مرحبا ام اسومه


احنا نسوي العصيده بالتمر ونسميها عصيده اما اللي باللحم فهذه اسمها هريسه تكون باللحم والحب بس طريقتها للاسف مااعرف احنا نجيبها جاهزه من بره هي والعصيده بس العصيده تراها متعبه اللي بالتمر وانا باحاول اسال احد من عماتي او قريباتي كيف يسونها لاننا اهل العصيد والهريس ومع السلامه ياقمر
21-07-1423 هـ, 02:28 صباحاً
 
مشكورة و ما تقصرين
21-07-1423 هـ, 10:49 مساءً
 
السلام عليكم
العصيده سهله وما يحطون لها ملح هى عباره عن طحين ويفضل البر وماء التمر ودهن السمن
تحطين السمن فى الجدر على النار يصير شويه دافى صبى عليه ماء التمرالمنقوع مع شويه سكر الطحين احمسيه شويه على النار قبل حركى الماء والدهن شويه خليه دافى حطى عليه الطحين شوى شوى وحكيه واستمرى بالتحريك الى ان تجمد واتركيها على نار هادئه وبعدين اقرفيها بالصحن وساويها بالسمن ورشى عليها شويه فلفل اسود وبالهناء والعافيه وترى هى اكله شتويه لانها تدفى بالبرد
23-07-1423 هـ, 09:41 صباحاً
 
بالنسبة للملح
اذا كان الطحين مملح لا تحطين ملح على الموية
واذا كان الطحين مو مملح حطي ملح على الموية
اما بالنسبة لشكلها
تكون جامدة ومو جافة تطلع مثل العجينة القاسية مثل تقريبا عجينة البيتزا
علشان لما ناكلها نشكلها بيدينا على شكل كورة بعدين نحط فيها فتحة وهبا على المرقة وعلى الفم
ارجو انك فهمتي
يعني لا تحطينها سايلة لان زوجك لما يا كلها راح ياكلها بيدة يشكلها بعدين ياكلها
الله يا عيوني ريتني عندك كان اخلي امي تعلمك لانها ممتااااااااااازة في هذي الشغلات
واي سؤال لايردك الا الكي بورد لا تستحين
24-07-1423 هـ, 05:09 مساءً
 
جزاكم الله ألف خير
وما خيبتو ظني فيكم
24-07-1423 هـ, 10:02 مساءً
 


الساعة الآن 02:26 .