اخر إكتشاف : الشعر الخشن يؤثر على الحياة الزوجية

اكيد انكم مستغربين ؟؟؟
بصراحة بعد دراسة مستفيضة ومداولات ومناقشات بالاضافة الى الخبرة في الحياة اكتشفت ان الشعر الخشن يؤثر على الحياة الزوجيه .............:arb: .
لاتضحكون علي يابنات والله من جد من قبل ما أتزوج وأنا شايله هم هالسالفة ومازلت ,
انا احس اساس الترتيب والكشخة والتجديد من الشعر وانا محرومة من هذا كله
من ناحية التجديد ...... زوجي دايما كل ماشاف قصة شعر حلوه بالتلفزيون:bkh: قالي ليه ماتقصين زي كذا بيطلع حلو عليك وانا أقوله لا لا لا ماتناسبني ... شعري خفيف ..... مدري وشو والصبغات بعد انحرمت منها والله تنشف لي شعري وتزيد خشونته ( من تجربه قديييمه)
من ناحية الترتيب تخيلي زوجك أول مايصحى من النوم يشوف قدامه مكنسة قديييييمه ويغمض عينه :35: بدل مايعطيك بوسه والله اني طول اليوم امر عالمرايه اشوف لايكون فيه عله طايره ومع والشكل أبد مافيه أي جاذبية دايما مربوط ومشدوووود عشان يهجد
ومن ناحية الكشخة أحيانا ابغى اتفنن :27: البس لبس حلو ومكياج ورمانسيه والشعر ما فيه أي تجديد بس اسشور الغره لان شعري لو بسشوره بقعد ساعتين على الاقل واحسب له دقائق والله دقائق الا هو نافش عشان كذا ماقمت اسشور الشعر بس الغره بالله اشرايكم فستان وميك أب وزحمه والشعر هوه هوه والله ليتني ارقد احسن:09:


الحمد لله انا ماني شينه يعني شكلي حليو:40: ( وحده بترفع معنويات نفسها ) بس والله مهما كان شكلك وشعرك مو حلو تحسين فيه شي ناقص خصوصا اني جربت التجعيد على شعري وما طلع حلو والرجال اصلا يحبون النعومه

ماخليت شي ما حطيته على هالكشة وبرضه مصره على موقفها :25: الله يهديها ويهبطها
شكله مافيه إلا حلين اما احلق عالصفر:3_2_21v: وافتك والا اقعد يومي كله بطربوش ومن باب التجديد كل يوم اشتري طربوش شكل::38: : حركات خخخخخخخخ

اسفه ياحواءات طولت عليكم بس عموما انا كنت افضفض بس مايمنع اللي عندها حل غير الصلعة والطرابيش تحطه والله والله لادعيلها وحتى زوجي بيدعيله بس بقلبه عشان مايبين لي :(