السلام عليكم ورحمة الله وبركاته

شخباركم يابنات المنتدى

المهم عندي لكم طلب وابغيكم تساعدوني فيه مره كنت معزومه عند صديقتي على عشاء وكان في طبق وااااااااااااااااايد حلو ولذيذ وعجبني وسالتها عن الطريقه وقالت انها ماتعرف غير اسمه يسمونه في البحرين ((العيش المدلل)) لكن شلون هذه ماتدري عنها لان هذا الطبق مسويته وحده توصينها بالطبق وتسويه اليش .

عاد انا من ذاك الوقت وصاير خاطري فيها واستحي اقول لها تقول حق المره، المهم مكونات الطبق هو عيش أخضر فيه شبنت وتابل وبقدونس وصاير لون العيش اخضر ومعاه قطع دجاج صغار ويه بصل محموس وعلى العيش طبقه تشبه الباشميل بس ماادري هذه شنو وطعمه حلوه الجبن غالب على الصلصه البيضه مثل المعكرون بالبشاميل في بايركس وحاطينه في الفرن .

بنات الي تعرف الطريقه لاتبخل علي لاني ابغي اسوي مثلها والطبق لايقاوم .


تحياتي لكم
ولاية علي
16-04-1427 هـ, 02:39 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وينكم يابنات ليش محد يردددددددددددد؟؟؟؟

يالله عاد تكفون الي عنده الطريقه لايبخل علي

تحياتي لكم
16-04-1427 هـ, 04:48 مساءً
 
ان شاء الله اذا احد يعرف يعطيك الطريقه عيونى
16-04-1427 هـ, 07:30 مساءً
 
تفضلي هذه الطريقه اخذتها من المنتدى 0 لكن نسيت من صاحبته الي افتكره انها تمدح فيه 0
وياليت الاخت صاحبة الطبق اذا قرأت الموضوع تذكر لنا من هي0 وانا ما جربته 0
الرز المدلل (
وصفة تناسب للغداء وهي لذييييييييييييذة جدا ودائما اسويها في العزايم

المقادير :

صحن صدور دجاج مسلوق ويحتفظ بماء السلق
صرة سبنت وصرة تابل والبعض يسميهم ( حشيش و كزبرة )
5 بصلات مقطعة شرائح
5 مكعبات ماجي
3 أكواب ارز بسمتي مغسول ومنقوع في الماء لمدة 20 دقيقة
(ملح - فلفل أسود- كمون مطحون + كزبرة مطحونة)
سماق
مقادير الصلصة : ( كوب جبن سائل الصغير بوك أوغيره - 2 علبة كريمة مخفوقة - فنجان ماء ) تخلط المقادير مع بعض
الطريقة :يحمص نصف مقدار البصل في قليل من الزيت وبعد أن يحمر يضاف له السبنت والتابل المفرومين ثم يحرك ويضاف 5 مكعبات الماجي ويحرك ثم يضاف 6 كوب من ماء سلق الدجاج ويترك حتى يبدأ في الغليان فيضاف له الرز ويترك على النا حتى يتشرب الما ء ثم يوضع نصف الرز في قاع قالب الفرن ثم تضاف خلطة الدجاج ثم النصف الآخر من الرز ثم الصلصة البيضاء ويوضع في الفرن حتى تحمر الطبقة العلوية قليلا .
خلطة الدجاج : يحمص النصف الآخر من البصل ويضاف عليه الدجاج المسلوق والمقطع ويحرك ثم يضاف الملح والفلفل الأسود والسماق ويحرك وتطفأ النار0
ملاحظه = بعد وضع ماء السلق يوضع قليييييييييل من الملح والفلفل الأسود والكزبرة والكمون المطحون
16-04-1427 هـ, 10:34 مساءً
 
أم علاء شكرا على مرورج
16-04-1427 هـ, 10:57 مساءً
 


الساعة الآن 11:07 .