مركز التنين اللي في دبي

انا سرت وجفت وسالت وطقست وبصراحه اغرااااااضهم وااايد رووعه خاصه الاشياء اللي تخص المنازل وعندهم تشكيلة ارضيات تهبل انواع واشكال وسالت بعد عن الضمان وقالولي عليها ضمان انت سيري وجوفي اغرااض رووعه ماتتفوت وما انصحج بالأجهزه المنزليه لأن كلام الأخت صحييح 100%

مشكوره أختي عايشة الحلم على نصيحتج أنشالله باخذ فيها
ومشكورة اختي وهج الايام بس حبيت أسألج شو هي الأشياء اللي تنصحيني
فيها وتكون روعه وشورايج بالغرف الصيني وشو رايج كرمج الله بالحمامات أنا أفكر آخذ منه شورايج

شرينا من عندهم نقشات رخام
جدا رخية

خذت وحدة منهم ب 600
ولم رديت الدوحة حصلت مثلها بالمحل مارضي يتنازل عن ال4000 ا

في عندهم ارضيات خشب روووعه وبعد عليها ضمان وضد الماء انصحج تحطينها بغرف الأطفال وعند تشكيله رااائعه من ملاحق الحمام وأكثر شي عجبني الجاكوزي اللي عندهم اشكاله رهيييبه في محلات مب لهناك وفي محلات بضاعتهم حلوه ومضمونه انتي سيري هناك وختاري

نصيحه لما تسيرين لاتلبسين كعب الأن أنا كنت لابسه كعب وتكسرت ريلي وماقدرت أكمل لين اخر المركز صدق انه تنين وبالتوفيق

لالالالالالالالالالا تاخذين مفارش السرير

قمة الرداءه..شرات ما يقول المثل لا يغرك رخصه يرمي نصه