلط الشيخه نسائي 80 درهم في بخاخ (3 تول ونص) مخلط عربي وفرنسي
مخلط الشيخ رجالي 80 درهم في بخاخ (3 تول ونص)مخلط عربي وفرنسي
مخلط ريانة العود 80 درهم في بخاخ (3 تول ونص) مخلط عربي

المخلطات التاليه اتكون معبايه في نفس هالغراش


مخلط غلازايد 60 درهم(مخلط عربي)
مخلط غناتي50 درهم (مخلط فرنسي)
مخلط فزاع 50 درهم (مخلط فرنسي ريحته بارده)
مخلط احبك 50درهم (مخلط فرنسي مركز)
مخلط الغزال الشمالي 50 درهم(مخلط عربي بالزعفران)
مخلط الشباب 50درهم(للملابس الداخليه)بريحةالفواكه

عطورات الفراش نوعين
عطر فراش العرايس ب60 درهم (ريحته فرنسيه)
عطر لجميع الاستخدامات ب70 درهم ريحته عربيه(للفراش،سجادات الصلاه،للسياره،الستائر والكنب)

والمخمريه بدهن العود ب100 درهم تولتين

المخمريه بدهن العود الخاصه بالشعر عطوراتها عربيه بالاضافه الى الخلطه الاساسيه للمخمريه الاماراتيه
مخمرية بدهن العود،، التولتين ب 100 درهم

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وبشهادات خواتي في منتدى حواء بختم موضوعي



اقتباس مشاركة  (امون المهيريه)
((توته الحلوه..))
==========
فديتها والله ذوق واخلاق وتميز..ما شاء الله عليها في كل شي..
خذت من عندها العود الملكي..شو جنان رووووووووعه..
خذت عنها 8 غراش..وان شاء الله يوم بيخلص برجع اشتري من عندها..
فديتها والله أم الذوق..
وان شاء الله التعامل وياها بيكون على طول...

ودمتوا فديتكم..

"ألمهيريه.."
اقتباس مشاركة  (أم جويرية)
أخواتي الغاليات بنات مندانا الغالي سو أعرض لكم تجربتي الشخصية عن بضاعة أختنا الغالية توتة الحلوة:
بصرااااااااحة الدخون رووووووووووووعة واااااايد وريحته تخبل وخصوصا الملكي.

وبالنسبة للمخلطات بصرااااااحة كلها حلوة بس أكثر شيء عجبني مخلط الحجر الأسود.

ولا تتردون في طلبها لأنها عن جد روعة ولا تدعوا الفرصة تفوتكم وسارعوا بالاتصال فالكمية محدودة ....ههههههههههه ( وحدة ما صدقت).

اقتباس مشاركة  (meme7777)
السلام عليكم ورحمة الله وبركاته

جمعة مباركة ان شاء الله ... شخبارج الغالية ام خليفة ... بصراحة يابنات كل شي من ام خليفة حلو ومميز وعن تجربة والله ... بصراحة انا عن نفسي ماقدر استغني عن مخلط الحجرالأسود بدهن العود واااااااااااايد غاوي وريحته ماشاء الله عليه تشل البيت شل وغير انه سعره بصراحة وايد مناسب مقارنة بجودته وحتى هليه كلهم وربيعاتي تخبلوا عليه ودوم يطلبون منه .... ماشاء الله عليج يا ام خليفة انسانه والنعم وبنت عرب ماتقصرين دوم تطرشين هدايا و كتيبات وشرايط اسلامية جزاج الله الف خير وغير انه معاملتج قمة في الإحترام والأخلاق والله هذي شهادة مني الله يحاسبني عليها واكيد كل اللي تعاملوا معاها يوافقوني وشهدون بهالكلام ... يعل ربي يحفظج يا ام خليفة ويبارك لج في تجارتج ويرزقج الجنة...




اقتباس مشاركة  (&غــuaeـــلا&)
السلام عليكم ورحمة الله وبركاته...

انا من اسبوع طلبت من الغاليه ام خليفه مخلط الحجر الاسود والبخور الملكي والعود
المعطر الملكي...

شو اقولكم كلمة رائــع شويه في حقه الصراحه شي عجيب يفوق الوصف ريحته روووووووووعه اخواتي اتخبلن عليه كل وحده تقول عطيني منه وانا عاد بخيييييييله
ما عطيتهن منه قلت لهن خذن عند ام خليفه....
ومعاملت ام خليفه شو اقولكم الصراحه معاملت شيوخ والله بسميها الشيخه لانها تستاهل
والله رقي في التعامل والاسلوب ما شاء الله عليها...

ربي يوفقج يا ام خليفه والله انج تستاهلين كل الي ينقال من مدح...

كل كلامي هذا والله مب مجامله والله الشاهد على كلامي...

والله يخليج لاهلج ويخلي اهلج لج...آمييييييييييييييييييين...

