السلاام عليكم جميعا...باختصار احس فيني بكوة وقهر محد يعطيني وجه ومحد يشجع الطموح اللي فيني وكلن يحتقر قدراتي وثقتي بنفسي ...وماني طالبة شي مستحيل طالبة بس كيف اتعلم اضارب بالاسهم من بداية فتح المحفظة الى القمة ..والله عندي استعداد اتعلم ...والله اني ذكية وتخصصي لغة انجليزية ومتخرجة بتفوق والله انفع ..بس كل اللي حولي يحبطوني واحباطهم والله يزيدني عزيمة واصراروتوكل على الله
اتمنىىى انكم مااتردوني خايبة وحقي عليكم تعلمووووني ..والله نفسيا تعبت ابي اتعلم السالفة بس مو قادرة ..وكلام المنتديات مايعلم بصراحة

وش قلتوا مين تتبرع وتعلمني حواء سعودية او ارزاق مقسومةاو عيوون المهااو ريمية نجد او ميييين
والله في عون العبد مادام العبد في عون اخيه

الله يوفقك حبيبتي ويعينك ويفتح لك اوسع ابواب رزقه
ان شاءالله بيفيدونك البنات هنا
ووالله لو عندي خبره ان اول من يساعدك انا

اعذريني ياقلبي بس حبيت ارد وادعي لك بالتوفيق
طموحة بالحيل ..

ليش الزعل والاكتئاب ؟؟

الشغلة مو مستاهلة ..


أولاً .. وقبل كل شي ..

استخيري الله قبل الإقدام على أي خطوة ..

وإذا عزمتي الدخول في مجال الأسهم ..فتوكلي على الله ..وادخلي


بالنسبة للمحفظة ..

لازم يكون عندك حساب استثماري ببنك ..

المبلغ يختلف من بنك لآخر ..

سامبا يطلب 50 ألف ، والراجحي 30 ألف

البقية أعتقد تطلب أكثر ..


بعدها تداولي عن طريق النت

وأكيد البنك اللي راح تفتحي فيه حساب راح يساعدوكي ويشرحولك طريقة التداول عبر النت ..


بعدها ..

اقرأي كثير في المنتديات الخاصة بالأسهم ..

حاولي تكوني فكرة عن الأسهم وأسعارها وطريقة المضاربة

ادخلي صالات المتابعة

في البداية لا تبيعي أو تشتري ..

إنما اقرأي .. وتابعي الأسماء اللي تكتب

شوفي أغلب كلامهم صح أو خطأ ..

يعني خذي فكرة مين فيهم يعتبر رأيه "في الغالب" صحيح

مين فيهم تقدري تقولي عليه ثقة ..


بعدها ..

تابعي الأسهم "عن طريق مباشر" ..

وابدأي بالتداول الوهمي .. مثل ما ينصح الأخ "أرزاق"


يعني اختاري سهم معين ..وحددي سعر شراء
واكتبي بدفترك "اشتريت السهم الفلاني بسعر ....."

راقبيه ..
شوفي يطلع أو ينزل ..

وإذا قررتي تبيعيه "عملية وهمية طبعاً"
سجلي بدفترك بعت السهم يوم ....بتاريخ ...
وحققت ربح أو خسارة ........


شوية شوية إلى أن يقوى قلبك..
بعدها ادخلي بعمليات شراء وبيع حقيقية ..



عندنا بالمنتدى يومياً نفتح صالة متابعة ..

ادخليها ..وإن شاء الله تستفيدي ..


" وترى كلنا بدأنا بدون أي معرفة أو خبرة "

ومع الوقت .. والقراءة الكثيرة ..و "الدقدقة " اتعلمنا ..

إن شاء الله إنك تتعلمي بدون ما تتدقدقي كثير ...




(( على فكرة بتوقيعي 3 دروس للأسهم اطبعيها ..و اقرأيها عدة مرات وإن شاء الله إنها تفيدك ))..

اعذريني ..

اتكلمت كثير ..

إن شاء الله يكون الكلام مفهوم وواضح ..

للعروض و كل جديد تابعوا متجر ملكة الليل :
instagram: @NQ_SHOP
Snapchat : NQ_SHOP
twitter : @NIGHT_Q
أختي ..
اسمك طموحة ,,,,
ولابد أن يكون لك من اسمك نصيب ..
،،
فعلا .. مثل ما ذكرتي .. أن الأهل .. واللي حول الشخص هم أكثر من يحطمه ، وأكثر من يثبط عزيمته ..
ولكن بإصرارك وجهدك .. وتفكيرك .. خاصة انه انتي مثل ما قلتي ذكية وتخصصك لغة انجليزية .. يعني ما شاء الله تبارك الله ..

وبالنسبة للتعلم .. فالأخت الفاضلة أم جنى ( خبيرة الأسهم ) ما تركت لنا شي نقوله ..
فهي وفت وكفت ..

وأحب أضيف .. هذا الرابط لعله ينفعك ..

http://www.mtjer-hawaa.com/showthread.php?t=230

وأي سؤال أنا حاضر .. في حدود معرفتي وفي حدود وقتي ..
سواء على العام أو الخاص ..
لا يردك الا ( كيبوردك )

وأهم شي .. لا تزعلين ولا تقلقين ولا تتشاءمين ..
كلنا بدينا ما نعرف شي أبد .. ومع الوقت والصبر والتعلم .. صرنا نعرف بعض الأشياء ..

والله يوفقك ويسهل دربك يارب
وان شاء الله بعد فترة قصيرة نشوفك هامورة كبيرة ..جدا ..

وبالتوفيق
أرزاق مقسومة ،،، هو :

سيسبان
الرابط ممتاز أرزاق الله مايحرمنا منك


الساعة الآن 10:22 .