خواتي اللي جربت كريم الغلا بدهن العود تخبرني عن تجربتها و لا تبخل علي عشان انا استفيد و اختي الغلا تستفيد واللي تجاوبني الله ينولها اللي في بالها ****لله
حبيبتي انا جربته وبصراحه روعه وما استغنى عنه ودايم اطلب منها لكريم وباحجام بعد وريحته عربي على فرنسي يعني يرضي كل الاذواق ...

توكلي على الله وماراح تندمين وام حمدان ما تقصر وكل شي عندها حلو وتعاملها رووووعه ومب مجامله لها...
هذا كان ردي في موضوع الغلا:

كلمة حق تنقال في هالكريم......................

أنا خذت عنها الحجم الصغير.....

ريحته باااارده و حللللللللللللللللللوه....ونفس ماقالت عطر فرنسي على عربي.....
اعتقد مستخدمه دهن عود....بس صراحه امبين انه اللي خالطنه من الاشيا الغاليه.....

انا دوم احطه الصبح يوم اسير الدوام.....احيانا ما اتفيج فالبس جلابيه وفوقها عباه امصكره...
...............اركب السياره واسير الدوااااااااااااااام......

وصراحه انسى اني حاطه البدي لوشن (لآنه ريحته ما تفوح)

بس الشي العجييييب اللي صدق ايعيبني....


اني يوم اعدل شيلتي ......................فجأه (صح جي الكلمه؟) ...المهم فجأه أشم ريييييييييييييييحته
هنييي اذكر اني حاطه البدي لوشن
معنه ريحته بارده وماتفوح ... ومعني البس امية طبقه فوق بعض (كندوره وعباة)
الا انه اللوشن يخترق كل الطبقات واشمه (حشه جريندايزر)


ونفس كل الناس ..عقب الدوام ارد البيت

ايي وقت السبوح
هنييييييي عاااد اتم كل شويه اروح جسمي (والله ما بالغ)
لأني صدق اكون ناسيه اللوشن ... ف يوم اشم ريحه حلوه اقول من وين هالريحه....يوم اتروح جسمي اذكر اني مستخدمه خلطة الغلا....

المهم المهم طولت عليكم...بس بختصر عليكم الريحه
وبوصفها بجملتين:
حلوه وبارده لدرجة انج تنسين انج حاطه لوشن ...وتتفاجئين بالريحه

يوم تتوضين او تسبحين اتفوح الريحه...يعني يوم ايي عليه ماي ريحته اتفوح

وسلامتكم
روووووووووووووووعه رووووووووووووووعه صدق هالكريم وريحته باارده وتعيبني .. انصحكن لاتفوتنه ترى الغلاااااا اروووحها ماتتفوت فديتها ^_^
[IMG] [/IMG]
فديتكن ياربي ومشكوورات عالشهاده ...................


الساعة الآن 06:40 .