السلام عليكم

بنات ليش نحن نستعيل قبل لا انرد ..
اختي lora18 قصدها كيف التاجرة تعطي رقمها حق مندوب مواطن بدون ما اتخبرها .. وانا اقول على الأقل لو كانت امخبرتنها ان مندوبها مواطن جان عطتها رقم ريلها علشان يتفاهم وياه ... ولا انحطت في هالموقف ... وبعدين بنات اي وحده مكانها جان انحرجت ... وطبعا رياييلنا معروفيين بغيرتهم على أهلهم .. سواء كان الزوج ولا الأخو ولا الوالد .. ومع اني مب معرسه لكن اعتقد ان الوالد لا يمكن يرضى ان واحد يكلمني .. ولو لا سمح الله كنت مكانها واتصل واحد جدام الوالد جان قطع النت من البيت ... وبعدين اتخيلو يطلع المندوب ربيع ريلها ولا اخوها شوووووووووو بيكون موقفها ؟؟؟؟
اتمنى كل وحده اتحط نفسها في هالموقف وعقب تحكم ...

والسموحه منكم على الاطالة
07-05-1427 هـ, 01:39 مساءً
 
اختي الراقيه،،، صح لسانج كفيتي ووفيتي
07-05-1427 هـ, 02:31 مساءً
 
ما بزيد على كلام أختي الراقية لأنه فعلا لو الحرمة تعرف ان المندوب إماراتي بتخلي ريلها يتفاهم وياه لأنها فعلا مب حلوه ريال يتصل على تلفوني ويكلمني عن طلبيتي لأنه في الأساس الوحده منا حاطه في بالها ان التاجرة بتتصل فينا إذا عطينها أرقمنا مب مني والدرب ما ندري إلا بالريال داق تلفون بغض النظر منو قاعد عدالي في هالحظة وما فيها شي مواطن ولا غيره يكون مندوب ويوصل الأغراض مقابل عشر ولا عشرين درهم بس الوحدة منا تكون على علم بهالشي لأنه على هالأساس نقدر نتصرف تصرف سليم وما نطيح في مواقف محرجة

ومهما كان ترانا كلنا خوات ومافي داعي للعصبية ونتلفظ على بعض بإلفاظ مب حلوه لأنها مب من أطباعنا كلنا ما شاءلله بنات نقدر الأمور خير تقدير ومحترمات فهدو النفوس والقلوب
07-05-1427 هـ, 06:09 مساءً
 
الغاليه دام انج شفتى رقمه متسلسل وغريب عليج اقل شئ اتسوينه انج تعطين الموبايل لزوجج
وهو من يسمع صوت واحد بيكون على علم وبيتفاهم معاه
واذا صوت وحده بيعطيج الموبايل
وتفكين عمرج من الصدعه000 وعيال لبلاد فيهم الخير ولبركه الغاليه
أحسن من الهنود اللى ما كلين الخضر واليابس
07-05-1427 هـ, 06:44 مساءً
 
اقتباس مشاركة  (الراقيه 000)
السلام عليكم

بنات ليش نحن نستعيل قبل لا انرد ..
اختي lora18 قصدها كيف التاجرة تعطي رقمها حق مندوب مواطن بدون ما اتخبرها .. وانا اقول على الأقل لو كانت امخبرتنها ان مندوبها مواطن جان عطتها رقم ريلها علشان يتفاهم وياه ... ولا انحطت في هالموقف ... وبعدين بنات اي وحده مكانها جان انحرجت ... وطبعا رياييلنا معروفيين بغيرتهم على أهلهم .. سواء كان الزوج ولا الأخو ولا الوالد .. ومع اني مب معرسه لكن اعتقد ان الوالد لا يمكن يرضى ان واحد يكلمني .. ولو لا سمح الله كنت مكانها واتصل واحد جدام الوالد جان قطع النت من البيت ... وبعدين اتخيلو يطلع المندوب ربيع ريلها ولا اخوها شوووووووووو بيكون موقفها ؟؟؟؟
اتمنى كل وحده اتحط نفسها في هالموقف وعقب تحكم ...

والسموحه منكم على الاطالة
ماشالله عليج راقيه حتى في ردج عالموضوع ماتسرعتي مثل غيرج واذا يابنات بتشوفون كلامي اللي قبل انا كتبت ان الاخت أكيد مب قاصده وكان الهدف من كتابتي الموضوع ان بعض الخوات التاجرات ينتبهون لهذي النقطه000مشكوره أختي على مرورج
07-05-1427 هـ, 10:11 مساءً
 


الساعة الآن 09:05 .