للرفع ..

نصيحة لا تفوتونه
وفي عندي بعد كريم "قولد " بالكركم يستخدم للوجه .. حلووووووووو وايد
سعر الصغير 15 و الكبير 25 درهم ..

أم شوق
اقتباس مشاركة  (زجاجة الأفكار)

** في قلبي زايد + دلوعة كيفي

عزيزاتي .. رب العالمين بين لنا في كتابه العزيز في كذا موضع أنه من آداب النصيحة السرية .. يعني لو فعلا كانت نيتكم صادقة بالنصيحة لأي انسان واخت فالمفروض تكون على الرسايل الخاصة .. و ليس على العام .. لأنكم بهذا العمل تبينون انه صاحبة الغرض "التاجرة " حرامية و أكبر نصابة .. و انتم مب عارفين خبايا تجارتها .. يعني كيف حصلت عليها و كم دفعت للشحن و البريد .. و كل يوم و هي رايحة اطرش البضاعة من بيتها الى ارامكس للبنات كم تتكلف .. و جهدها و متابعتها .. يعني بعد مب حق انه البنت بتشتري البضاعة بخمس و تبيعها خمس .. كيف بتربح ؟؟
و كل شخص هدفه من التجارة الربح .. و الربح المعقول مب السرقة .. مع انه انا و انتِ و الكل عارف انه في تاجرات بالمنتدى و في محلات بالسوق نسبة ربحها غير خيالية و تفوق سعر المنتج بعشر عشرين مرة ..
وكنت وااااااايد بكون سعيدة لو تكرمتم و طرشتن لي ر سالة خاصة و لو فعلا نيتكن صادقة كان من الاولى حتى تدلون على المكان الرخيص عشان انا استفيد و غيري يستفيد من البنات لما اوفر لهم البضاعة بسعر خمس دراهم مثلاً ..
وما اقول الا على نياتكم تحاسبون .. و ظني فيكم يا بنات بلادي خير .. لكنها نصيحة لوجه الله ..
لا تقطعون رزق البنات بهالطريقة ..
ومشكورات و ربي يوفق الجميع




هلا عزيزتي

اتمنى بانج تقرييين ردي عـــــــــــــدل
وهذا كان ردي الاول عليج

اقتباس مشاركة  (في قلبي "زايد")
زجاجة الأفكار
يالغلا فديتج اعتقد انتي مأخذتنه من مكان غالي لانه سعره الحقيقي درهمين فقط


لانه حرام صراحه حبه وحده بـ 7 دراهم وااايد
وخمس حبات انا خذتنهن بـ 10 دراهم
وهذه سعره الحقيقي وين ما اسير اشتريه بهالسعر

وبالتوفيق

وحبيبتي مب حـــــــرام باني اوضح لج اواوضح لغيرج بان سعره الحقيقي درهمين
عسب انتي وغيرج ما تطيحون في النصب من قبل الي يبيعون بالجمله
وربي عارف بالنيه
وبالعكس وايد بنات ارسلو لي رسايل خاصه يسألوني عن امكان بيع هالصابون والي بدرهمين وخبرتهم
جان انتي صدق تبغين بعد بخبرج
وانا كان قصدي خير خفت بانج تتعاملين مع تجار ضاربين عليج السعر

بس انتو الحريم تحبون الظلم ياربي كيف تحبو هالدور دور المظلومه
وبعدين شو بعد هاي الرمسه اونه نبغي نبين "التاجرة " حرامية و أكبر نصابة ..
شو ههاي الرمسه

لا حول ولا قوة الا بالله

تأكدي لا انا ولا اختي دلوعة كيفي نحب نقطع رزق اي وحده
لان الارزاق بيد ربنا مش بيدي وابيدها
عشان نقطعه منج او من غيرج


اللهم أغفر لـ زايد وأرحمه و اجعل قبره روضة من رياض الجنة
اللهم آمين
لاحووووول ولاقوووووووووووووووووووووة الا بالله....الحريم يحبووون دووور المظلومااات والحريم بعد يحبووون مايتنااازلوون عن كلمتهم

الغااليه أختى في قلبي "زايد" حبيبتي مااافي داااعي لهالكلام اذا اكو شي للاخت زجاجة الافكاااار الله يخليج رااااسليها عالخاااص والله ماصارت عروووض تجاااريه كل واااحد يعرض عضلااااته وينتظر غلطه ولا زله على كل وحده


الله يهدي الجميع يااارب
ربي ايوفقج اختي الصابونة وواي يمدحونها
شمسة المهيري
للصناديق العطـــــــــور ات والمخلطات العربية
دبي
جميرا
في قلبي "زايد "
بالنسبة لي نسيت الموضوع وحصل خير وما احب اشل على حد
خاصة اني ما اعرفكم الا بالكلمة .. فمن الجيد انه الحرف اللي يجمعنا يكون
نابع من الاخوة الصادقة ..
وكلنا دخلنا النت للاستفادة و المتعة و تقضية وقت مفيد مع عائلة الكترونية
وكلامج على عيني و راسي .. و احترم ردج ..
بس جد ما ودي نعيد و نزيد في السالفة ..
و صدقيني انا لو تضايجت في البداية الا اني بعد اعذر الشخص و اخذه بحسن نيته


بتبوتي
كلامج حق .. يا قمر ..


بنت_البنات ..
مشكورة الغالية
وفعلا الصابون تجنن


أم شـــــــوق


الساعة الآن 07:32 .