هلا وغلا خواتي العزيزات..

صديقتي صارلها فترة تدور شقة ايجار في الشارقة وتكون غرفتين وصالة وسعر الايجار معقول، يعني مايزيد عن 15 الف في السنة.. ياليت لو اي وحدة عندها فكرة تساعدها ولكم دعاء صادق من القلب لأن هالبنت ظروفها المادية صعبة هي وزوجها واتمنى لو نقدر نساعدها بهالطلب خلال هالشهر عالأقل، لأنها هي وزوجها لازم يسكنون بهالشقة عالأقل ف نهاية شهر سبعة.. ربي يحفظكم ويخلي لكم عيالكم وازواجكم،،،آمين..
07-05-1427 هـ, 01:18 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
للأســـف ما ودي أحبطج لكني بقولج بصراحه ..

مستحيـــــــــل اتلاقين هالسعر أحين في الشارجه لانه أصحاب العقارات كلهم رفعوا ايجاراتهم وأعرف وااايدين كانوا ساكنين في شقق ايجار وكلهم رفعوا ايجاراتهم لين وصلوا 23 ألف و40 ألف واكثر ..
اتخيلي في غرفه وحمام وصاله صغيييييييره بــ 35ألف مع انه مساحتها ضيييييييقه لدرجه الي بيشوفها بيقول هاي غرفه والا حمام .. و الحمام جنه قفص للطيور .. والله حرااااااااام عليهم ما ايراعون ظروف الناس أبداااااا .. يعني بالذمه منو بيسكن بالايجار غير المحتاج وهالمساكين من وين بييبون هالمبالغ الي تكسر الظهر وكيف بيعيشون هم واعيالهم ..

الله يهدي اصحاب العقارات ويبعد قلوبهم عن حب المال والطمع ..

بس نصيحتي لج خلي اربيعتج اتشوف في عجمان يمكن اتحصل هالمبلغ في المباني الجديمه طبعا ..
و بالتوفيق ان شاء الله ..
07-05-1427 هـ, 04:15 صباحاً
 
فعلا اختي مستحيل صديقتج تلقى شقة غرفتين وصالة في الشارجة ب15 ألف
خلها تدور في عيمان او حتى ام القيوين لانها تفرق 30 دقيقة بالسيارة عن الشارجة
ولا انها تدفع مبالغ خيالية لشقة ما تسوى وصغيرة غرفة وصالة في الشارجة ب20 ألف على أقل تقدير
07-05-1427 هـ, 10:27 صباحاً
 
في الوسيط
وجريدة الخليج
دايما يحطون اعلانات للشقق وللايجارات
08-05-1427 هـ, 06:03 صباحاً
 
أنا كنت ساكنة في شقة في الشارقة قبل سنة ..
ظلينا ندور شقة ما يقارب 3 شهوووور لين لقينا وحدة أرخص شي
غرفتين وصالة 35 ألف
واول ما طلعنا من الشقة ,, اليوم اللي بعده ناس سكنوا في الشقة ب 55ألف ..
مستحيل اتحصلي شي اقل من 40 غرفتين ...
اذا تبغين في عجمان يمكن تحصلي ...
وبالتوفيق أختي الغالية
@(^_^)@
08-05-1427 هـ, 06:29 صباحاً
 


الساعة الآن 03:12 .