Analysis Services
اقتباس مشاركة  (UmSawaf)
الله يكون بعونج يا اختى
بس انتي كيف تبعثين الاغراض بدوون ماتستلمين المبلغ!!!!
لانج انتي جيه بتخسرين اكثر عن المبلغ الي لج
ماحسبتي البترول والمندوب والشحن وتعبج في الرايح والجاي وانشغالك عن اهلك او زوجك
الله يعوضج عوض خير يارب
حسبي الله ونعم الوكيل
الله المستعان
03-05-1427 هـ, 05:01 مساءً
 
بصراحة موضوع جدا مهم ويمس كل تاجرة اشكرج عليه عيون زعبيل

وانا وحدة من اللي عندهم نفس المشكلة يعني انا اتعامل بحسن نية وبمجرد ما تطلب مني الخوات شئ اطرشه بالارامكس بدون تحويل بدون شئ وادفع بعد التوصيل بس اشوف المشكلة بدأت تكبر ووصل المبلغ اللي لي حوالي 1000 درهم وكل ما اراسلهم يا ما يريدون او يقولون حولنا بدون رقم التحويل واي بيانات حتى ما يكلفون اعمارهم يقولون ان الاغراض وصلت والله صعبة والواحد واراه سفر


بس والحق ينقال في خوات في نفس الوقت اللي يعرفون اني طرشت الطلبية يحولون المبلغ على طول والله انهم مثل العسل حتى اسلوبهن راقي
03-05-1427 هـ, 05:02 مساءً
 
هي صح كلامج عيون زعبيل حتى انا استوا لي جذيه اطلب من وحده اطرش لي بضاعتها و
ماترد عليه فتره طويله
او وحده تمدح منتج عندها اغر شي يطلع خرابه
والله حرام عليكم
مره مدحو لي زيت للشعر وهو معروف في المنتدا والكل يمدح فيه والكل يقول النتيجه بعد شهر بتطلع واضحه واخر شي خذت واستعملته سبوع ونص شعر راسي طاح وتندمت اني خذته


واسفه على صراحتي بس الحق لازم ينقال
03-05-1427 هـ, 05:03 مساءً
 
شكرا على طرحكم للموضوع ، فعلا في مبالغه في مدح المنتجات في المنتدى ، والمشكله إن في تاجرات بس تطلبين منهم بيحطونج في عيونهم ومن تستلمين البضاعه عنهم وإذا حبيتي تتصلين فيهم علشان تخبرينهم لو عندج ملاحظات على البضاعه يطنشونج ، إطرشين مسجات مايردون ، وبالعكس في تاجرات والنعم فيهم ، واخص بالذكر مجموعه تعاملت معاها ولازلت ، لنهم فعلا مثال للتاجرات الراقيات:
بنت بنفسجيه
إسبرانسا

وأكيد في غيرهم بس إلى الآن ما تعاملت معاهم
03-05-1427 هـ, 05:31 مساءً
 
في شئ بعد نسيت اقوله هذا غير الطلبات الغير جادة حيث انهم يطلبون ويتمون يماطلون في الاستلام
03-05-1427 هـ, 06:17 مساءً
 


الساعة الآن 02:12 .