تحيه طيبة مليئة برائحة اجمل الورود
ابغى من كل خواتي يساعدوني ويحلو عقدتي الي هي
( القهوه) لاتستغربون (القهوه)
كل مره اسويها ماتضبط معي ولاتصير زي القهوه الي في بالي
تعرفون القهوه الي تطلع بارده ولذيذه وفنفس الوقت حاره يعني مو ثلج لالالالا
ماني عارفه كيف اوصفها المهم يكون لونها مايل للصفار طبعا من الزعفران
وطعمها لذيذ موباين فيها الهيل ولا البن ولا الزعفران
اكثر مااذوقها في الاعراس الي تكون في صالات فخمة وعند ناس قليل من اهل الرياض
الله يحرم كل وحدة تساعدني من النار .... ااامين
على فكرة انا اتكلم على القهوه العربيه
09-05-1427 هـ, 01:41 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا حبيبتي ...

بقولك طريقة قهوتي وهي بصراحة زي اللي في الأعراس اسويها والكل يعجب فيها اتمنى تعمليها وتعجبك ..

اول شي حطي المويه المقدار اللي دايما تحطيه بعدين لما تغلي حطي عليها الزعفران الأصلي ويكون مفتت يعني لا تاخذينه وتنزلينه كذا ، لا افركيه وبعدين خليه يغلي لحد ما يطلع لونه بعدين حطي شوية حليب مثل حليب المراعي السايل وخليه يغلي شوي كمان بعدين حطي القهوة و شي بسيط قرنفل وحطي الهيل وخليها تغلي بعدين طفي النار وخليها شوي واخيرا اسكبيها وبالعافيه على قلبك

اتمنى تكون اللي في بالك
09-05-1427 هـ, 09:12 مساءً
 
ياعمري ياكوكب والله اني مثلك واردي
بس تتنظر واصفات البنات
09-05-1427 هـ, 09:42 مساءً
 
شهيتيني على فنجان قهوه وريحة الهيل والزعفران يا سلااااااام

احسن قهوه هي القهوه الي تنعمل بالبيت يعني تاخذي القهوه الحب ( الاخضر) وموجود بالسوبرماركت ومحلات البهارات
وتحمصينها على النار وتقلبينها لين تصير بنيه بس لا تحترق معاج
والتحميص يكون حسب الي انتي تبغينه اشقر او بني
ويا عيني على ريحة القهوه المحمصه
المهم لما تبرد طحنيها شوي شوي بمطحنة القهوه واستخدميها
احلى مليون مره من الجاهز الي بالسوق

وطريقة القهوه انك تحطي مقدار من الماء تبع الشرب مو الي بالحنفيه
وتحطي مقدار من القهوه وتخلينه على نار هاديه يغلي ولما يغلي اطفي النار عليه
وحطي بالدله هيل صحيح وكميه من الزعفران المنقوع في فنجان ماء ورد
وصبي القهوه واستخدمي المصفايه المعدن الصغيره لتصفيه القهوه

وصحتين وهناااااااا
09-05-1427 هـ, 10:45 مساءً
 


الساعة الآن 05:12 .