السلام عليكم ورحمة الله وبركاته

اشلونكم اخواتي في عالم حواء

طبعا كلكم تبون تعرفون شنو سالفه الموضوع .... الموضوع وبكل بساطه ومع الاسف التجاره اصبحت في المنتدى عملية نهب وسرقه ليس إلا من بعض الاخوات حسبي الله عليهم ونعم الوكيل طبعا ( إلا من رحم الله منهم ) ..... مع الاسف اخواتي للمره المليون اقول التجاره مو حرام ولا عيب ولا فيها اي نقص للمرأة بالعكس هذا دليل على جدارتها وإرادتها وعزيمتها ورغبتها في الحصول على مالها وبالحلال ولكن استخدمت التجاره في المنتدى من بعض الاخوات بطريقه جدا سئيه لم يراعون فيها الله ومخافته راح اقولكم بعض الامثله بدون ذكر اسماء واكيد الي تقراء هالموضوع بتعرف نفسها ...

اخواتي انا جربت اشتري من بعض التاجرات مثل مايدعون انهم تاجرات وهم مع الاسف غير ذلك انا شفت بضاعه عند احد الاخوات هنا ومسويه عليها اعلانات جباره وصور ومادري شنو انا بكل امانه اعجبتني هالاشياء وطلبت منها مجموعه كبيره وكانت البضاعه كل وحده من هالبضاعه تساوي مثلا 100 او 90 ريال هذا السعر اهي التاجره حطته لنا وقال ايش بدون رسوووم
وطبعا لان هالشي سوت عليه اعلان ضخم وحلفت انها منقصه بالاسعار عشان بنات حواء اخواتها وحبيبتها وانها تاخذ هالبضاعه باكثر من قيمتها هذا على كلامها .. اكتشفت اخواتي قبل فتره بضاعتها بنفس المنطقه الي انا فيها وتنباع كل حبه من هالبضاعه بـــ 40 ريال ’’’’’ اقسم بالله هذا الي صار زوجي راح وشافها في محل فخم وقاله صاحب المحل تلقها برى ارخص شوي من عندنا << قسما بالله انصدمت من هالخبر وجاب زوجي عينه من عنده وطلعت اخت الي عندي ونفس البضاعه المصيبه مو هني المصيبه اني شريت من هالتاجره عدد 20 من هالبضاعه او اكثر اي والله واعتمدت على كلامها لانها تحلف بالله .......... الله اكبر شوووف بالله وتخيلو كم خسرت انا وزوجي بهالبضاعه 20*100= ؟؟؟؟؟
هذي وحده

والثانيه مع الاسف باعت علي شغله نسائيه بـــ60 ريال وطلبت منها 5 لي ولخواتي يعني بسوي لهم حركات ... واكتشفت بعد فتره انها بـــ 20 ريال وشوفو 5*60= ؟؟؟؟؟


بعد هذا كله اقول لهالتاجرات الي مايراقبون الله في تعاملهم مع اخواتهم المسلمات ماتخافون من مال الحرام ترضون تأكلون عيالكم واهلكم مال حرام عجباً والله ؟؟؟؟ انتم تعرفون انه يجوز لك انك تاخذين اكثر من حقك بس مايتجاوز النص من القيمه مازاد عن النص في البيع فهو حرام والله والله والله لوبيدي من الامر شي لاقفل منتدى البيع والتجاره بس انا اعرف انه في بعض الاخوات التاجرات يخافون الله ويراقبونه في تعاملهم ومالهم ذنب في افعال غيرهم .
والسموحه انا قلت تووووبه من التعامل مع الاخوات التاجرات مع احترامي للاخوات التاجرات الباقيات الصادقات في تعاملهم مع الله ثم معانا جزاهم الله كل خير .
وفي الاخير هذي نصيحه لوجه الله لاتغامرين بالحلفان وتحلفين كذب او زور على بضاعتك عشان تربحين من وراها واقسم بالله هذي التجاره ماراح تغنيك من الله شي والتجاره الرابحه هي الصدق مع الله ثم مع اخواتك في الله بهالمنتدى وخارج هالمنتدى .

حسبي الله ونعم الوكيل وفوضت امري لله وعوضي عليه
استغفرالله واتوب اليه
الله يغنينا بحلاله عن حرامه وموفقين خير ان شاءالله
الله يهدينا وأمة محمد جميعا

يمكن الحرمة معذورة لما زودت بسعر البضاعة...

