اقتباس مشاركة  (~ pinkberry ~)
حبيبتي اول شي البنت مالها ذنب لانها طلبت غرض وانتي تكفلتي بانج تيبينه لها

والغرض ما وصل وهذا صحيح خارج عن ارادتج لكن انتي وعدتي البنت والبنت عطتج الفلوس الحين حاولي تدبرين الفلوس وتردينهم لها

و اللي صار عادي يالغاليه

انا تعرضت لنفس هذي المشكله

طلبت بضاعه وطرشت الفلوس وقيمة الشحن

ولا وصلتني البضاعه ارسلت اكثر من ايميل

وردوا قالوا ان التاخير وارد وخارج عن ارادتهم

وقالوا اذا ما وصلت الطلبيه خلال 6 شهووووووور تخيلوا !!!

بنعوضج عنها

البريد يبغون التراكينف نمبر

عشان يشيكون على الطلبيه

وهم قالوا ما عندهم تراكينق نمبر

وانا مالي الا اني اتريا واشوف اخرتها وياهم


ونصيحتي لج لا تاخذين فلوس من حد

اشتري بفلوسج وبيعي احسن لج
الغالية البنت ما طلبت اغراض وانا قلتلها بوفرها لك... البنت ارسلت لي عنواتن الموقع وطلبت مني اطلبلها منه وهنا الفرق... وكان في اخت ثانية من البحرين انا اللي عرضته عليها و طلبته مع طلبية الاخت ولما تخرت الطلبية ارجعت لها مبلغ 300 درهم ثمن اغراضها لاني انا من عرض وليس هي من طلب ولا هي جابتلي الموقع...
انا البنت هي من ورطني بالموقع....و التواريخ انا ذكرتها لها بالتفصيل وكل شئ تم امام نظرها و معرفتها المسبقة ولم يكن بيننا موعد محدد للتسليم يا اختي caty cat............
على العموم انا ساعمل برايكم و سارد لها المبلغ و ربي ينصرني و ما يضيع حقي والله يعوضني و تسلمووووووووون خواتي على مساعدتي بابداء رايكم


الله يكون بعونج حبيبتى
أختي الغالية ... الله يعوض عليك خسارتك بربح أكبر ...

التاجرة لمن تبيع تكون ملزمة بوقت محدد عشان تثق فيها المشترية ، وأي مدة تتجاوز هذا الوقت بيكون من الطبيعي ان المشترية تبدأ تشك ، _ يعني لو بنت بتنصب عليها بتخليها ترسل المبلغ بالأول وبعدين إما تختفي وإما تماطل ، يعني طبيعي البنت تعتقد شي _ السموحة منك بس احاول أوصل لك شو ممكن تفكر فيه البنت ... هي من حسن سمعتك رسلت المبلغ على طول ...
هي تدافع عنك لأنها واثقة من صدق كلامك لكن شو تسوي مب ايدها ... هي ما ظلمتك بالعكس واضح انها شخص ارتاح لك بس مالقيت اللي طلبته فتحاول تقولك " خلاص مب مشكلة رجعي المبلغ "
شفي اختي أحيانا الواحد يستحي يطالب بفلوسه ، وهذي وايد تصير بين الناس بالرغم من انه حقها تطالب فيها بس هي تخاف تظلمك وواضح هالشي من ترددها ..
طبيعي بعد شهرين أو أكثر ( يعني ما شاء الله عليها صبرت واستحملت معاك بكل خطوة كل هالمدة )
الغالية ... مثل ما انت أكيد خفت وشكيت بالموقع ليش يطول وليش يماطل ، شفي كيف كانت حالتك أكيد هي بتكون مثلك وأكثر لأنها عروس وكل وقتها توتر ومب مستحملة ...

أنا حاسة أكيد أنك تلومين نفسك أكثر من إنك تلومينها ، لأنك بداخلك ماخذة هم أمانتها وأمانتك كتاجرة ، إنت لأنك حاسة فيها تحترقين بداخلك لأنك انسانة أمينة وخاطرك تسعدينها وتجيبين اللي بخاطرها ...
" إعتذري منها برسالة حلوة ، و استسمحي منها هالتأخير ،ريحي بالها و بالك و رجعيلها الفلوس وقوليها ان ال500 أمانة كانت عليك وبتردينها ، والذنب مب ذنبك بس اللوم على الموقع ، واذا في أي طريقة ممكن تعوضين فيها عن المشكلة اللي صارت ( اذا انت حابة تسوينلها شي ) "
مب شرط تهتم بطريقة بيعك وكيف ،" انت اذا طلبت من مصمم فستان وفصلك غيره وقالك مافي غير هذا والا استني ابيعه واجيب حقه وبرجعلك ، بتقولين له خلاص رجع لي فلوسي انا مالي دخل تبيعها والا تخليها "

اللوم أساساً على المواقع لأن ماعندهم أوقات محددة ، فلا تغامرين معاهم وتوجعين راسك وبعدين تبتلشين بالبضاعة ، مثل ما قالت الأخت اشتري بضاعة وبيعيها بنفسك أحسن ، وما شاء الله عليك انت تاجرة معروفة وما عليك كلام ...

وبضاعتك أكيد بتنباع والا بتستفيدين منها ، المال الحلال عمره ما يضيع أختي ...
واعتذر اذا كلامي فيه شي ضايقك بس أكيد مب القصد ...
الله يكون بعونج..وانا مع الاخت اللي قالت اشتري بفلوسج وعمرج لا تفكرين تاخذينمن عند حد
الاغراض عباره عن شنو بالظبط؟


لا اله الا انت سبحانك اني كنت من الظالمين


الساعة الآن 03:46 .