انا عندي منها كنت شاريتنها من القريه العالميه بس كانت اغلى حوالي 120 درهم واتوهقت فيها لاني ما عرفت استخدمها لين الحينه ومن لاقافتي وحبي للمناكيير خذت كل الالوان لاني انبهرت كيف اتسويها بسرعه وطااااحت في جبدي وانا احاول فيها....المشكله يوم اتحطين اللون على المرايه وبعدين اتسوينها بالشفره عشان اتخوزين اللون الزايد عن الرسمه والمشكله هنيه في " الطابعه " يوم احطها على المرايه ما اتشيل الرسمه ما اتشيلها كامله يعني نصها ومرات ما اتشيلها
24-04-1427 هـ, 09:54 مساءً
 
عزيزتي نور الامارات ..
ما ادري اللي خذتيها بهالمبلغ الخيالي نفس اللي عرضتها بالصورة ..
بس بصراحة سعر خيااااااااااااااااااالي جدا

على العموم انا بعلمج شلون تسوين الرسمة صح نفس البياعه ما تسويها

طبعا انتِ لما تبدين تعدلين اظافرج .. لازم تكونين مجهزة عدالج كل العدة

من الوان المانكير + الاستيون (لازالة المانكير ) + محارم + (الشفرة و المرآة و الطابعة )

خلي المانكير على الرسمة اللي تبينها .. مرة وحدة .. خذي الشفرة مرة وحدة كشطي على المانكير اللي خليتيه على الرسمة .. و عقب على طول ضغطي الطابعة بقوة على الرسمة عشان تاخذ كل اللون لانه لو تلاحظين الرسمة تكون داخل المراية يعني شبه مجوفة .. فالمانكير يدخل داخل لانه اللي فوق على السطح انتِ مسحتيه بالشفرة .. و على طول خليه على ظفرج ..

بس اذا تأخرتِ فاكيد اللون بيجف .. و علشان جذيه تطلع لج الرسمة ناقصة ..

صدقيني مب صعبة و دام انها عندج جربي تسوينها كذا مرة ما يبالها الا سرعة و انه كل الاغراض تكون عدالج .. و موفقة ..


أم شوق
24-04-1427 هـ, 10:00 مساءً
 
ايه حلوة انا عندي منها...
بس بنات لو وحده اشترت و ماعرفت على طول تسوي تتدرب شوي و بتتقنها..
24-04-1427 هـ, 10:03 مساءً
 
اقتباس مشاركة  (مصممة عالم حواء)
صرعة جديدة ،، نحتاج صور يا قمر
24-04-1427 هـ, 10:10 مساءً
 
دموع + مصممة ازياء ..
الصورة موجودة في الصفحة الاولى في ردي الثاني على البنات ..
الكل شافها .. ما اعرف ليش مب واضحة لكم ..
اذا تبون ممكن ارسلها لكم على الايميل ..
بس طرشوا لي ايميلاتكم و انا حاضرة ..
لأنه باجر آخر يوم للطلب ..


أم شـوق
24-04-1427 هـ, 10:12 مساءً
 


الساعة الآن 03:43 .