اقتباس مشاركة  (سلافة2120)
والله صح المفروض يذكر اسمها بس المشكلة انه اللي تكتب موضوع تشتكي من تاجره
على طول موضوعها يحذف

ولو تاجرة اشتكت من الزبائن مافي احد يحذف موضوعها

فلازم يكون في اخذ وعطاء في الموضوع احس المنتدى هنا متبع نفس الطريقة القديمة في حياتنا
انه لا تقول رايك وممنوع تتكلم مع ان الدنيا تطورت وهذا نت ماهو جريدة تخاف تقفل
و بعد انا رايي من راي شهدQ
و بالنسبة لطريقة الدفع انا رايي سلم و استلم احسن طريقة أو دفع عربون و الباجي بعد الاستلام
23-04-1427 هـ, 05:38 مساءً
 
انا تعرضت للغش للاسف

التاجره خسرتني قريب ال 1000 درهم (ألف درهم اتخيلوا !!!!)

ظحكت علي على بضاعه تنباع في لايف ستايل ب 120 درهم او اقل

اتخيلوا الفرق بين الالف و اقل من 120 درهم !!!

والعضوه انطردت من المنتدى مب عشان البضاعه والبنات خبروا عليها

لا ... هيه جدام البنات وايد جنتل واونها فاهمه كل شي تسويه .... طردوها عشان اتطاولت على

مشرفات المنتدى

ماحللها انا ابد ابد ابد ... خسرتني بيزات ووقت
ومن عقب ماستلمت بضاعتها .. اتصل فيها .. ماترد !!!!!!!!!!!!!!!!!!!!!!!!!!! تخيلوا الوقاحه

وياليت المشرفات يحذفن اي موضوع لاي عضوه انطردت

اهم شي بنات .. بدون ما اذكر اسمها .. ابيكم ::..

**تتأكدون من اسم المنتج ووين صنع وتسئلون عن كل شي عنه ....لانها جابتلي بضاعتها بدون اسم !!!!! ...
**تسئلون التاجره مثل ماقالوا البنات عن اسمها ورقمها وبيتها وغيره وغيره ... <---- وهذا عين العقل

المشكله واللي قاهرني انها قاصه على بنات واااااااااااايد !!!!!!
الله يهديها بس

ارجع واقول مابي اذكر اسامي ... بس ابيكم تتأكدون من المعلومات المهمه اللي قلتها عشان تتطمنون
اما انكم تسئلون عن التاجره في المنتدى ... احس هذا شي غير مفيد .. لانه ممكن تكون هيه بس باسم ثاني او ربعها ....


والسموحه منكم
23-04-1427 هـ, 05:45 مساءً
 
تسلمون بنات على المرور والله يهدي الجميع لما يحب الله ويرضاه

اختي لولا ـ لهلوبا الله يعوضك واحتسبي اجرك عند الله والتاجره سبحان الله , ما بتحصل بركه وكل شي يروح وما يبقى للانسان الا عمله
23-04-1427 هـ, 06:52 مساءً
 
اللي لا حظته في النتدى انه المشرفات مالهم دور كبير.....
وااايد تستوي مشاكل لاكن ولا وحده اتكلف عمرها وتشرح للبنات اللي صار وما يحتاي اعطي امثله لأني لو بديت ما بخلص

المشرفات لازم دورهم ايكون اكبر عن حذف مواضيع البنات
23-04-1427 هـ, 07:10 مساءً
 
والله اخاف يصير من ورا هالسالفة مشاكل


اقصد يعني ممكن وحده تفكر انه التاجرة نصابة و البنت يكون عندها ظروف و لا شي معين حدها عاللي صار
هني نكون ظلمنا التاجرة
23-04-1427 هـ, 07:21 مساءً
 


الساعة الآن 06:35 .