مرحبا صبايا .... يا احلى صبايا ...

عزيزاتي ..

انا للأسف الشديد توني ادري عن روعة هالركن رغم اني قديمة واحب اكون الصدقات من هالنوع ..

ولو تدرون لي اسبوع احاول اخلص الموضوع الاصلي لفن التقديم ما قدرت ..

اليوم وصلت للصفحة 96

من شان هيك ....

اقترح يكون الموضوع على شكل أجزاء كل جزء خمس صفحات او عشرة بالكثير ....

خلينا نقول سبع صفحات كحل وسط ...

بعدها اخر وحدة موجودة ووصل العدد للصفحات المذكورة تفتح موضوع جديد وتسميه :

فن التقديم للذويقات ( الجزء الثالث ) ...

وعلى هالحال ...

آخر وحدة فينا متواجدة والصفحات زادت تتصرف من نفسها وتفتح موضوع يصير جزء جديد ...

لو لاحظتوا البنات يستصعبون العودة للصفحات القديمة لانها مو صفحة ولا ثنتين ولا أريع ولا سبع ..

الصفحات اللي وراها بالعشرات ..

فهذه الصفحات تجعلنا نفقد المعلومات بسبب التعجيز في البحث ..

فما رأيكم بهذه الفكرة ...

وسأفتتح الموضوع اولا واستفتح باسم الله تعالى :,,,,,,,,,,,,

بالنسبة لآخر افكار التوزيعات والهدايا والصواني شفتها عند داليا للهدايا واهي متمكنة من عملها ..

ويدها في الاعمال ذوق ولمساتها فن ماشاء الله تبارك الله ...

شفت عندها صينية تحفة فيها ساتان وكريستال وكاستين بساق كبيرة وكريستال كبار مرة متدلية بهدب ..

الفكرة مستوحاة من أمواج البحر ...

والميزة انها تقول انا افكر في الصينية بعد ما تخلص الهدايا والحلويات اللي فيها انها تكون تحفة يعني منظرها بدون تعبأة جميل جدا ..

طبعا هذي الصينية توضع على ستاند ولا يدار فيها بسبب التعليقات الكبيرة المتدلية لو كنتي تبينها تنشال وتوزيعين على المعازيم ممكن تضغرها او تخليها هدب كريستال صغير ...

طبعا اللون اللي مسويته لوحدة والدة وجابت ولد واختارت لها اللون النحاسي والكحلي ...

وما تحب تتقيد في سماوي ووردي طفولي ... تحب تتوسع في الالوان وهذا من تميزها ...

واهي في تطور مستمر كل ما كلمتها الاقيها سوت شئ جديد ...

اقولكم افكارها لحد وين وصلت ماشاء الله عليها ..

تعرفون احنا اهل الرياض لازم نرفــّع الوالدة ...

نعطيها فلوس يعني ...

اكيد كلكم تعرفون الطريقة هذي ...

إهي ابتكرت أفكار للفلوس خبال .. جنان .. روعة ..

افكار ما ادري كيف جت على بالها .. ماشاء الله بس الله لا يضرها ...

تقول اهي اكثر شئ تطلب منها ....

وتوزيعاتها بعضها اذا مو اغلبها تنفع كذلك للرفاعة ..

ووحدة طلبت منها تسوي لها صندوق اهي مسويته لحبة شكولاته وملبس وتحتها كريستال صغار منثور.

كبير حبتين بس تححححفة .. يملأ الكف حجمه ...

قالت سوي لي منها ثلاث بتحطها على الكمودينو تقول للخواتم والحلقان وهالاشياء الصغيرة اللي تنرمى اول ما نرجع من المناسبة فتكون تحفة عالكمدينو وتحفظ لها اغراضها ... طبعا تسويها بعدة ألوان حسب طلبك ...

اسعارها للحبة شئ بـ 15 ريال .. وشئ بـ 20 ريال ... وشئ بـ 25 ريال ..

كذلك شفت عندها خداديات صغنونة معلق عليها كريستال ومزينه واهي نفسها توزيع ..

سعر الحبة بـ 30 ريال بس مسوية عليها خصم بـ 25 ريال ..

كمان شفت عندها كاسات أم ساق تبع العصير مسويتها توزيع ....

نوع فريش بـ20 ريال الحبة .. ونوع رسمي مرة بـ 25 ريال الحبة ..

مازالت تنتتج ولا تتوقف ..

وقالت لي راح تجيب اغراضها من الخارج علشان تضمن الحصرية لعميلاتها والتميز ...

شموع خرافة تصلح توزيع في زواج او مع هدية ...

اشكالها نخيل وقوارب وفساتين وكيك طبقات طبعا حجمها اصغر من الكف ...

وتراها تزين قاعات بنظام وستايل أوروبي ...

وممكن تسوي لك ركن في زواج او نفاس ...

وتقول يتوفر توصيل للدمام وجدة ..

طبعا ميزة شغلها انها تسوي أفكار تكون كالهدايا التذكارية للي ياخذونها وما ترمى حتى لا يكون تبذير

او دفع فلوس على شئ يرمى ...

كمان قالت لي عندها افكار تقديم للضيوف في الزواجات وعلى الطاولات لأول مرة في المملكة وقد يكون في الخليج ..

على كلامها ما بعد احد سواها ... لانها من عقلها .. مالها وجود ولا تجي على بال ..

ورفضت تقولي كلام افهم الفكرة بالضبط .. ..

لانها تقول هذي ماراح يدري عنها الا اللي بسويها في قاعتها ...

يالله دوركم خبرونا جديدكم وشو اخباركم ...؟...؟...
28-04-1427 هـ, 09:47 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
افا ياذا العلم ...

يالله بنات من تبي خبر عن جوي ولا سو ولا اي شئ من الموضوع الاول اطلعه لها لاني مسوية اختصار
28-04-1427 هـ, 06:47 مساءً
 
ابدا ما توقعت مثل هالتطنيش
29-04-1427 هـ, 12:19 صباحاً
 
اهلين اخت عطر الليل...مشكوره على الموضوع.....اذا ماعليك امر ممكن رقم داليا للهدايا وهل هو محل والا وحده تشتغل لحسابها وكيف اقدر اشوف شغلها واختار؟
29-04-1427 هـ, 12:26 صباحاً
 
هلا والله ...

الله يجبر بخاطرك مثل ما جبرتي بخاطري والله كنت ناوية أشيل هالموضوع من راسي .

جعل ربي يسلمك ويحفظك ..

اهي تشتغل لحسابها ..

وتبحث عن توصيل لزباينها ..

راح ارسل لك رقمها لاني ما ادري ممنوع هنا ولا عادي
29-04-1427 هـ, 12:56 صباحاً
 


الساعة الآن 02:47 .