اخواتي الغاليات

ابي طريقة شوربة الكريمه بالذره الحلوه مثل المطعم الصيني

وابي طرق شوربات بس سههههله يمديني اسويها اذا جيت من الدوام


وشكككككرا لكم

[IMG]http://vb.*****.com/attachment.php?attachmentid=25 7099&d=1161801284[/IMG]
[IMG]http://vb.*****.com/attachment.php?attachmentid=25 3076&stc=1&d=1161112057[/IMG]
حبيبتي شوفي اسويها بطريقه شوي غريبه بس مشي حالك لذذيذه مره
جيبي شوربة خلاصة الدجاج حقت ماجي وبعدين سيوها لىالنار ولو عندي مسلوقة دجاج حلو المهم وبعدين جيبي دجاج مسلوق مفتت صغار مره وحطيه عليها وبعده الذره وسكر لحد ماتوصل للطعم المطلوب
هيا اخر شئ جيبيا الصفايه وفكي عليها حبة بيضه علشان تسير خيوطط في الشوربه
وعلى فكره خليها شوي تخينه لو ماسارت تخينه
حطي شوي نشا مع مويه وحطيها عليها



عندك شوربة الطماطم والبطاطس والجزر والكوس نفس الطريقه وهي
كشني شويه بصل مع تحميس عليه شوية دقيق وبعدين حطي الطماطم وحطي معاه حبه بطاطسه
اما البطاطس والجزر بس لوحدها
المهم ولما تستوي حطيها كلها في الخلاط واخر شئ حطي عليه كريمة الخفق او قشطه او شوي حليب بوني غير المحلى
وبالهنا والعافيه ياااارب
اسلقي صدر دجاجه مع ملعقه صغيره خل وملح واذا استوى الدجاج طلعيه وفككيه بالشوكه ورجعيه للمويه اللى سلقتيه فيها اضيفى له ذره اما معلبه او مثلجه واتركيه يغلى لمدة ربع ساعه ثخنى قوام الشوربه بملعقه نشا مذوبه بقليل من الماء واضيفي رشة فلفل اسود وملعقة سكر والهنا والعافيه
بعطيج طريقة شوربة ..... يم يم يم ....

شوربة البروكولي ..

تاخذين شوية بروكولي وشوية قرنبيط (زهرة) تسلقينهم شوي ..بيستوون بسرعة
وتاخذين بطاطس تقشرينة وتقطعينه وتسلقينه .. بيستوي بسرعه ..
بعدين خلطي البروكولي مع القرنبيط مع البطاطس في خلاط العصير بيصيرون صلصة غليظه ..
رجعيهم على النار وصبي عليهم شوية كريمة .... ملحي وبهري حسب الذوق ..

اخذي كم قطعة توست صغير ورشي عليه جبن مبشور ودخليه الفرن ليما يتحمر

صبي الشوربة في وعاء التقديم ... ورصي الخبز بالجبن على السطح...

اكلي وادعي لي
حسبي الله لا إله إلا هو عليه توكلت وهو رب العرش العظيم
طريقة شوربة ثانية.. شوربة الدجاج مع الخضار

اخذي افخاذ دجاج مع العظم (أحلى) واسلقيهم في ماي ومكعب ماجي مع شوية بهارات صحيحة (فلفل أسود - مسمار - دارسين)... واسلقي مع الدجاج جزر مقطع مكعبات + بطاطس مكعبات لحد ما يستوون ...

قبل لا تقدمين الشوربة... خذي نص كاس ماي بارد وذوبي فيه 1ملعقى أكل (متروسة) نشا (كورن فلاور) ... لما تشوفين الشوربة تغلي وايد .. صبي النشا ... بتشوفينها تغلظ شوي .. وقدميها

وبالعافية ,,,, (اذا عجبوج خبريني)
حسبي الله لا إله إلا هو عليه توكلت وهو رب العرش العظيم


الساعة الآن 05:44 .