أنا رايي انج ترديلها المبلغ لأنها مالها ذنب
22-04-1427 هـ, 03:39 مساءً
 
السلام عليكم
شحالج عنبر
انا وحده من الى تعاملوا مع الاخت عنبر
انا ماقول ولا امدحها هى اخت وغاليه عليه ويرجع الفضل لله في مساعدتى بشراء من موقعين مش واحد
وكانت امينه جد والله وتعاملها ماعليه كلام
وطلبيه تاخرت خذت اكثر من شهر بس صدقونى ماشكيت ابدا فى امانتها والحمد لله
حبوبه لا تزعلين من البنت لا انتى غلطانه ولا هى
ردى لها فلوسها وانا لو مكانج بسوي جذيه فديتج افتكى من الشك فى امانتج
فديتج ياام احمد المنتدى ايصير فيه جذيه واكثر وخليها على الله
22-04-1427 هـ, 06:08 مساءً
 
كلامكم سليم عزيزاتي
بس في كلام احب اوجه للبنت
مب معناته ان الاخت عنبر ترد فلوسج يعني انها غلطانه ، بالعكس اثبتت انها قد مسؤليتها وزياده
وانتي المفروض كان تتعاونين معاها مب تضغطين عليها نفسيا بهالطريقه
مافيها شي لو صبرتي وانتظرتي لين ما تنباع الاغراض في النهاية انتي اللي عطيتيها الموقع
وانا ما ألومج كثر ما ألوم عدم تعاونج معها اقل شي بالصبر
والله يوفقج وإن شاء الله مستقبلا ما تنحطين في موقف شك لأنه موقف صعب
22-04-1427 هـ, 06:24 مساءً
 
انتي ما تستهلين الا كل خير صراحه
انسانه امينه وطيبه وانا جد اتعاملت معاج
الموضوع هب في يدج ولا في يدها...

وانتي حطي نفسج مكانها
اتخيلي انتي طالبه أغراض لج من موقع والموقع اتاخر واااااااايد عليج؟؟؟ شو بتسوين؟!!!!! أكيد بتقولين اريد فلوسي!!
وهي نفس الشي.......

هي مالها حق تغلط عليج .......... لاكن من حقها انها تسترد الفلوس
وانتي اتوكلي على الله....والله بيسرلج اموج ان شاء الله

واعرضي البضاعه للبيع يمكن حد يباها


كل التوفيق
22-04-1427 هـ, 06:37 مساءً
 
السلام عليكم

أخت عنبر ما اتوقعتك تعرضي موضوع خاص في المنتدى والموظوع كان بينا يا أختي وإذا اتحسي إنك مظلومة صحيح خلاص ما ابي لفلوس وخطيبي هو الا دفع لفلوس وانا بتصرف معاه بس السالفة طولت وصار لها سبعة شهور تقريبا والله يعلم إني عانيت كل يوم يسألني عن البضاعة لأني اول شي اتفقت معاك إني ابي الأغراض قبل العرس والأغراض ما وصلت ومثل ما قلتي التأخير من الموقع وانا مالي يد لأنك الوسيطة مابيني ومابين الموقع وانا قلت لك اتصرفي وانا الله يعلم ماعندي حتى لغة انجليزية كان طلبت انا بنفسي من خلال الموقع بس سألت في المنتدى عن عضوة تقدر تطلب لي الأغراض من هالموقع ودلوني بعض البنات عليك واتوكلت على الله وقلت باطلبهم منك وأكثر من مرة اطلب بلوزة وايخلص الموديل من تأخيرك لأنك ما تدخلي والسبب ظروف عندك اتغيبي احيانا بالعشرة ايام انا قلت ماعليه ظروفك اقوى منك لأنه ولدك مريض يمكن احيانا اضايق شوي لأنه كان ما باقي على عرسي شي وانا ابيهم لعرسي وانا ماشريت ثياب كثيرة لزواجي وما كان عندي سيولة مالية فكان اعتمادي عليهم وكل يوم ارسل يمكن اربع رسايل على بريدك الخاص هذا غير الجوال حتى إنك قلتي إني الاحقك حتى بصراحة انا زعلت كثير وقلت لك خلاص ما ابي شي رد لي فلوسي لأنه السالفة طولت كثير وانتي تتهميني إني الاحقك قسما بالله هذا الا خلاني اهون عن الطلبية وياريت اتراجعي رسايلك الخاصة او انا باعيد لك ارسال الرسالة على بريدك الخاص عشان تتأكدي من كلامي
أخر مرة من يوم كلمتك قلت لك زواجي اتأخر صارت عندنا ظروف واتوفى شخص عزيز على قلبي وقلب خطيبي ,وانا بصراحة مابي اظلم احد بس قسما بالله وثقت فيك بس المفروض تعدريني وانتي قلتي إني قلت إن خطيبي ايقول عنك حرامية انا يا اختي ما قلتها بهالطريقة وانا متأكدة بس إذا قلتها كذا اعدريني بس ولا عمره دخل هالمنتدى عشان يعرفك او يوثق فيك وانتي المفروض تتفهمي هالشي و انتي واعدتني من سبعة شهور اتجيب لي البضاعة والاتفاق ما بينا المفروض كان شهر ولا وصلت الأغراض لو حتى قلت له التأخير من الموقع مثل ما قلتي انتي ورجعت قلت لها بعد شهر بتوصل والشهلر الا بعده قلت له نفس الكلام أكيد ما بيصدق وبيقول لي خليها ترجع لفلوس وانا مابيدي شي وانتي تعرفي انا ماعندي رقم حساب ولا عمري رحت البنك يعني اعتمادي عليه في كل شي هو الا ايحول لي لفلوس وانتي عارفة بحالنا في السعودية لا انسوق سيارة ولا شي معتمدين كله على رجالنا
حتى إنك قلتي بتحولي لي لفلوس وبتاخدي عمولتك وبتخصمي قيمة التحويل وانا ما قلت لك شي يعني كنت موافقة حتى لو ما وصلني ولا غرض انا ما ادري للحين ظلمتك في أي ناحية ؟؟وانا ويش ذنبي ؟؟
انا يا اختي سألت عن الموقع في اكثر من منتدى وأكدوا لي إنه البضاعة توصل في ثلاث اسابيع فقط يعني انا ماجبت لك الموقع عبث يا اخت عنبر وإذا صار في تأخير وانتي بنفسك قلتي في موضوع هنا في المنتدى لأحد العضوات عادي يصير تأخير وهذا الكلام قلته لخطيبي عادي يصير تأخير وانا صبرت يا اختي من بتتحمل سبعة شهور من دون ما ترسل تتأكد من اخبار الطلبية وهي زواجها قرب باقي عليه بس اسبوع وانتي اتهمتيني إني الاحقك والله ازعلت من كلامك وانتي بنفسك قلتي لي إنتي ترسلي كل يوم واحسك اتلاحقيني لأنك ماتوثقي في وانا كنت مظطرة ووضحت لك الاسباب عرسي قرب وخطيبي طفش ومو واثق فيني وايقول اكيد انها نصبت عليك يا اختي إذا حسيتيها اهانة ليك وهو ولا عمره دخل منتدى حواء ولا يعرفك وانتي من بلد تاني فالأجدر إنك تعتبري الاهانة موجهة لي لأنه يتهمني بالغباااء
واسفة على الأطالة
07-05-1427 هـ, 07:03 صباحاً
 


الساعة الآن 01:59 .