السلام عليكم ورحمة الله وبركاته خواتي بنات مندى حواء وتاجراتنا العزيزات انا صار لي فتره متشجعه اشتري عن طريق النت وخاصة المنتديات النسائيه والأخوات في المنتدى مب مقصرات الله يعطيهم العافيه ويوفقهم بس امس صارت لي مشكله كبيره بسبب سالفة المندوب كنت طالعه مع زوجي ورن موبايلي والرقم متسلسل وحلو فأستغربت لأني ماأعرفه ورديت طبعا000وكلمني رجال اماراتي سلم وقالي الاخت فلانه أنا من طرف الأخت (00000)ذكر اسم العضوه اللي في المنتدى اللي أنا طالبه منها الأغراض أستغربت لأني ارسلتلها رقمي عالخاص بس ماكلمتني ولا أرسلتلي رساله عالموبايل ولا أتفقت معاها على أي حاجه الا عالخاص فكيف تعطي رقمي لرجال(المندوب)بدون حتى ماتكلمني والمصيييييييييييييييييييييييييييييبه انه مواطن000يعني لما الاخوات يكتبون عن طريق المندوب على تفكيري يكون على اساس انه سواق او هندي فزوجي مابيمانع اذا بهالطريقه بس يتصل رجال مواطن ومن أهل البلاد ماادري اذا هو محتاج العشر دراهم!!!!اوالله يابنات من الصدمه ماقدرت أتكلم وزوجي يستفسر بكل هدوء ولما قلتله الموضوع عصب وقالي كيف مندوب وأماراتي ؟؟؟؟؟؟؟؟؟؟؟فحلفت له اني فكرت انه المندوب هندي واني ماعندي فكره عن الموضوع وقالي خلاص بلامندوب بلا زفت كيف هالتاجره تعطيه رقمج بدون ماتكلمج اصلا وصار بينا أنواع الكلام اللي ماله داعي 00000وهذي مو أول مره يصيرلي هالموقف بس المره الاولى ماكلمت المندوب بس وصفت للاخت عنواني وارسلت معاه الأغراض للبيت وتفاجأت ان الشغاله تقولي السياره الفلانيه برا(سيارة قيمتها فوق ال200 الف درهم واخر موديل)وطلعت سيارة المندوب والاخ اماراتي وكاشخ تخيلو بس ماادري التاجره تبغي تفيد أخوها ولا زوجها بعشرين درهم!!!!!!!!!!!!!!!!!!وهذا الكلام مو للتاجرات كلهن بالعكس وحده من الأخوات من الامارت الشماليه قالتي ان زوجها يشتغل في امارتنا واذا ممكن بترسلي الأغراض معاه(يعني سألتني قبل)فوافقت وارسلت لزوجها السواق بدون مااكلمه000ادري طولت عليكم بس والله من الضيقه اللي أحسها لأني طحت بمشكله مالها داعي أبد000فرجائي للأخوات التاجرات انهم اذا ذكرو كلمة مندوب في مواضيعهم يوضحون جنسيته عشان مااتوهق بمندوب اماراتي ورقمه كشخه وسيارته أخر موديل وتصيرلي مشكله انا في غنا عنها
رحمـــــــــــك الله يازايد الخيـــــــــــ ــر
ليش الاماراتي ريال و الهندي مب ريال؟

انا ما اشوف فيها شي الا اذا الريال بغا يغازل او سوى حركات...لكن دامنه محترم عمره و يسوي شغلته مافيها اي شي بالعكس المفروض نشجع المواطن و التوطين...دحبنا الهنود من البيزات لين ما كبرت روسهم
صح اختي صدقج موقف محرج زوجك معاج ويتصل واحد صدق تستوي مشكلة
اقتباس مشاركة  (Dubai Baby)
ليش الاماراتي ريال و الهندي مب ريال؟

انا ما اشوف فيها شي الا اذا الريال بغا يغازل او سوى حركات...لكن دامنه محترم عمره و يسوي شغلته مافيها اي شي بالعكس المفروض نشجع المواطن و التوطين...دحبنا الهنود من البيزات لين ما كبرت روسهم
حبوبه حاولي تفهميني اذا بغينا نشجع التوطين مااقدر احط سواق مواطن في بيتنا صعبه شوي 000فأذا جاني مندوب مواطن وكاشخ عالاخر صعب اتعامل معاه حتى لو ماغازل وبعدين انا مستغربه كيف اشجع التوطين والمواطن نفسه راكب سياره قيمتها فوق الميتين الف ويشتغل مندوب على عشرين درهم كيييييييييييييييييييييف!!!!!!!!!!!!!!!!! يعني المندوب الاول جاني بسياره لكزس فورويل موديل 2006!!!!فهميني كيف اشجعهم يعني؟انا اللي طلبته ان التاجره تقول شو جنسية المندوب وأنا لي حرية التعامل معاه سواء كان هندي ولا اثيوبي ولا اماراتي ولا أني انحط في موقف بايخ وماله داعي مع زوجي مشكوره على مرورج
رحمـــــــــــك الله يازايد الخيـــــــــــ ــر
بغض النظر عن كونه مواطن ولا هندي

المفروض كانت تتفق وياج من قبل انه دامها بتطرش الاغراض مع مندوب تكلمج هي بنفسها مو تخلي الريال يكلمج.... صدق موقف ماله داعي،، الله يهدي الجميع....

سبحان الله وبحمده
اللهم اغننا بحلالك عن حرامك وبفضلك عمن سواك
وبطاعتك عن معصيتك وبرضاك عن سخطك
وبالثبات عند سؤالك
لا اله الا انت
سبحانك اني كنت من الظالمين





الساعة الآن 04:01 .