السلام عليكم ورحمة الله وبركاته

حابه من خلال هالموضوع أشكر الأخت جنـــان وأقولها السمووووووووووحه منج والله مستحيه منج

أول مره طلبت مجموعة العطور وعطر غلا زايد. . وتأخر التوصيل لين يابها فوق الأربع أيام . . وطبعا هالشركه لعوااااااااااااااز صراحه. .
المهم أنا طلبت عطر غلا زايد وانا ما شميته. . وقالتي فيدتها لو ما عيبج رديه وطرشتلي تسترات ما قصرت. .
مدخن السياره عيب ربيعتي واااااااااااااايد . . ومستانسه عليه
العطر حلو صراحه بس أنا أحسس من بعض العطور العربيه يعني أحس بحكه يوم أشمه
المهم رديته ويا الفلوس وما قصرت . .
وجان يقولي مال التوصيل هات فلوس زياده . . قلتله ولا ربيه انت خذت فلوسك خلاص
المهم يوم وصل الاخت جنان استلمه اخوها وهو ما يدري بالسالفه وكلب فلوس توصيل ودفعله
طبعا انا لي عندها كان 85 درهم . .وتلومت فيها وقلتلها خصمي من الفلوس الي عندج وبالباقي طرشيلي ميداليات لانه شكلهن حلو. . عن أتعبها معاي اكثر
وتفاجأت عقب يوم رمستها وكانت المره الأولى بالتلفون ويشهد الله انها انسانه قمه في الذوق والاحترام وأني حبيتها في الله . . حسيتها صدق راقيه. . ورغم انها ما غلطت وكان كله من شركة الشحن تلومت فيني واتعذرت
وقالت انا بطرشلج عن طريق البريد. . ومعاه هديه واقبليها مني. .
واليوم وصلتني الأغراض

ويااااااااااااااااااااااااااااااا الله اني تلومت لدرجة اني ما قدرت أطرشها مسج وقلت بكتب الموضوع هنيه. . .

طرشتلي عود نوادر المعطر. . ومبين عليه حلو بس بعدني ما فتحته. . وميداليتين متروسات دهن عود ريحته. . خنينه يعني صراحه فووووووووووووق حقي وااااااااااااايد


وهنيه أوجه لها رسالة شكرا حـــــــــــــــــاره
وأقولها يزاج الله خير. .
وأنتي الي اسمحيلي والله متلومه فيج

ويسدني كسبت أخت شراتج. .
يسوى عندي وااااااااااايد ..

الله يحفظج ويعطيج ع قد نيتج وزيـــــاده. .
ويسعدني دنيا وآخره. .
ويزرقج من أوسع أبوابه
والأهم
الله يرزقج الجنه

02-05-1427 هـ, 08:19 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمة الله وبركاته


هلا حبيبتي


مبارك عليج الأغراض وتتهنين فيهن يارب


والأخت جنااااااااااان كلمة روعه شويه عليها .. ولو يلسنا نتكلم عنها صج ما بنوفيها حقها



الله يسعد أيامج ويرزقج اختي جنااااااااان







.. أختكم في الله ..
02-05-1427 هـ, 08:22 مساءً
 
والنعم في جناااااان.....تاجرة متميزة في بضايعها وتعاملها
02-05-1427 هـ, 09:03 مساءً
 
مبروك عليج الأغراض وتتهنين فيهن يارب
واكيييد جناااان،، ذووق و اخلاق،،،
وانا دايما اشهد ب هالشي..
و تعاملها اكثر من رائع..

الله يسعدها دنيا وآخره. .
ويرزقها من أوسع أبوابه...
02-05-1427 هـ, 09:09 مساءً
 
وعليكم السلام ورحمة الله وبركاته

يعلم الله انج أخجلتيني يا شوق وذوق ولا عرفت شلون أرد عليج

ومثل ما يقولون لكل إنسان من اسمه نصيب وانتي فعلاً لج من اسمج نصيب

يشهد الله انج فعلاً ذووووووووووووق بمعنى الكلمة

وانا أسعدني اني تعرفت عليج وحبيتج في الله

الله يديم الأخوة بيننا وربي يجمعني واياج في جناته جنات النعيم اخواناً على سرر متقابلين
02-05-1427 هـ, 09:55 مساءً
 


الساعة الآن 07:53 .