اعويش :

مرحبا أختي ....**النجاوي** ... والله يا أختي رضا الوالدين نعمة من الله ... وأنا أحس ان الله يحبني ان هداني وجعل أمي راضية علي ... بالنسبة لي ... انا أحاول دوم اني أرضي امي ..اشلون .. اي شي تقوله اقول لها انشالله .. اي شي اي شي ... حتى لو كان الشي قاهرني وباط جبدي ... اقول في نفسي معليش .. استحملي ...حتى لما تعصب ساعات .. من ضغوط الحياه .. او مني .... والله أضغط على نفسي .. واقول لها انشالله ومن عيوني ...القاها بعد شوي تهدى ...واقول الحمدلله اللي ما قلت لها كلمة تعور قلبها ... لو بغت تروح مكان مثلا .. اوديها .. حتى لو ميته من التعب ... لو بغت شي تشتريه .. احاول اشتريه اذا قدرت واجيبه لها ... كل يوم ابوسها على راسها .. وابوس يدها .. واسألها في خاطرج شي علي؟ واذا في خاطرها تقول .. يعني ما اخليها تبات وهي زعلانه علي .. والله يابنات .. الام لو مهما نسوي لها ... ما نوفيها حق طلقة طلقتها في ولادتنا ...ورضاها فيه لذة عجيبة ... وتلاحظين ان حياتج تتغير للأحسن.. .ورزقج ربي يبارك فيه .. سبحان الله .. حتى النفسية تصير غير سبحان الله .... الله يجزي امهاتنا الجنة ..

مرحبا أختي ....**النجاوي** ... والله يا أختي رضا الوالدين نعمة من الله ... وأنا أحس ان الله...