هلا والله بغاليتنا شقراويه
كلامك كله صحيح وكم مره كثير من التاجرات يشكون من هالحركه اللي يسوونها فيهن بعض التاجرات الاخريات لكن ولا حياة لمن تنادي، للاسف راعي الطبع عن طبعه ما يجوز يعني هاللي تسوي هالحركه هي قاصده وعارفه شو تسوي تحديدا واذكر بعد الاخت الغاليه ميك اب ارتست تكلمت في هالنقطة بعد في موضوع اخر من فترة وذكرتها بشكل نقطه ضمن موضوع اخر وبينت للبنات انه ما يصير هالكلام

ومثل ما قلتي اللي تدخل وتتمنى التوفيق لواحده ثانيه تشيل توقيعها وبكذا ما في اي مشكله
لكن حاطه توقيعها وبنفس المنتجات الصراحه حركه مو زينه ابدا (طبعا يستثنى المندوبين والمندوبات للتاجره نفسها).

فما ادري الى متى هالشي!!

واللي تسوي هالحركه بعد ينطبق عليها حكم الشرع بالبيع المحرم اللي هو البيع على بيعة الاخ المسلم وهالشي حرام شرعا وهي نفس طريقة البيع على بيعة الاخ المسلم اللي كانت قبل او في الاسواق حاليا مثلا واحد دخل محل يبي يشري يجي صاحب المحل الثاني عند باب محله واقف ياشر للزبون تعال عندي انا بعطيك سعر حلو او تعال عندي وياخذه من المحل الثاني

هي نفسها بس بالمنتديات ويا ليت هالبنات يفكرون زين انه المنتدى مثله مثل الواقع بالضبط ومحاسبه الواحده على كل شيء وتراعي وتخاف ربنا في الفلوس اللي تدخل عليها لانه لو دخل عليها فلوس بسبب هالشي بيعتبر بيعها محرم لانها باعت على بيعة اختها لما سوت هالحركه وبكذا اخذت فلوس حرام !!!! هي بغنى عنها !!

اما طبعا اللي ناسيه او غير قاصده فهذا شيء ثاني او مثل المثال اللي ذكرته نجود هذا موضوع ثاني غير ممكن فعلا ما نلوم فيه التاجره

انا عن نفسي حاليا اغلب المواضيع اللي ادخلها اشيل توقيعي سواء نفس البضاعه ولا غير دايما احاول اتذكر اني اشيله عشان ما ياخذ مساحه بالموضوع ويصير التحميل ثقيل على البنات

وجزاك الله كل خير مره ثانيه يا شقراويه

والف تحيه حبوبه
09-05-1427 هـ, 10:30 صباحاً
 
مرحبا

اول شي بغيت اشكرك عزيزتي شقراوية على طرح الموضوع المهم اللي ممكن اكثرية تكون غافله عنه مثلي
يعني لازم نحسن الظن في بعض التاجرات واكبر مثال انا ماكنت حاطه في بالي اني لو دخلت في موضوع وحده من التاجرات وتمنيت لها التوفيق بتفهم ان ودي اخرب عليها واخذ زباينها يعني الله اعلم بما في النفوس ونيتي طيبة
بس مادام انك نبهتينا وقلتي اللي في خاطرك وفي خاطر التاجرات الباقيات خلاص بكذا بااشيل توقيعي لما ارد على البنات
والله خليتني اراجع نفسي وافكر على مين رديت وعندها نفس اللي عندي علشان استسمح منها لا تفكر ان ودي اخرب عليها

وللجميع خالص تحياتي
09-05-1427 هـ, 10:59 صباحاً
 
هلالا اختى شقراويه
والله عندك حق فى كل كلمه قلتيها وياريت كلنا نراعى مشاعر بعضنا لانه احنا بالنهايه اخوات وما حدا بياخد اكثر من الرزق اللى مكتوب له
09-05-1427 هـ, 11:03 صباحاً
 
والله يا حبايبي مكبرين السالفه

مع اني ماني تاجره بحواء

لكن هذي لعبة التجاره

هذا سوق مفتوح ... ومافيه مراعاه لأحد

بس اهم شيء لا يتعدى التاجر حدوده

تخيلوا انه مجمع بضايع وبضاعتكم معروضه

حد يقدر يمنع احد

ورزقك الوحده جايها جايها

مابينقص ولا بيزيد بهدذي الطرق

بس الله يرزقنا القناعه
09-05-1427 هـ, 11:11 صباحاً
 
بنات والله انا ما قصدت نفسي انا بصراحه شفت مواضيع تاجرات غيري يحز بخاطري والله بعضهم ما اعرفهم زززززززين بس اقول ليه التاجرات يسون مع بعض كذا


المفروض كل وحده تراعي الثانيه وتحط نفسها بموقفها


وبصراحه الرزق على الله


بس انا اعرف كثيرررر تاجرات يدخلون بقصد التخريب والله يسامحهم ويعفو عنهم

والله داري عن النيه انا بالنسبه لي بصصرااااحه ما يهمني كثيرررررر

لان الحمد لله انا لي تجارتي مستقله خارج المنتدى ولي 11 سنه الحين بالتجاره ماشاء الله

بس بعض البنات على الله ثم بنات المنتدى ويمكن تصرف على بيتها وعيالها من الدخل


فحرااااااااااااااااام تسون ببعض كذا

واشكر كل وحده دخلت قالت الي بخاطرها

واشكر مليكه كلامك منطقي 100%


بس احنى ننفخ بقربه مشقوقه


نجود اذا كنتي رازه توقيعك وجبتي بعد ايام نفس المنتج ههههههههههههههههه عادي الله داري عن النيه

وتشكرون على تفاعلكم بالموضوع

وانتظر ارى التاجرات الباقيات
09-05-1427 هـ, 12:09 مساءً
 


الساعة الآن 09:41 .