تحياتي...

اقتباس مشاركة  (white_heart)
حبيت اشكر الاخت ام خليفه توته الحلوه بارك الله فيها وفي تجارتها
ما شاء الله كل اللي عندها حلو وغاوي بنات الدوام كلهن قامن يطلبن من عندها من روحهن دخونها وعطوراتها الحلوه

الحلو انه من النوع اللي اذا ادخنتي منه اتم الريحه وتثبت في الثياب والمكان
كل يوم ادخن المكتب وما شاء الله كل اللي يمر يطلب منه ,,,اسوي لج دعايه كل صبح
تستاهلين يا بنت بلادي
واشكرج على التميز والذوق الرفيع واتمنى لج التوفيق من كل قلبي
اقتباس مشاركة  (الأمـــل المجهـــول)
السلام عليكم ورحمة الله وبركاته

هلا بأختى أم خليفة ...اولا السموحة تأخرت عليج بالرد
ثانيا: بصراحه ومن غير مجاملة ان الدخون والعود ماشاءالله وتبارك الرحمن ما عليه كلام واكثر من روعه وحتى العينات صراحه روعه و*****الله راح اطلب كمية ثانية بإذن الله وخصوصا عطر ( غلا زايد ) روعه وعطر( الشيخ )...

وتسلمين على الكتيبات وطريقة تعاملج كلج ذوق يا الغالية
وجزاج الله كل خير
اقتباس مشاركة  (شـــدون)
هلا..توته .. كل الحريم الي خذو من مخلط الحجر الاسود رمضان الي طاف قلن انه رووووعه و ما يخووز حتى بعد السبوح ..ماشالله ريحته ثاابته و حلووه..و انا ناويه اخذ غرشتين لو سممحتي
اقتباس مشاركة  (أم روعه)
بصراحه كل الي حاطتنه روعه.....والله روعه......
لانها طرشت لي عينات وتخبلت عليها..وريلي عيبه العود المعطر مع انه ماتهمه امور الدخون وغيره.......

والله روعه وانا طلبت كل الموجود في الصوره....ماعدا البخور المكور....
مع انه روعه..لكن بيتي انترس من البخور......لوووووووووووول


مشكووره يالغاليه......والله انج روعه


اقتباس مشاركة  (jezabela200)
السلام عليكم...

انا كان عندي دخوون وماكنت استغني عنه بس يوم جربت دخون وعود أم خليفه ودرت كل شيء والحين مالي غنى عن دخونها....

ولاول مره في حياتي اشم عوود بهاي الريحه القويه..فعلا العود الملكي مال أم خليفه لا يعلا عليه والي بتشتري منها ما بتندم اولا تعامل هاي الاخت جدا طيب وعندها اسلوب جدا راقي في التعامل وثاني شيء دخونها وعودها ريحتهم قويه ونادر ماتحصلين عود ودخون بهاي الريحه الحلوه...

ما تقصرين يا أم خليفه
اقتباس مشاركة  (*حنون*)
انا سبقتكم من توته ترا لا يعلي عليه واكيد كل وحده خذت من عندها تعرف واللي ما اخذت تلحق نفسها
الله يبارك لك يا بنتي توته علي الروائح الحلوه وجعلك الله تطيبين من روائح الجنه
اقتباس مشاركة  (شوق وذوق)
أول شي جمعه مباركه . .

ثاني شي: يزاج الله خير الأغراض الي طلبتها وصلت. .

وربيعتي تشكرج ع الدخون الملكي والمخلط الملكي. .

والمخمريه روووووووووووعه وايد عيبتني
ومخلتنها مخصوص حق يوم الجمعه. . عشان تكون الريحه مميزه
انا ما تعيبني المخمريه عادة بس مع دهن العود شي ثاااااااااااااااني. .
وكل ما تخلص اكييييييييد برد آخذ منها. .
الله يعطرج من روايح الجنة . . ويبيض ويهج
. .
الحمدالله..على..السلامة..ام..خليفة..
ومبروك..عليييج..الحاسر..
تتربى..في..عز..والديهاا..وربي..يجعلها..من..الذرية..الصالحه.

وأكيد..عطوراتج..ودخونج..لايعلى..عليه..

موفقه..الغالية..
اقتباس مشاركة  (UM_MAHRA)
الحمدالله..على..السلامة..ام..خليفة..
ومبروك..عليييج..الحاسر..
تتربى..في..عز..والديهاا..وربي..يجعلها..من..الذرية..الصالحه.

وأكيد..عطوراتج..ودخونج..لايعلى..عليه..

موفقه..الغالية..
عفوا ماستقبل على التيلفون الا المسجات فقط لا غير
حبيبتى كيف ممكن يكون التوصيل لخارج الامارات اي دولة عربية اخرى


الساعة الآن 09:53 .