السلام عليكم ورحمة الله وبركاته..

أخواني وأخواتي.. طبعا كل من قرأ عن موضوع بازار 2006 وحماسي للمشاركة سيستغرب هذا الموضوع.. لكن شوفوا شو اللي صار لي...

بعد استفساري عن البازار وهذا كان بتاريخ 20/05/2006 بالهاتف.. ذهبت لنادي سيدات الشارقة لرغبتي في المشاركة.. خذت فكره عن مكان المعرض وبعدها سجلت للمشاركه بعد اختيار موقع المحل اللي بشارك به ودفعت رسوم ايجار المكان اللي أخذته بالكامل لاني لم أتوقع عدولي عن مشاركتي في المعرض طبعا... هذا كله كان بتاريخ 22/5/2006.. سألتهم طبعا عن الوقت اللي ممكن نرتب فيه أغراضنا وديكور المحل وغيره.. قالوا بيتصلون لابلاغنا..

وبعدها أنا قمت بالتجهيز.. جهزت البطايق "Business Cards"... وبديت مشاوير التجهيزات للأشياء اللي سأحتاجها لعرض بضاعتي.. وبعد ان انتهيت من التجهيزات قمت بالاتصال بالمسؤلين عن البازار لتأكيد الوقت اللي بنجهّز فيه المحل وطبعا هذا كان بالثلاثاء.. قالوا لنا بيكون فيه وقت بالخميس أو الجمعه وهم بيتصلون ويبلغونا عن الوقت!!
وسألتني الاخت عن اسمي ويوم قلت لها قالت أنا كنت بتصل فيج لان في تغيرات في خارطة المعرض واحنا غيرنا مكانج!!! طبعا تفاجأت بها الخبر.. وسالتها كيف يعني تغير؟ قالت انهم "صغّروا" قاعة المعرض وقاموا بتغيير مكاننا لكن مكان المحل لم يتأثر لانهم احتاروا لي مكان أحسن من اللي أنا اخترته!! زين ليش ما بلغتوني!! يمكن انا غير راضيه على ها التغيير!!!

المهم.. بعد ان اطّلعت على المكان.. وجدتهم قد -رموني- في ركن من أركان المعرض، يعني في زاويه.. ومكاني ما فيه حد يقدر يشوفه لانه بكل بساطه مغلق من جميع الجهات وله مدخل صغير جداّ لدخول الناس.. مع ان باقي المحلات لها واجهه واحده .. طبعا رفضت المشاركة.. أوّلا لأن المكان لم يعجبني اطلاقا.. وثانيا لعدم ابلاغي بهذه التغييرات وعدم أخذ موافقتي عليها.. صراحه هذا يدل على عدم إلمام القائمين على هذا المعرض بادارته واتقان ترتيباته -للأسف-..

كنت بانيه آمال المشاركه بهذا المعرض كأوّل معرض أشارك فيه.. على الأقل لتعريف الناس اللي بيزورون المعرض بي وبتحارتي البسيطه... لكن للأسف، سوء إدارة المعرض حطّمت آمالي.. والحمدلله اني لم أخسر الكثير في التجهيزات.. لان اللي أخذته أقدر أستعمله في أمور أخرى..

للأسف يا "بازار 2006" لم أتوقّع سوء التنظيم من ناحيتكم...

اسمحوا لي على الاطالة.. لكن حبيت التوضيح.. وأي حد مشارك في المعرض يا ريت يتأكّد ان ما صار له اللي صار لي...

والله يوفّق الأخوات اللي بيشاركون في المعرض وأتمنّى لهم النجاح..
الله بيعوض عليج يالغالية ..

والخيره في ما اختارة الله ...
غناتي اليايات اكثر ولا تزعلين...على فكره ابا اشوف الجلابيات والبنجابي


ام سيف




[]
وعليكم السلام ورحمة الله وبركاته

مرحبا الغاليه

طبعا انا حاسه فيج ... وانا صار لي موقف وياهم
طبعا انا من سمعت عن البازار اتصلت فيهم على طول وحجرت مكان وهالكلام كان من اسبوع تقريبا ... وللاسف استوت لي ظروف منعتني اسير ادفع الرسوم وقبل يومين اتصلت اتاكد من الحجز وقالوا تعالي حياج وخبروني عن الوقت اللي ممكن اقدر اسجل فيه ... ولان دوامي لين الساعه 2 ونص طبعا ما قدرت اوصل عندهم واخترت يوم الاربعاء لان آخر يوم في الاسبوع واقدر اطلع قبل نهايه الدوام ... المهم وصلت عندهم ويوم قلت لهم اني حاجره بالتلفون دورت البنيه لين هلكت وّآخر شيء قالت لي السموحه منج اسمج مب موجود ... والله اني اتفاجأت .. وانا من اسبوع احضر حق المعرض ... وخسرت عليه .. يعني مب كان المفروض يخبروني على الاقل يتصلون ويقولون لي تعالي بسرعه ادفعي او على الاقل يقولون اذا ما تبين خلاص بنلغي حجزج .. لكن للاسف مثل ما قلتي عندهم سوء تنظيم ... ولكن على رايج اكيد بستفيد من الاشيا اللي خذيتها حق المستقبل ...

ولج تحياتي ...
وعليكم السلام ورحمة الله وبركاته

مرحبا الغاليه

طبعا انا حاسه فيج ... وانا صار لي موقف وياهم
طبعا انا من سمعت عن البازار اتصلت فيهم على طول وحجرت مكان وهالكلام كان من اسبوع تقريبا ... وللاسف استوت لي ظروف منعتني اسير ادفع الرسوم وقبل يومين اتصلت اتاكد من الحجز وقالوا تعالي حياج وخبروني عن الوقت اللي ممكن اقدر اسجل فيه ... ولان دوامي لين الساعه 2 ونص طبعا ما قدرت اوصل عندهم واخترت يوم الاربعاء لان آخر يوم في الاسبوع واقدر اطلع قبل نهايه الدوام ... المهم وصلت عندهم ويوم قلت لهم اني حاجره بالتلفون دورت البنيه لين هلك وّآخر شيء قالت لي السموحه منج اسمج مب موجود ... والله اني اتفاجأت .. وانا من اسبوع احضر حق المعرض ... وخسرت عليه .. يعني مب كان المفروض يخبروني على الاقل يتصلون ويقولون لي تعالي بسرعه ادفعي او على القل يقولون اذا ما تبين خلاص بنلغي حجزج .. لكن للاسف مثل ما قلتي عندهم سوء تنظيم ... ولكن على رايج اكيد بستفيد من الاشيا اللي خذيتها حق المستقبل ...

ولج تحياتي ...


الساعة الآن 01:36 .