الله يعوضك حبيبتي . والضربه إللي ماتقتلك تقويك .

على الأقل أكتسبتي خبره , وتجربه .

بالنسبه لحكاية الحلف , والله ماأشوف له لزمه إن الوحده تحلف , السلع معروضه والزبونه إللي حابه سعرك بتأخذ , ماعجبها السعر بتدور غيره . وللزبونه مطلق الحريه بالإختيار والأستفسار .

وعلى فكره مو كل بضايع التاجرات أرخص من السوق في بضائع اغلى لكنها نادره , أو غير متوفره بالبلد , أو الأقليم , ولاتنسين تكاليف النقل وغيره .

يعني مفروض التاجره تبيع وماتقول لأحد نسبة ربحها , ولا تقول أنا بعتها براس مالها او بعتها بخساره لأنه كلام مايدخل العقل , لأنه مستحيل الوحده بتعب نفسها وهي خسرانه , يعني أقل شيء بتبيع لزبونه عزيزه عليها برأس مالها .بالإضافه إلى خسايرها بالنقل .

بس أنا بنظري , إن التاجره لها مطلق الحريه بعرض بضاعتها بالسعر إللي تبيه , حتى لو وباعت قلم رصاص مايسوى ريال بمليون ريال , دام الطرفين راضي عند الشراء ولا فيها لاغش ولا تدليس ولايمين كاذب , فهو حلال طالما إنها أيضاً مهب محتكره بضاعه يحتاجها الناس ومصيريه .

وقال الرسول صلى الله عليه وسلم :

" البائعان بالخيار مالم يفترقا"

يعني كل واحد حر يبيع بالسعر إللي يبيه أهم شيء لا تكذب وتحط شغلات مهب موجوده بالسلعه وتنسبها له , دامه تم الإتفاق قبل التفرق .

وأتقاًْ للشر ,يفضل إنك تسألين عن السلعه قبل الشـــراء هل متوفره ببلدك أو لا , ولاتنسين إن التاجره هي إللي تعبت واوجدت الفكره ويمكن حببتك بالبضاعه , أو عرضت شيء لأول مره تشوفينه .

وبالتوفيق لك , وأتمنى رأيي مايزعج أحدى الطرفين .

.
هلا اختي على قوله المثل بين البايع والشاري يفتح الله

طيب انتي شوفي المراكز والله تا خذين البلايز من عنده مثلا 200ريال وانتي عارفه انه بري ممكن تلقين زيها وممكن تلقين احسن
وتاخذين من عندهم
بس بحكم انه سعر المحلفي مركز راح يكون مرتفع عشان كذا البضاعه مرتفعه غير السوق وما تدري البنت بكم اخذتها وكم ربحانه منها

والله يهدي الجميع ان شاء الله





اللهم احفظ لي ابنتي وولدي
والله كلامك يخوف يخلي الوحدة تحط عينها في وسط راسها

انا مااطلب منك اسم التاجرة والمفروض ماتقوليه ويكفي تجربتك قلتيها بكل صراحة
والتاجرة تعتبر ماغشتك بس زادت عليك في السعر وهذا عادي ترى يحصل في ارقى المحلات

اختي مرة دخلت محل هنود سالته على صابون قلها الحبة بعشرة
نزلت من عنده دخلت اللي جنبه قلها بريال الحبةَ!! تخيلي

البياع بيعرض والزبون عقله في راسه يبغى ياخذ ياخذ وهو حر ساعتها

وهمس في اذنك مافي وحدة راح تبيع بخسارة ابدددددددددددددا
واكيد انها تبغى مربح بس مين اللي يقنع بالقليل؟؟ وكم كمية المربح عاد هذي هيا تقررها

وانا ياما شفت اشياء هنا برى بعشرة وعشرين وتنباع في المنتدى باضعاف اضعاف اسعارها

بس انت خليك ذكية ولا تاخذي إلا الشي الغير متوفر في البلد نهائيا زي الديرما كول مع انه سمعت انه موجود؟

استعوضي الله في خسارتك وصح انها كبيرة بس كل دقة بتعليمه


الساعة الآن 05:39 .