Analysis Services
تكفون كيف أقلل المقادير في الكيكة لأننا اثنين أنا وزوجي

يعني كيكه صغيره تكفينا علشان كذا شريت قالب من ساكو صغيرون حجمه 6و5 سم في 18سم وهو يناسبنا لكن المشكلة

إني ما عرفت اقلل المقادير واللي عندها فكره تنقذني فيها وبدعي لها بظهر الغيب
20-04-1427 هـ, 04:26 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
جربي هذي واذا كانت كميتها كثيرة حطي من كل شيء نصف ..
في الخلاط الكاس: 2بيض. نص كوب سكر.ربع كوب زيت.فانيلا.كوب حليب سائل..بعدين صبيها على كوب دقيق وملعقة بيكنج بودر......
20-04-1427 هـ, 04:56 مساءً
 
مشكوره يا وحيده على الرد
إن شاء الله بجرب طريقتك وسؤالي هل أقدر اقسم مقادير البيتي كويكر أو اسوي كيك قريب من إللي بالشكولاته
20-04-1427 هـ, 10:44 مساءً
 
شوفي حبيبتي
انا عيالي الله يحفظهم مو كلهم يحبون كيكة الشكولا الا البنت الصغيره هي اللي تحبها

فكنت دوم اسوي هذا المقدار حقها بروحها حق كمن يوم
اول حاجه القياسات بفجان القهوه العربيه
بيضتين+3 فناجيل طحين+فنجال زيت+ قطع من الشكولاته الغامقه مذوبه في فنجال حليب سائل+ملعقه صغيره bp+شوية فانيليا
اخلطي كل هالمقادير مع بعض ودخليها الفرن والمده على حسب حرارة فرنك
وان شاء الله بها الطريقه راح تطلع احلى من البيتي كروكر اللي مجننا
وصحه وعافيه على قلبك
21-04-1427 هـ, 04:40 صباحاً
 
الاخت دمعة غيوم
بنسبه لكيك البيتي كروكر
اقسمي كمية الكرتون بنص يا انك تشوفين الوزن قد ايه و تقسمينها بلميزان بظبط هذا اذا عندك ميزان
بلجرامات وهذا افضل (يفضل انك تشتري واحد ينفعك كثير اذا ما عندك تلاقينه في محلات الادوات المنزلية ) او تقسمينه بلكوب بعدين شوفي باقي المقادير الزيت والماء بنص والبيض عادة يكون ثلاث بيضات يا انك تجيبين بيض مقاسه صغير( فيه صغير وفيه كبير بسوبرماركت الكبيره) وتضعين ثنتين او اوتضعين واحده و نص ملعقه صغيرة بكنج بودر(في الحاله الثانية تزيدين كمية الماء قليلا لان كمية بيضة واحدة يصبح خليط الكيك ثقيل) اوتشترين بيض حبة كبيرة و تضعين واحدة فقط (ارجو انك فهمتيني) تخلطين المقادير مع بعض وتضعيهم في الصينيه وان شاء الله راح تضبط معاكي واي استفسار انا حاضرة. حبيبتي الحياه تجارب ولازم تجربي علشان تتعلمي .واي طريقة كيك عجبتك اقسميها بنص الذي صعب قسمته هو البيض(الا اذا كان عندك مش مشكلة تقسمين البيضة بنص واذا قدرتي استخدمي النص الثاني في اي شئ )
ارجو اني افدتك و ما طولت عليكي و مره ثانية اي استقسار انا حاضره.














0
21-04-1427 هـ, 10:11 صباحاً
 


الساعة الآن 11:30 .