السلام عليكم و رحمة الله و بركاته


بنات انا كاتبه في توقيعي اني ما ادخل كل يوم و اني تعبانه و عندي تقلصات و انا بعدني في الشهر الرابع يعني محتاجه راحه و الدكتوره مانعتتني من الحركه


يا ليت الي يراسللوني بالخاص و يقولون لي انتي تطفشين الزباين في تأخرج بالرد يراعون هالشي شوي

يعني التجاره مب اهم من ولدي او بنتي الي في بطني ولا عمرها بتكون


يعني لو انتو ارسلتوا لي رساله و شفتوا لي بعدها ردود بالمنتدى لكم حق
بس انا صار لي كم يم ما ادخل


و ادخل الحين القى كم رساله كلها لوم على التأخير؟؟؟

انا لو كنت ماخره طلبيه بعد ما دفعتوا مليون بالميه مالي حق
بس هي رساله طلب عاديه يعني ما اخذت فلوسكم و شردت

ياليت تراعون شوي

من جد بديت افكر جديا اني اترك التجارة
19-04-1427 هـ, 07:27 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يكون بعونج يا اختي...........وبي يسهل عليج امورج ان شالله ويقومج بالسلامه
19-04-1427 هـ, 07:37 مساءً
 
الله يسهل عليج ولا تحملي هم أحد ويقومج بالسلامة، ونسمع منج الأخبار الطيبة، ماعليه ترا بعض البنات ما يكونون متابعين وما عندهم علم بظروف التاجرات...مايستاهل كل هذا الضيج...

الله يحفظج...
19-04-1427 هـ, 07:39 مساءً
 
يالغاليه هدي بالك ولا يصير خاطرج الا طيب
واعذري البنات في منهن ما يعرفون انج تعبانه
واجر وعافيه
و***** الله اتقومين بالسلامه
والله يسهل عليج الحمل والولاده ان شاء الله
انت بس لا تتكدرين على شيء ما يسوى . .
والله يوفقج
19-04-1427 هـ, 07:42 مساءً
 
الله يسهل عليج

ومعذوره يالغاليه
19-04-1427 هـ, 07:44 مساءً
 


الساعة الآن 09:08 .