أختي جربي هالوصفة رووووعة و سهلة جدا لكن نصحتي جربيها قبل العزيمة و لما تضبط سويها بعزيمتك و اقري الردود كلها ففي الرد 27 توضيح للوصفة أكثر

هذا هو الرابط http://forum.hawaaworld.com/showthread.php?t=420247


و سلامتك أختي الغالية

يالله فرج همي يالله و هم المسلمين


ربي اغفر للمسلمين والمسلمات والمؤمنين والمؤمنات الاحياء منهم والاموات
ربنا يخليكى يا ام أسما..
وحالا بافتح الرابط

جزاكى الله كل خير

إيمان
السلام عليكم
أزيك يا مدام وائل بصى أنتى أول ما يدخلوا بعد حبة صغيريين قدمى لهم عصير وبعدين تجلسى معاهم شوية حلويين وبعدين قدمى المعجنات مع الشاى وبعد فترة مناسبة قدمى الحلو .ولو جلسوا بعد الحلو فترة طويلة يبقى لازم تحطى لهم مشروب أخر...يعنى أعملى حسابك على مشروبين...
بالنسبة للعصير فى عصير سريع وحلو أوى أنتى كونى غسله الفراولة كويس وأزيلى عنها العنق الأخضر وقطعيها أنصاف بالطول وقلبيها فى سكر وضعيها بالفريزر وأول ما يأتى الضيوف تكونى قبلها غليتى لبن وبرد تقومى بعد ما يجيوا وتجلسى معاهم شوية تخرجى كيس الفراولة من الفريزر وعلى الخلاط معاها شوية لبن وسكر وتضربى كويس لغاية ما يبقى عصير ثقيل وممكن تضيفى فى الأخر كريمة لبانى بتعطى دسامة وطعم لذيذ..وتقدميها .

ممكن تعملى فطاير بعجينة بنت الجزيرة 1 تشرف وطرية ولذيذة جدا..على هذا الرابط
http://forum.hawaaworld.com/showthread.php?t=554393..

بالنسبة للحلو عندك طريقة كيك الكريم كراميل سهلة وبتتعمل من قبلها بيوم يعنى حتريحك فى الوقت
http://forum.hawaaworld.com/showthre...89#post7797889...

المشروب الثانى تلاقيه فى الصفحة رقم 7 من الرابط اللى فى توقيعى (الخوخ بالحليب )أو ممكن تعملى لهم تمر هندى ....كركدية شىء من هذا القبيل)...أتمنى أن أكون قد أستطعت إفادتك .
أختك هبهوبة
السلام عليكم
مكرر
حبيبتى مدام وائل
فيه حاجة مهمة
يا ترى الناس المعزومين عندك من أى نوع؟؟؟؟
لو هما من النوع الشك جدا اللى بيروح نوادى و عادة بياكلوا برا و متعودين على العزومات فى المطاعم يبقى ده هيحتاج منك شوية مجهود زيادة فى اختيار نوع كل معين و طريقة تقديمه كمان مهمة جدا.... وفى الحالة دى يستحسن تختارى وجبات فيها شبه من اللى بتتقدم فى المطاعم
أما لو هما من النوع العادى اللى عادة بياكلوا معظم أكلهم فى البيت و ملهومش فى أكل المطاعم إلا فى المناسبات يبقى تديها مصرى...
قولك على طريقتى فى الفلفل و الباذنجان المقلى
و الله يسيبوا اللحوم و ياكلوامنه
يستحسن إعداده من اليوم السابق و حفظه فى الثلاجة
تقطعى الباذنجان شرائح متوسطة و تنزعى رأس الفلفلة الخضراء (يستحسن البلدى مش الرومى)
و يرش عليهم ملح و يترك فترة حتى لا يشرب زيت
و تبدأى تقليهم
أثناء القلى قطعى 4 طماطم قطع صغيرة و 2 فلفلة قطع صغيرة و 10 فصوص ثوم مفرومين و ضيفى عليهم ملح و فلفل و شطة بسيط و كسبرة و كمون و قرفة بسيط
بعد انتهاء القلى صفى الزيت من المقلاه و بعدين ضيفى معلقتين زيت جديد و اضيفى خلطة الطماطم و الفلفل و ابدأى سويهم و لما الطماطم تصفى ميتها ضيفى ثلث كوب خل أبيض و قلبى و سيبيه يسبك و بعدين العلية بتاعة الثلاجة اللى هترصى فيها الباذنجان رصيه طبقة و طبقة من الخليط ختى ينتهى و غطيه و لما يبرد احفظيه فى الثلاجة
حافظى على صوابعك علشان هتكليهم و راه

رارا


الساعة الآن 07:43 .