Analysis Services
السلام عليكم
أختي اسرع و افضل طريقة لتحويل الاموال هي الويسترن يونين
صح عمولتهم مرتفعة حبتين بس المبلغ يوصل في نفس الوقت و كامل
و لو صاحبته ما استلمته تقدرين تسترجعينه

عندج الصرافات بعد عمولتهم اقل من البنوك و يوصلون خلال 3 ايام لو لدول الخليج و اسبوع اذا لامريكا

و بالنسبة للبحرين
في قوانين يديدة نزلت وحدو فيها عمولات البنوك من التحويل
ما اعتقد انه البنك خصم 100 ريال
اكبر احتمال انه البنك اللي حولتي منه ما يتعامل مع البنك اللي فيه حساب الاخت اللي شريتب منها
في الحالة يتحول على بنك وسيط يوصله لحساب البنت اللي شريتي منها و يخصم منه 30 ريال بس يعني ما توصل ل 100 ريال
يمكن صار فيه غلطة في البنك اللي حولتي منه لأنه مرة صارت معاي و بسبب غلطة الموظفة المبلغ ما تحول كامل
12-05-1427 هـ, 03:59 مساءً
 
حبيبتي لينا الله يكون بعونك
غيري البنك اللي تتعاملين معه لان تكلفة التحويل مرتفعه
أنا استخدم الراجحي وتكلفة التحويل 20 ريال للعملاء العاديين ،اما عملاء الخدمه الذهبيه والماسيه يحولون لهم مجانا من غير رسوم تحويل
واذ حولتي عن طريقهم بعني حواله عاديه ماهي حواله سريعه يوصل المبلغ ناقص 30 ريال الظاهر
وللتوضيح
نفترض ان بنك المرسل اسمه أ
وبنك المرسل اليه اسمه ب
والبنك وسيط بين البنك أ والبنك ب
البنك الوسيط يستلم من البنك أ المبلغ كامل ويحوله للبنك ب بعد خصم تكلفة التحويل اللي تحملها البنك الوسيط
ولها السبب يوصل ناقص
وانا اشوف بما ان الطرف الأول (الزبونه)دفعت رسوم التحويل اللي طلبها منها البنك الخاص بدولتها(البنك أ) فهي ما هي مطالبه بدفع تكاليف التحويل اللي خصمها البنك الوسيط لسببين
الأول: هي دفعت اللي عليها بالنسبه لبنكها ومن الظلم تدفع بالنيابه عن البنك الوسيط
ثانيا:التكلفه اللي يخصمها البنك الوسيط تختلف من دوله لدوله ومن بنك لبنك وماهي معروفه لكل الطرفين

ولهالسبب أشوف :
1-ان التاجرات وانا أولهم ما تحمل الزبونه النقص اللي يوصلها لأن الزبونه ما لها ذنب دامها دفعت رسوم التحويل للبنك أ
2-بالنسبه للسعوديات بنك الراجحي أقل البنوك بالنسبه لرسوم التحويل (20الى 25 ريال فقط) والامريكي 30 ريال
3-التاجرات اللي بيستمرون بمهنة التجاره عن طريق النت انصحهم انهم يبحثون عن بنك مشترك بأكثر بنوك الخليج
(بمعنى بنوك مشتركه وما بينها وسيط) ويفتحون حساباتهم فيها علشان يوفرون النقص اللي يوصلهم من البنك الوسيط.


اتمنى أكون أفدتكم
13-05-1427 هـ, 12:53 مساءً
 
انا افضل اني استقبل الحوالات على الويسترن لكن الارسال مافيه زي الراجحي
13-05-1427 هـ, 05:20 مساءً
 
انصحكم بالراجحي
الطلبات اللى توصلني من خارج السعودية واليها اطلب التحويل يكون للراجحي
13-05-1427 هـ, 05:36 مساءً
 
ما في اقضل من الراجحي ... يوم يحولولي البنات من الراجحي توصلني كاملة و بنفس اليوم او ثاني يوم على الاكثر و رسومهم بسيطة... بس في شئ مهم يوم تقولج التاجرة من الامارات حوليلي مبلغ 450 درهم مثلا مب معناته 450 ريال لان هناك فرق العملة لذلك للدقة و لابراء ذمتك تخبري الموظف انج بدك تحولي ما يعادل 450 درهم اماراتي وهو بيحسبه لج كم بالضبط
13-05-1427 هـ, 06:41 مساءً
 


الساعة الآن 08:51 .